Forum.Noorclinic.com
Noor Clinic Pakistan Forum

pakistani matrimonial
 
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Quran & Hadith Download
 
Warning: This Website is not for people less than 16 years of age. Please exit
 
Forum new question
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Book For All
Book For Women
Book For Men
Baby Care
Daily Questions
New Topics (General)
Recent Reply (General)
Social Problem
    Start New Topic  My Profile
 

Life After Death In Islam- Hisaab Kab Hota Hai?

Religion and Culture   >>  Religious Questions
 
 
* Noor Clinic *
aasagar Group: Members  Joined: 03rd Aug, 2009  Topic: 21  Post: 99  Age:  26  
Posted on:6th Nov 2009, 5:16am
 

Life After Death In Islam- Hisaab Kab Hota Hai?

Dr.Qasim or kali zaban mein aap si aik information liyna chata houn

jab insan mar gata hay or usay kabar mein dal dia chata hay to Allah kay hukm si wo insan dobara zinda ho gata hay or us si hak esab start ho gata hay

lakin aik insan jo farz karay kai 1 november,09 ko mar or usay kabar mein after one month dala gai to kia us aik month mein hak esab nahi ho ga----?

ya jab hum aik maray howay insan ko amanat ka tor per dafnatay hay or aik month kai baad usay kabar si nakal kar kisi dosri jaga dafana ditay ho to kia us aik month mein us si esab katab ho ga ya bar kia ho a--------------?

plz jawab urdu mein dai

thanks

regard

saeed

myrizvi Group: Members  Joined: 20th Apr, 2008  Topic: 130  Post: 7703  Age:  55  
Posted on:6th Nov 2009, 6:24am
 

agar ijazat ho to...

main bhi kuch arz karouN...qasim /KZ iss main izafah kar saktay haiN..

apkay bayaan k motaabiq... hindu to apnay murdouN ko jalaa kar raakh kar detay hain... onhaiN to "qabar" moyassar hi nahi hoti to kia onka "qabar maiN hissab kitaab" nahi hotaa aur onhaiN "azaabay qabar" say waastah nahi paRtaa???

aisaa nahi hai... qabar ko ja mafhoom hum letay haiN woh aik mahdood mafhoom haiN... qabar sirf zameen k aik "gaRhay" ka naam nahi jahaaN murday ko dafan kia jata hai............ asal maiN marnay k baad insaan (mahaz khaaki wajood nahi) ko aik aisay "area" maiN pahonchayaa jata hai... jahaaN sab say pahlay ... munkin nakeer /farishtay sawaal o jawaab kartay haiN... yaani tumhaara Rubb kain hai, tumhara deen kia hai aur rasool kaun hai... Yehi "makhsoos area" jahaaN yeh sawaal o jawaab hota hai.... QABAR kahlaati hai... yeh zameen ka gaRhaa bhi hosakta hai jahaaN ossay burtried kia gaya ho.... samandar ki tah bhi hosakti hai jahaaN woh faut howaa ho... fizaa bhi hosakti hai, jahaan ossay jalaa kar raakh ko oRaa dia gaya ho.... balkay "khalaa" bhi hosakta hai... jahaaN koi insaan khalaayee-jahaaz say gir kar mar jaa.ay (agar aisaa ho to)...

agar koi murdah marnay k baad dafan nah howaa ho aur woh donoun  yaa maheenouN taaboot maiN band ho, murdah khaanay mai paRaa ho etc etc tab bhi oska "saraa wajood" to oss "laash" maiN nahi hotaa... oska wajood (asal insaan without jasday khaki) to kaheeN "aur"  qaid hotaa hai... yeh "kaheeN aur" hi oski "qabar" hai .... ahaadees main jo "azaabay qabar" kaa zikr hai, sawaal o jawaab ka zikr hai... woh iss zameeni gaRhay k elawaah bhi hosakta hai.

hope k baat kuch kuch samajh aagayee hogi... now qasim /kali zubaan can add more, if they wish. agar baat samajh naa aayee ho to aap mazeed sawaal bhi karsaktay hain

saahilbhai Group: Members  Joined: 31st Oct, 2007  Topic: 17  Post: 971  Age:  29  
Posted on:6th Nov 2009, 7:27am
 

My rizvi bhai

mujhe yeh pochna hai k hamara hisaab kitaab to Qayamat wale din hashar k maidan mein hoga, to phir qabar mein kia hota hai, aur qabar ke azaab ka kia concept hai, qayamt wale din jo naik log honge unko jannat milegi aur jo gunahgaar hain unko dozakh,

jo naik log hain unke sath qabar mein kia hoga aur jo bure log hain unke sath kia hoga, app thora wazahat kar dien.

myrizvi Group: Members  Joined: 20th Apr, 2008  Topic: 130  Post: 7703  Age:  55  
Posted on:6th Nov 2009, 9:46am
 

Qabar

ghaleban kissi hadees ka mafhoom hai k qabar jannat /jahannum k TukRouN maiN say aik TukRa hai...... yani insaan marnay k fauraan baad azaab o sawaab ka mazaa chakhnay lagtaa hai... qayamat maiN to Final hissab kitaab hoga... lekin 'qabar' maiN hi teen bunyaadi sawaalaat ka sahi jawaab denay walaa naik banday ki taraf jannat ki aik khiRki see khul jati hai aur woh qayamat tak aaraam o sakoon say rahta hai... jabkay 3 bunyaadi sawaaloun ...1)munn rabboka 2). mun deenokaa 3) munn rasoolokaa ka sahi jawaab nah day saknay walaa banday k saath azaab start hojata hai... "azaabay qabar" aiik haqeeqat hai jo shaih ahaadees say saabit hai
H/dr_Qasim Group: Members  Joined: 10th Sep, 2010  Topic: 185  Post: 6560  Age:  36  
Posted on:6th Nov 2009, 9:06pm
 

salam

u study mot ka munzur

wesy jesy he insaan ki death hoti oska nama ahmaal close ho jata laykin oska sudqaa jariyaaa jari o sari rehta hy yaani ap ek pani ki subeel lugaa dayty tu jub tuk os subeel sy log pani pety rayn gy ap k nama ahmaal meh oska ajur shamil hota rhay ga dosri bat k olaad or nak olaad b sudka jariyaaa hy or bora kam agur ap ko shoro kur gy oska b gonaah ap ko milta ray ga lykin ap ka personaly nama ahmaal close ho jay ga death k bhad or burooz kiyaamat jo nama ahmaal paysh ho ga wo ap ka compleate nama ahmaal ho gaa yani suda jariyaaa or bory kam start kur jany k nuteeja meah milny wlaaa gonaha ka sara hisaab osi din yani yom hisaab ko he ap sy kiya jay ga.

or mot k bhad aalam-a-burzukh ki life start ho jati hy. momun k  wo junaat he hoti hy lykin gona gaar ko azaab kubar hota hy or ye zura thora azaab hy or ye azaaab sehny k bahd ap k gonaah khutam ho gy tu ap ko junti logo wali hysiyaat ho jay ggee , or gonaah kubeeraa or bundoo k hukook ka hisaab roz kiyaamat he hoga, ku k wo faysily ka din ho ga jis din kisi k sath koi boraai or na insaafi ni ke jay ge.ye Alllah ka wada hy

Qubar meah ap k zati gonaaho ki suzaa mostly ho ge mugar kiyamat ko ap ko suzaa juzaa mokamal gonaahoo k budly ho ge jesy ap kis ka huk marty hen tu jub tuk ap ka or os bundy k durmiyaan os na insafi ka fasila ho ga. yaani hukook al hibaaad ka .

Hukook Allah or Hukook al hibaad ka sub ka mokamal fasila osi roz ho ga,

sunehri76 Group: Members  Joined: 04th Aug, 2007  Topic: 100  Post: 4647  Age:  38  
Posted on:7th Nov 2009, 8:12am
 

my question

 do batain suni gayi hain..

ek ye ke Murda Qayamat tak soya rehta hai..yani death ek neend ki tarah hain. ke qayamat ke din jab sab uthaye jayenge to humain ye pata nahi hoga ke hum 100 ya kitne sal se marre hue the..

yani ek suna hua hai ke Qayamat ke din sawal jawab honge,.


dusri taraf ye kaha jata hai,ke kabar me sawal jawab shuru...etc. aur kabar ka azaab bhi murdah mehsoos kar sakta hai...thats mean ke agar murda kabar ka azaab mehsoos kar raha hai .thats mean ke murdah gehri neend nahi so raha??


dusra sawal ye hai ke agar sadka dene se Murde ko sawab pohanchaya ja sakta hai to un ghareebon ka kya kasoor hai,jo khud roti roti ke mohtaj hain,aur sadka dene ke kabil bhi hain? ye cheez mujhe hazam nahi ho rahi ke sadka (murde ke nam pe) dene se hum kissi ko sawab pohancha sakte hain.
Kyoonke Allah ke lye sab bande ek jaise hain ghareeb ho ya ameer.!!
plz give me any referenz Hadees,ayaat koi hawalaa-

qasim apne jis ke book ka zikar kiya hai ye kahan read ki ja sakti hai
myrizvi Group: Members  Joined: 20th Apr, 2008  Topic: 130  Post: 7703  Age:  55  
Posted on:7th Nov 2009, 9:11am
 

sunehri

apkay sawaalaat k tarteeb waar jawaabaat hazir haiN...

1.jo naik roohaiN hongeeN, woh qabar /aalamay barzakh main araam o sakoon say neend ki kafiyat maiN araam farmaa hongeeN. lehaza qayamat tak ka arsay ka onhaiN bilkul bhi pata nahi chalegaa. coz araam o sakoon k lambay arsay bhi easily guzar jaatay hain aur waqt 'guzarnay' ka pata nahi chaltaa

2. qayamat k din insaan k saaray aamaal ka hisaab kitaab hogaa aur meezaan maiN oski naikiyaaN /gonaah taulay jayengay... agar naikiyaaN zeyadah howi to bandah jannat main aur gonaah zeyadah howay to bandah jahannam main jaayegaa. asal hisaab kitaab /sawaal jawaab rozay qayamat hi hogaa ... tafseelan

3. qabar main sirf teen sawaal hongay ...Rubb, deen aur rasool k motalliq... jissnay sahih jawaab day diaa, woh goyaa university main admission entry test maiN pass hogayaa... jiss tarah entry test main kaamyaab honay walaa uni maiN admission ka "ahal" to hogayaa... magar asal "merit list" k baad hi pata chalegaa k woh kiss faculty /technology maiN daakhil hogaa.

qabar k 3 sawaal ka kaamyaab jawaab denay wala bhi jannat main entry ka 'ahal' hojayegaa... bus qayamat k hissab kitaab k baad ossay jannat main apnay moqaam /darjay ka pataa cahlegaa... jabkay jo qabar k sawaal jawaab main nakaam hogaa... woh jannat main entry ka 'ahal' hi nah hogaa... aisay banday par qabar hi maiN qabar ka zaab start hojayegaa jo taa qayamat jaari rahegaa... qabar ka azaab sahih ahaadees say SABIT hai... jiss par ajmaa.e.ummat hai. yaani ummat ki bhari aksariyat issay HAQ maanti hai.

4.murday ko eesaalay sawaab: morday ko eesaalay sawaab paisah kharch karkay /sadqah day kar bhi kia jasakta hai aur beghair paisaa kharch kiyeh naik kaam karkay .. jaisay telawatay kalaam ka sawaab bhi morday ko bakhsha jasakta hai.... youn ghareeb aur ameer dounouN apnay apnay morday ko sawaab pahonchaa saktay haiN... do u know k soorat ikhlaas ka sawaab 1/3 quran k barabar hai. goya mahaz teen martabah sooratay ikhlaas paRh kar apnay murday ko bakhsh dain to aik quran paRhnay ka sawaab ossay mil jayegaa.. iss amal main har ameer ghareeb shareek hosakta hai.

5. jiss tarah dunyaa main insaan ko jo takleefain, dukh aur beemaariyaan aati hain aur woh as per ahaadees insaan k gonaahoun ka kaffarah ban jati hain... hosakta hai k aik saahibay imaan magar gonaah.gaar fard ko qabar main milnay wala azaab bhi oskay gonaahoun ka kaffarah ban jaa.ay aur iskay benifit issay rozay hashar qayamat maiN hissab kitab k dauraan mil jaa.ay coz Allah aadil hain woh kissi bhi insaan k saath naa.insaafi nahi karsakta... aur oski taraf say banday ko jo mushkilaat pesh aati haiN, oska bhi banday ko ajar milta hai

6. maut ka manzar ma'a marnay k baad kia hogaa... pata nahi yeh book net par availabale hai yaa nahi... pak /karachi maiN kissi bhi book market say easily mil jati hai... magar yeh aik intehaayee khatarnaak book hai... sirf mazboot dil waloun ko hi issay paRhna chhaiyeh... kamzor dil, aur bachouN ko yeh book nahi read karni chhaiyeh... issay paRh kar bahoot say log apnay hawaas kho chukay hain.

wallaho aalam bissawab

sunehri76 Group: Members  Joined: 04th Aug, 2007  Topic: 100  Post: 4647  Age:  38  
Posted on:7th Nov 2009, 9:42am
 

myrizvi

Thankss for ur replays

is book me aisa kya hai ?? apne parhi hui hai? aisa bhi kya detail me likha hua hua jo insaan apne hawaas khode??
mai bohat mazboot dil ki to nahi hun,but maine ye book zaroor parhni hai..

mera khayal hai aisi book sab ko read karni chahye..kyoonke hum insan aksar jan bujh kar aur anjane me  bhi is haqeeqat se ghafil ho jate hain ke Maut ke bad humare sath kya hone wala hai...aur bure anjaam se bachne ke lye aisi books zaroor parhni chahyen,..
jo aisi books parh ke bhi na apni ghaflaton pe kaboo kare,aur apne gunahon se Tauba kare,uska Allah hi malik hai.

myrizvi Group: Members  Joined: 20th Apr, 2008  Topic: 130  Post: 7703  Age:  55  
Posted on:7th Nov 2009, 9:59am
 

g haan main nay paRhee howi hai

aur issi book maiN likha howa hai k issay parh k bahoot say log deewanay hohgayee.....

iss book maiN azaabay qabar ki tafaaseel bayaan howi haiN. marnay ki takaleef aur marnay k baad gonaah.gaaroun say kia kia salook hogaa... ahaadees k hawalay say.... mujhay iss poori book ki authenticity k baray main to koi baat confirm nahi... magar beshtar bataiN sahih ahaadees wali bhi haiN... hosakta hai k kuch zaeef ahaadees bhi houN yaa kuch deger rewaayaat / buzurgouN k bayaan kardah waaqe'aat houn.... mukhtasaran yeh k agar iss niyyat say yeh kitaab parhee jaa.ay to bahoot achi bata hai.. insaan ko apni maut zaroor yaad rakhni chahaiyeh aur aur maut k baad pesh aanay walay event ki tayyari bhi takay oss boray anjaam say buch sakay, jiska iss book maiN tazkera hai... aap issay zaroor parhain lekin kidz below 12/14 saal ko nah dain aur nah hi kamzor dil khawaateen ko....

waisay islami tareeqah yeh hai k ... quran o hadees ya andaazay bayaan bhi yeh hai k ... Allah k inaam o azaab ka tazkera baari baari kia jaa.ay... takay insaan ko aik taraf to azaab say khauf aa.ay aur inaam ki raghbaat bhi ho ......... iss kitaab main sirf aur sirf azaab aur azaab ko yakjaa kardia gaya hai... jiss say aik kachay zehan ka fard bahoot zeyadah mayoos ho sakta hai.

H/dr_Qasim Group: Members  Joined: 10th Sep, 2010  Topic: 185  Post: 6560  Age:  36  
Posted on:7th Nov 2009, 7:39pm
 

aalam-burzukh

Burzukh dur ussal woo zumana , woo period hy jo humari donyaavi zindgi ky khatmy ky bhad start hota hy or humary dobara zinda othaay jany k wukat tuk khutam ho gaa yani death say lay ky broz kiyaamat k jub soor phonka jay gha or mordy apni Qubroo say nikaal   purin ghy.baki aalim burzukh ki life kesi hy es ky bary meah khuch ziyada maloomaat kayin b ni hen laykin Quran or khuch hudessoo ki roshni meah undazaa zuror lugayaa ja sukta hy.

                                                        Hudeess

Huzrat inss ruzi (R.A.T) furmaaty hen k Huzoor Nubi Kureeb (ap pay lakho sulam) ny furmaya ky Jub kisi mordy waly ko Qubar meah rukha jata hy tu o sky rishta daar or uzzeez akaarab chuly jaty hen tu Qubar ka morda jany walo ky Qudmoo ki aahaat sonta hy.Du frishty Qubar k ass passs aaty hen . dono firishty os mordy ko othaa k bithaaty hen ,pher firishty suwaal kurty hen

1.   Tom Huzraat Mohammad (ap py lakho salam) ky bary meh Keya janty ho?

Agur morda momun hy tu forum khay gaah k meah ghuwaai data hoon k Mohammad Allah k bundy or Rusool hen. Furishty os mordy say kahyin gy agur tu suchaai ka izhaar na kurta tu teraa mukaam teri jugaah Jahunnum hoti , abi tomary leye Junnut hy , ye keh k firushty momun ko Junnat ak Nizaaraa Kurwayin gy, essi tura firishty kafroo, monkuroo, or monaafqoo sy bhe ye he suwaal kurin gay k Tom Huzrat Mohamamd (ap py lakho Durood or salam) Keya janty ho?

Woo juwaaab dayin gy hum khuch ni janty, hum tu bus woo he kehty hen jo dosry kafur or monafiq kehty hen. Firisihty on sy kahyin gy , tom kubi in ko janny ki koshish bhee ni kei or na he momuneeen ki baat mani, firishty ye keh kur kafrooo ko lohy ki sollughti hoi sorakh sulaakhoo sy marin gy. In kafroon ki chekheeen jinaat or insaaanoo k siwaaa duniyaa ki hur cheez ko saaf sonaai dy gee.

       (Bokhaari or Muslim)

Asma bint-a-abo bukur  furmaati hen ek din Nubi pak (ap py lakho droor o-salam) logo ko uzzaab-a-Qubaar ka haal sonaa ry ty jissy son k sub log ba-tahashaa rony lugy

                                                                                                                        (Bokhari)

Nubi pak (ap py lakho durood o sualm ) ny furmaaya Allah pak sorut al -Malik ki pabundi sy tulawaat kurny waly ko azaab-a-Qubar sy mehfooz ruky ga.

 

Momun or kaafur Roh ka mukkaam after death

Hudeess

Mot k bahd kisi rookh ki Keya halut hoti hy es kay bary meh Huzrat abo Huraraa k motabik Nubi Pak ny furmaaya , jub kisi momun rookh ess jissam sy joddaaa hoti hy tu du frishty ossy lay k aasmaan ki turaaf jaty hen, firishty kehty hen ek naik or salih Rookh doniyaa sy eye, firishty es naik rookh say kahyin gay Allah tom pur or tomaary jissam pur rehm-o-kurram furmaay jis meah tom rahaa kurty they, firishty os Rookh ko Allah k rooh-burooh payish kurrin gy, Allah furmayin ghy ess rookh ko Qiyaamaat tuk ky leye allieen meah rukh du.

Jub ek monkur or kafur k jisaam say roh nikly ghee tu frishty kahyin ghy doniyaa say ek bud rooh i.osssy budboo ay ghee or firishty os pay lahnaat kurin bhajayin ghy.Allah pak on frishtoo ko Hukam day gaah es gundi Rooh ko sijeeen meah rukh du, sijjeeen woo mukkaam hy jahaaa pur monkurin, kafreen, or monafqeen ki gundi arwaah ko rukhaa jay gha.Allah k Russol (ap pay lakhoo salam) nay kafur rooh ki budbooo say buchny k izhaar k leye apni chadur ko apni naak py rukh leyaa.(Muslim)

 

                                                Yom-ul-hisaab

 

        Nubi pak (ap py kurooroo durood o salam) ap ny mukkah meah tubleegh-a-deen k wukat ehlaan furmayaa at k Qiyaamat aany wali hy , Jis din tom sub Allah k samny pash ho kur apny namaa aahmaal ki juzzaa or suzzaa or ahmaal-a-bud ki suzzaa pori pori pao gy.

 

                  Allah ki raah meah khurch kurna . or sudqaa jariyaaa

 

 

        Allah ny islaam ko khool khool k biyaaan furmaaya hy or hur jugaa humyin gonjayish ataaa ki , chooot kafi sari d bot saari bato meh esi tura apna maal khurch kurny k bary meah Allah pak Quran meh furmaaty hen

 

        Or Jo Log  Khoda Ki Khosh Noodi Hasil Kurny K Leye Khuloos-Niyaat Say Apna Maal Khurch Kurty Hen On ki Missaaal Ek bagh Ki see Hy Jo Onchii Jugah Waqiyaah Hy, Jub Oss Pay Barish Bursy tu Doghnaah Phul lay or Agur barish na Bursy tu khair Phuwaaar he sahii or Allah kamoo ko daykh raa hy. Al-Buqra 265 Al Quran

 

                                                      Sudqa jariyaa

      Woo naik kaam jin ka aajur death k bahd b jaari o saari rehtaa hy jub tuk woo sudqaa jariyaa meh keyaa ghiyaa kaam , bunaai ghi emaraat, musjid, school, hospital, road, rasta, tree, eelm, achi batin , jo b mojood rehti hen tu os sudqaa jariyaa ki soraat meh oska ajar o suwaab b os bundy ko milta rehta hy jis ny woo acha naik kam shoro Keya hota hy Jesy ek aam c bat tree lugaa dayina , ye b sudqaa hy , esi tura chund esy naik kam jiska fayda logo ko hota ray, sub sy acha sudqaa jariyaa naik or salih olaad jo naik hony ki soraat meh sudqaa jariyaa hy or agur naik ni or oski purwarish meah koi kumi chori or on k nuteejy meh olaad bori raah bory kamo meh pur ghi tu eski poch kuch b ki jay ge or gonah b mil sukta hy .

      Esi tura koi shukss bora kam start kur k Chula ghiyaa so woo kam jub tuk mojood oska gonaah b osy milta ray ga.Sudqa jariyaa bot sary hen zuroori ni maal he sy sudqaa jariyaa Keya ja sukta hy , naki tu os time b ek likh d jati hy humary nama ahmaal meh jub hum koi achaa kaam kurny ka pukaa eraadaa kurty hen or humary nama ahmaal meh ek naki likhi jati osi time.

      Taleem danaa b sudqaa jariyaa so teaching dosroo ko purhanaa b ek sudka jariyaa or jo abi meh likh raa hon ye b ek sudqaa jariyaa jo jo purta ry ga mujy ajar or suwaab milta ry ga.

 

 

sunehri76 Group: Members  Joined: 04th Aug, 2007  Topic: 100  Post: 4647  Age:  38  
Posted on:27th Jan 2010, 10:38pm
 

Dr Qasim & myrizvi

 ap dono ke proper replays ka shukriya..its help me a lot..

mere papa ki death ke bad mai bhi kuch noor ki tarah feel kar rahi hun..ajeeb ajeeb sawaal zehan me ate rehte hain..ajeeb ajeeb khayalat..

maine apne ird gird bohat se logon se poocha unki maloomat ,about after death..about rooh (apni maloomat barhane ke lye) like. rooh kya jisam se nikalne ke bad kya kya sun sukti hai,humain dekh sakti hai ? ya nahi?..

iske ilawaah maine net pe bhi bohat search kiya..

jis book ka ap dono ne hawala diya tha use bhi bohat search karne ki koshish ki hai maine,lekin wo net pe available nahi hai.albatta uska ek mp3 format maine 45 min ka ek lesson bhi suna hai..jisse sun kar mai kuch out of mind ho gayi hun...

aur mujhe is waqt samajh bhi nahi a raha ke mai kya sawal karun ,,,kya karun...? mai roz jab sone ke lye jati hun to zehan me abu ka chehra ghoomta hai,unke sath hui akhri batain yad ati hain aur unki death ka waqt ek film ki tarah zehan me ghoomta hai..mai koshish bohat karti hun ke us waqt apni tawaaja unke lye duaon me rakhun aur unke lye Allah se Dua karti hun...

lekin mujhe phir bhi sakoon nahi milta..apne ap se ek ehad kiya hai ke ab 5 waqt ki namazain parhne ki puri koshish karungi ,lekin jisne kafi arsa namazon me sussti ki ho uske lye ek dam se 5 waqt ka paband hona asaan nahi hai..lekin mai puri koshish kar rahi hun..

i dont know what to do more...mai har waqt death aur rooh ki batain karke apni friends ko bhi bor nahi karna chahti but mai kya karun ???

myrizvi Group: Members  Joined: 20th Apr, 2008  Topic: 130  Post: 7703  Age:  55  
Posted on:28th Jan 2010, 2:53am
 

main kia karouN?

1. it's true k jab namaazouN maiN susty hoti rahi ho to phir 5 times ki namaaz ki pabandi karna zara mushkil hojata hai..... ap filhaal yahaan say aghaaz karain k .... din ka aghaaz namazay fajir say laazman ho aur sonay say qabal ishaa ki namaaz laazman parh kar soyaiN.... agar sari rekataiN paRhni mushkil nazar aa.ay to ibtedaa main sirf "farz rekatain" paRhaiN... wazah rahay k fajir k namaaz go sooraj nikalnay say pahlay paRhi jati hai magar agar kabhi aankh dair say khulay tab bhi fajir ki namaaz sab say pahlay 9sooraj nikalnay k baad bhi) laazman parhaiN.... insha Allah apkay din ka aghaaz aur ikhtetaam acha hoga.

2. apkay walid ki yaad jab bhi aa.ay... yeh soch lain k woh bhi apko yaad kar rahay hongay aur apki taraf say "naikiyouN ka tohfah milnay" ki aas lagaaye hongay.... fauran onhaiN aik quran paak parh kar onhaiN eesaalay sawaab kardaiN... g haaN aik quran paak ... aik hadees ka mafhoom hai k jiss nay 3 baar surat ikhlaas (qul howa Allaho ahad...) paRhee goya ossay pooray quran ki telawat ka sawaab milegaa........... ap iss telawat ka sawaab apnay walid k saath saath deger marhoomeen ko bhi eesaal karsakti haiN... onsab ko sawaab milega. aur apkay walid k sawaab maiN koi kami nahi hogi...balkay apko bhi sawaab milegaa

3. quran /hadees ka kli bhi achaa saa tarjuma /tafseer ki regular study karaiN... insha Allah apki deeni info maiN bahoot izafah hogaa aur apka waqt bhi acha kaTegaa... baqyah waqt maiN deger routine k kaamouN maiN busy rahaiN...kabhi faarigh nah baiThaiN, kabhi tanhaa nah rahaiN... insha Allah ap apnay aap maiN behtari feel karengi. Allah apka haami o naasir ho

sunehri76 Group: Members  Joined: 04th Aug, 2007  Topic: 100  Post: 4647  Age:  38  
Posted on:28th Jan 2010, 11:00pm
 

myrizvi

 mai zohar assar ki namaaz asaani se parh leti hun .par mushkil jo hoti hai wo fajar me hi hoti hai ,meri ek friend ne mujhe kaha tha ke subha jab bhi utho chahe namaz ka waqt guzar gaya ho,tum fajar ki namaz ada karo ,is tarah karne se pehle fajar ki adaat padegi aur uske bad koshish karo ke fajar ke lye sahi time pe utho.. but i dont know ke aisa sahi hai ya nahi ...

ek waqt tha mai tahajad parh ke fajar ki namaz parh ke so jati thi ,lekin ab late sone ki adat ki wajah se utha hi nahi jata ..

baki isha aur maghrib ka koi massla nahi ,,,bas routine nahi dal rahi..jo mai bohat dinon se koshish kar rahi hun..

but mere lye ye topic (death) is waqt aisa hai ke mai jitna bhi parhun wo kam lagta hai,jitna bhi sunu wo kam lagta hai.. jabke is tarah se kuch parhne ke bad mai kafi bad feel karti hun,par mujhe phir bhi kuch khainchta hai,,,ke mai google open kar ke is kisam ka hi kuch search karti hun..pata nahi kya ho raha hai.. aur kyoon

myrizvi Group: Members  Joined: 20th Apr, 2008  Topic: 130  Post: 7703  Age:  55  
Posted on:29th Jan 2010, 2:55am
 

ur frnd in right

ap aisaa hi kia karain. yeh durust tareeqah hai k agar aankh dair say kholay tab bhi ossi waqt (exact sooraj nakalnay k 10 mint baad say any time before 1200 noon)) parh lia karaiN. insha Allah ap ki namaaz adaa hojayegi.

Allah apko dili sakoon ataa farmaa.ay.... agar mumkin ho to koi saa bhi zin=kar harwaqt karnay ki adat DalaiN... zikray ilaahi k liyeh baa.wazoo  hona zaroori nahi. aur khawateen makhsoos ayyam maiN bhi zubani wazaaif /zikr karsakti haiN.

For Detail Click On Page No: 1
 
 
 
 
Pakistani in Italy  How to apply for an australian visa  Indian Students Dance In USA

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact UsLast Updated: 30th May 2014