Forum.Noorclinic.com
Noor Clinic Pakistan Forum

pakistani matrimonial
 
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Quran & Hadith Download
 
Warning: This Website is not for people less than 16 years of age. Please exit
 
forum new question
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Book For All
Book For Women
Book For Men
Baby Care
Daily Questions
New Topics (General)
Recent Reply (General)
Social Problem
    Start New Topic  My Profile
 

Khud Kush Hamlah Aawars K Dost Koun Hain?

Politics   >>   War and Terrorism
 
 
AppkaDost Group: Members  Joined: 18th Jul, 2009  Topic: 24  Post: 281  Age:  37  
Posted on:8th Dec 2009, 3:27pm
 

Khud Kush Hamlah Aawars K Dost Koun Hain?

Pakistan mein talban k khoud kosh hamloon ki taddad mein intahee taizii aa gahee hai ...Peshawer mein tou her roaz oar abhi friday ko namaz k doran Rawalpindi mein oar kal Lahore mein oar ajj Multan mein kitanay hee masoom loaq luqma ajal ban gahay.......Talban itnay zalim hain keh masoom bachoon ki shahadat ki zimadari bhee khoushi khoushi tasleem ker rahay hain.... 
Ail e sunnat kay do jeed ulma nay Tahir ul Qadri oar Mufti Munib ur Reham nay khoud kosh hamloon ki mozammat ki oar in ko totally haram ka fatwa dia hai.... 
Ail e Tashi kay ulma nay bhee in ki issi ilfaz mein mozammat ki hai. 
Mera app dostoon say sawal hai keh  
kia Jamat e Islami ,Jameat ulmahe Islam (Fazal ur rehman) oar lashkar e taiba(Ail e Hadees) walay bhee kabhi in kay ghilaf fatwa dain gay......
Afsoos keh hum mein firqa parasti iss kadar rach bas gahee hai keh hum apnay hum firqay ki intahee ghalt baat ko bhee defend kertay hain.........tavilain dondatay hain 
meray khial woo aaq iss kadar pail chukki hai keh abb humhain iss ko bojanay ki koshish kerni hai 


Asim yaqoo Group: Members  Joined: 11th Sep, 2009  Topic: 33  Post: 59  Age:  29  
Posted on:8th Dec 2009, 4:16pm
 

deoband india ka fatwa

dost app ko pata he ho ga keh deoband india sey bhi fatwa jari ho chuka hey keh khudkush hamla qatee tor per haram hai is kee islam main koi gunjaish nahi hey or na hee khudkush hamla kerney waley ka islam sey koi taluq hai. yeh fatwa june ya July main shaya howa tha.
ch Babar Group: Members  Joined: 15th Jul, 2007  Topic: 32  Post: 1873  Age:  40  
Posted on:9th Dec 2009, 12:57am
 

Darul Uloom Deoband

se khud kush hamlon k khlaf bohat wazeh fatwa aa chuka hae, isee tarah Ahl e Hadees Ulema ne kabhi bhi in hamlon ki himayet nahi ki is liye ye dono maslik har giz muta'sub nahi hain , tasub un logon main hae jo in k is positive role ko tasleem nahi kartay hain.kuch arsa pehlay hakoomat e punjab ne Ulema se khud kush hamlon k haram honay pe fatwa liya tha aor is main Deobandi aor Ahl e Hadees Ulema bhi mojod thay. Lehaza Hakoomat agar is dehshat gardi ko roknay main mukammal tor pe nakam ho chuki hae to Hakoomat ko ye taveel nahi deni chahye k Ulema ki tarf se fatway nahi aa rahay hain,

Fatwon se aap kabhi bhi in hamlon ko nahi rok saktay. aor na ye khud kush hamlay karnay walay in Ulema ki raye ko koi ahmiyat detay hain k ye Ulema fatwa dain gay aor khud kush hamla awar ghar main baith jayen gay, Mazi main MUfti Hasan ki misal sub k samnay hae, Mufti Sarfraz Naeemi ki tarah un ko bhi shaheed kar diya gaya tha.

ch Babar Group: Members  Joined: 15th Jul, 2007  Topic: 32  Post: 1873  Age:  40  
Posted on:9th Dec 2009, 1:18am
 

khudkush

hamla awar k dost to shayed koi bhi na ho laikin America k dost kon kon hain ye to koi raaz ki baat nahi hae. Tas'ub un logon main hae jo khud kush hamlon pe to bohat boltay hain magar Drone attacks pe bilkul khamosh rehtay hain. jin ko "taliban" ki dehshat gardi to nazar aati hae laikin Drone Attacks main marnay walay masoom bachay aor khawateen nazar nahi aati hain.Aaj har koi keh raha hae k Masjid pe hamla karnay walay muslman nahi ho saktay, begunah masoom bachon ko qatal karnay walay muslman to kya insan bhi nahi ho saktay, aaj se taqreeban 2 saal pehlay jub yahai sub kuch Lal Masjid aor Jamia Hifsa(R.A) main howa tha to yahi log jin ko aaj Islam ka dars e insaniyat yaad aa raha hae us waqt is pe khushyan mana rahay thay.Jamia Hifsa (R.A) k plot pe baithay howay us  buzurag admi ki roti hoi awaz aaj bhi mujay yaad hae jis ki beti ki mayyat bhi nahi mili thi k "in fojyon k bachay marain to in ko pata chalay k olad ka dukh kya hota hae"

Aaj "Rehman Malik" media k samnay aa k ye to kehta hae k Ulema ne khud kush hamlon k haram honay ki baat ki ha elaikin ye nahi batata k Ulema ne Drone Attacks ki bhi aat ki hae, Ulema ne Hakoomat ki Afghan Policy ki bhi baat ki hae, Uelma ne Dr Afiya ki bhi baat ki hae.Afghanistan aor Pakistan main jub tak America ki dehsat gardi khatam nahi ho gi ye masla hall nahi ho sakta,

Bhimji Group: Members  Joined: 07th May, 2008  Topic: 13  Post: 1868  Age:  31  
Posted on:9th Dec 2009, 4:47am
 

Re:

Main ne phle bhi kai dafa likha hae aur dobara yehi repeat karunga ke aik society main jb 2 intehaai mukhtlif soch rakhne walay log mojood hon tou unn se kisi ache kaam ki umeed rakhna fazool hae. Iss ke lie hamain nautral ho kr yeh dekhna hae ke hamaray mulak ke lie kya cheez behtar hae aur kya ghalat.

Drone hamloon pr chup bethay rehne walay aur Americans ko apne mulak main khhuli choot dene walay bhi Doshi hain

Aur

Inn khud kush hamlay krne waloon ki mazammat main chup rehne walay bhi qasoor war hain.

 

Aapka dost, aap Jamat-e-Islami aur Fazal Ur Rehman se Talibaan ke khilaf fatwa lene ki baat kr rahe hn tou yeh possible hi nahin hae. Yeh wohi log hain jinhoon ne agencies ki madad se Taliban ko pala posa hae aur ab agr Taliban jawan ho kar moaashray ka nasoor bn gye hain tou aap inn se yeh umeed laga rahe hain ke Taliban ke khilaf bolain. CIA ke shuru kie gye Afghani jehaad main Qazi Hussain Ahmed sahib barray fakhar se lasshun pr bandooqain lehra lehra kr tasveerain khinchwaya krte thay. Afghan jehaad ko chhorain, wo tou purani batain hain. Aap inki recent progress dekh lain. NWFP main jb inki hakoomat thi tou inhoon ne law and orde ka satteya naas kr dia aur Taliban ko sardah main munazzam hone ke khulay mawaqay die. Unn ke Fm radio stations ko promote kiya jiski wajah se unhun ne masoom logoon ke zehnoon main bhi inteshaar bharna shuru kr dia. Hadd tou ye hae ke inn ke dorr main wo log Peshawar ki karkhana market tk pohanch gye aur wahan apni check posts bna leen. 3-4 Mahinay phle hum log visit ke lie gye thay tou Khyaber agency main hi Talibaan ki mehman nawazi main raat bita kr hamain wapis aa gye thay. Mujhe tou lagta hae agar MMA ki hakoomat 1-2 saal aur rehti tou NWFP wese hi afghanistan main shamil ho jana tha. Agar aap aese logoon se Talibaan ki mazammat ki umeed rakhte hain tou bhool jayen. Albattah Molana Fazal Ur Rehman sahib ko Petroleum ki wazarat mil jaye tou fatway pr wo sochain ge zaroor.

Talibaan ke sath sath humain Americans ko control krne ki bhi zaroorat hae. Musharraf sahib ne tou unhain airport par special gate bnwa kr talashi se hi mubarra qarar de dia tha. Chahe wo Atom Bomb layen, koi mohlak hatheyar ya kch aur. Unhain 9-10 saal khuli chuti mili rahi hae. Wo tou Shukar hae ke hamare har dil Aziz Rehman Malik sahib ne wo gate bnd krwa dia. Americans aaj CAPITAL main sar-e-aam asleha le kr ghoom rahe hain, hasaas muqamat ki tasveerain le rahe hain lkn koi poochne wala nahin. Oper se Obama sahib ke bhashan ke baud mazeed Americans afwaaj Afghanistan aa rahi hain takeh Jang ka markaz Pakistan ki taraf morr kar Afghanistan main apni nakami ko justify kiya jaye.

Hum aam log yehi kr skte hain ke apne apne pyaroon ko BOMB dhamakoon main marta dekhte rahain aur Khuda se Hukmaranoon ko hadayet dene ki dua karte rahain. 

ch Babar Group: Members  Joined: 15th Jul, 2007  Topic: 32  Post: 1873  Age:  40  
Posted on:9th Dec 2009, 5:21am
 

Bhimji

yani hum ye keh saktay hain k hum ne jo aag doosray k gharon main lagana chahi thi woh hamaray apnay ghar main lag chuki hae.?????? hum Dehli k lal Qila pe Pakistan ka parcham lehrana chahtay thay. hum Afghanistan ko apni marzi ki state banana chahtay thay jahan hakoomat koi bhi kaam karnay se pehlay Islamabad se zaroor poochay.Qazi HUssain Ahmed k baray main aap ne bilkuls ahi kaha isee tarah un Generals ka bhi ziker karna chahye jinho ne Jihad e Afghanistan ki barkat se khhob dolat kamayee.khair is pe ziada kya bolain phir log kahain gay k meri soch manfi hae. laikin humain haqeeqat se aankh nahi churani chahye.

Bhimji Group: Members  Joined: 07th May, 2008  Topic: 13  Post: 1868  Age:  31  
Posted on:9th Dec 2009, 5:35am
 

Re:

Ji hum duniya ko fatah krne chale thay ab apne zakahm chatne parr rahe hain. Kashmir lene chale thay Bangla Desh se gye. Afghanistan fatah krne gye tou Sarhad ko Duniya ka khatar Naak muqam bna dia. Khalistaan banaane chale thay Baloshistan se bhi gye. Quetta se bahir Pakistani parcham lehrana bhi mot ko dawat dene ke brabar hae. Wahan kisi chowk main kharay ho kr apne aap ko punjabi keh do aur apne rishte darrun ko phone kr do ke meri lash le jayen 10 minutes baud. Wah mere Maula, kese kese rang dikhayega Pakistaniyun ko. Aur mazay ki baat ye hae ke ye sari harkatain Dictators ke dorr main hui ya koi dictator hi inn harkatoon ki base bna kr gya lkn yeh topic nahin hae hamara. Hum tou shayed Jamat-e-Islami aur Fazal Ur Rehman ko discuss kr rahe thay. Aap waqiye negative minded hain. Baat ko ghalat direction main le jaate hain.

love bird Group: Members  Joined: 06th Nov, 2008  Topic: 73  Post: 1177  Age:  38  
Posted on:9th Dec 2009, 7:26am
 

App ka dost "bhimji"

Bhimji

welldone i am agree with you ....

App ka dost :

Mein yahan per bhimji ki baat hee likhoon ga "aap Jamat-e-Islami aur Fazal Ur Rehman se Talibaan ke khilaf fatwa lene ki baat kr rahe hn tou yeh possible hi nahin hae. Yeh wohi log hain jinhoon ne agencies ki madad se Taliban ko pala posa hae aur ab agr Taliban jawan ho kar moaashray ka nasoor bn gye hain tou aap inn se yeh umeed laga rahe hain ke Taliban ke khilaf bolain."

Tou bhai meray agar khoudkoush hamla aver ko khattam kerna hai tou hamain in kay oar in kay sathihoon k ghilaf bhee action laina hoga ....oar iss ka sath sath americian hamloon ka ghilaf stand laina hoga. 

ch Babar Group: Members  Joined: 15th Jul, 2007  Topic: 32  Post: 1873  Age:  40  
Posted on:9th Dec 2009, 9:02am
 

Love Bird

Khud Kush hamla awar ki himayet karna aor foji operation ki mukhalifat karna 2 mukhatlif cheezain hain, hamaray haan eik siasi jamaat aor eik khas maslik k Ulema ye propaganda kar rahay hain k jo military operation ki mukhalifat karay woh bomb blast karnay walon ka sathi hae, aor ye Ulema apni tarf se poori koshash kar rahay hain k is jang ko firqa wariyat ka rang diya jaye, aor in ki nazar main har "wahabi" (Deo bandi/Ahl e Hadees) dehshat gard hae. halana k is waqt Pakistan main 3 tarah ki dehshat gardi hae, America ki dehshat gardi, Bomb Blast karnay walon ki dehshat gardi aor Operation k name pe Army ki dehshat gardi. aor meri nazar main ye teeno qabil e muzammat hain.

myrizvi Group: Members  Joined: 20th Apr, 2008  Topic: 130  Post: 7701  Age:  55  
Posted on:9th Dec 2009, 9:30am
 

teen HARAM kaam

1. pakistan (army /hakoomat) ki taraf say usa /ittehaadi afwaaj ko kissi bhi qism ki support faraham karnaa takay woh muslim momaalik afghanistan aur khud pakistan par fizayee attack karkay shaharyouN ko shaheed karay... HARAM HAI

2.pakistani hakoomat aur army ki taraf say pakistani muslim awaam ko bila imtiaz operation k zariyah halaak karna bhi HARAM hai. coz iss tarah mujrimouN k saath bay.gonaah log bhi shaheed horahay haiN. mujrimoun ko bhi giraftaar karkay, adalati trial k baad sazaa di jati hai nah k jaanwarouN ki tarah haanka karkay biwi bachouN qabeelah samait halaak ki jata hai.

3. kissi bhi mazloom ya ghair mazloom muslim ki taraf say bharat ya america ka agent bankar pak army, pakistani shaharyouN par khud.kash hamlah karnaa HARAM HAI.... wazah ho k khud.kash hamlouN ko tarbiat, asleha aur wasaail bharat, cia aur afghanistan faraham kar raha hai... iran bhi support kar raha hai. ab yeh koi dhaki chupi baat nahi

yeh teenoun HARAM kaam pakistan maiN aik saath horahay haiN aur yeh aik doosray say interlinked bhi hogaye hain, kardiyeh gaye haiN takay amrika ki jang against muslims ko pakistan ki jang SABIT ki jasakay....... hamaray ulemaa becharay yaa to seyaasi sha'oor nahi rakhtay yaa etni himmat nahi rakhtay k aik saath yeh teenouN FATWA jari kar sakaiN k yeh teenouN kaam jo pakistan maiN horaha hai, islami taleemaat ki roo say HARAM hai HARAM hai

love bird Group: Members  Joined: 06th Nov, 2008  Topic: 73  Post: 1177  Age:  38  
Posted on:9th Dec 2009, 3:26pm
 

My Rizvi

Jab app yea tasleem kertay hain  keh yea mazloom ya ghair mazloom loaq America oar India ka agent hain oar muslmanoo ka qatal e aam ker rahay hain tou meri nazar mein yea  qabil e nafrat hain oar in kay ghilaf operation zaroori hain........

Oar in kay ghilaf fouj ka operation bilkul sahee hai oar iss operation mein apni janain dainay walay  shaheed hain oar oan ko haram kehna intahee qabil e afsoos hai
AppkaDost Group: Members  Joined: 18th Jul, 2009  Topic: 24  Post: 281  Age:  37  
Posted on:9th Dec 2009, 3:34pm
 

A article in express news yesterday--Tanveer Qaiser Shahid

```
Javed Imad Group: Members  Joined: 31st Oct, 2009  Topic: 14  Post: 367  Age:  39  
Posted on:9th Dec 2009, 6:28pm
 

Pakistan Hy Tu Hum Hein

AOA , Question ka jawab dainy sy pehlay mein apny baray mein batana chahta hoon, last 3 and half years sy , doing job in Malakand Agency, Baat aisy hy hum logon ny apny ghar ki char dewari khud giraye hy, in swat, logon ny paisy liaye aur india ka sath dia, I salute to Pak Army, Jis ny 3,4 month mein India ko swat mein wo shakast di hy, Jo India ki samaj sy bahir hy, Aur Pak Army ki yeh Fatah kisi time py History mein discuss k jaye gi, Loge kehty hein swat mein fazool mein public mari gaye, totally wrong , Kion k har ghar mein sy 2 sy 3 male hazrat talban ky saath thy, First time jab 2007 mein Jb Ex president Pervaiz Musharaf ny Army Move karwai tu awam ny makhalfat ki, Kion NWFP mein Govt MMA ki thi, aur yeh molvi Hazrat in terrorist to palty rahay, Yeh baat bahut kam log janty hein ky Taliban ky baray mein , wo yeh kehty thy larki jo bi hy sb jayz hy, isi tarah aur bahut si cheezain…aksar Taliban ki darhi nai hoti thi, wo har zaban, pushto, farsi, English, uzbik, Punjabi, sindhi, hindi, ab kia bataon , likhny baithon bahut lambi story hy.

Rahi baat Molan Fazlur Rehman Ki , yeh log Taliban ko support kurty hein, agar aaj yeh fatwa dein tu kal yeh log nahi ho gyn es duniya mein. Laskar Jhangvi group bahut zada active hy, yeh log bahut hard liner log hein, GHQ attack, Dr Maj Gen attack in Rwp, Qasim Market Attack, es tarah jo bi attack hein , es mein apny hi log shamil hoty hein, becoz agr aap ko ittefaq hoa ho en places py visit krny ka, tu aap khud heran hoon gy, how possible in tight security, Mein zada detail mein nai jaon ga, Dewbandi group bi bahut active hy  en activities mein , specially local molvies, jo ahsase mahroomi ka shikar hotay hein , jo apny siwa kisi ko Muslims nahi samjty, yeh log bahut dangerous hein, Govt Madrasoon py pabandi lagaye, aur har masjid / madrasa registered ho, Jo bi Molvi / Khateeb ho us ki proper registration ho, aur har district mein en py pura check ho, aur parhy lighay Khateeb hoon, Jo bachon ki sahi tarbait karien, Agr aap ko madrasoon mein janay ka ittefaq hoa ho, mostly us mein wo bachay aatay hein jo yateen hotay hein, un ki brain washing ki jati hy, yeh ahsase mehroohi ky mary hoay bachay hotay hein, jaisy jaisy baray hoty hein en mein negative thinking develop ho jati hy, jo whole nation ky liaye dangerous sabat hotay hein,

Rahi sucide attacks ki, aisy aisy log daikhy hein jo vehicle mechenics hein , Taliban ky liaye gari (car , van) banaty hein , car ki setting kr daity hein .. aap khud sochein yeh musalman kehlanay ky liaq hein, aisy aisy molvi dekhain hein jinhon ny masjid ki Minaron mein barood Chupaya hoa tha.. can u imagine….yeh hamary apny log hein jo paisy ki khatir bik gy hein, esy liaye mein kehta hoon , apny ghar ki char dewari hum ny khud giraye hy.

Rehman Malik ki Jaga Naseerullah Babar type log ayn, shyd behtari aa jye.

Lastly mein yahi kahon ga, Pakistan Hy Tu Hum Hein, Es parcham Ky Saye talay Hum Aik hein , Hum Aik Hein, Aap sb sy request hy , Jb aap apny Liaye Dua karein tu Apny Piyary Pakistan Ki Salamti ky liaye bi Zaroor Dura Karein, Allah Talah Pakistan ko Dushmanon sy Mehfooz Rakhy. !AMIN!

Pakistan Zinda Bad

 agar app aynda sy itni lambi post ko paragraph wise likhain to reader ko reading main asani hogi..thanks...Moderator  




Bhimji Group: Members  Joined: 07th May, 2008  Topic: 13  Post: 1868  Age:  31  
Posted on:10th Dec 2009, 6:27am
 

Re: Taliban ka Islam (Part-1)

Kch likhne se phle main aik baat clear kr doon main hargiz kisi firqay ka mukhalif nahin hun aur sab firqoon ka dil se ehtraam krta hun. Main smjhta hun Islam aik guldasta hae aur sab firqay iss ke phool hain iss lie sab ko aman-0-aashti se rehna chahiey. Mere mutallaq yeh baat mere wo dost bhi jaante hain jo yaqeenan meri iss post se bilkul agree nahin karen ge. Mera maqsad sirf iss cheez ko analyze krna hae ke Taliban pr Deo Bandi/wahabi ki chhap kyun hae aur ye ta’asur kyun lia jata hae ke Deo Bandi/ Wahabi sab hi unnhain acha smjhte hain. 

Afghani Jehad main bht saray jangjoo groups ne hissa lia tha jin main Ahmed Shah Masood, Hikmat Yar,chand doosre groups aor CIA ke Taliban shamil thay. Taliban ki nurseriyan FATA aur Wazeerstan main qayem ki gaieen thi. Jb Russia ko paspai hui aur unhun ne Afghanistan main se afwaj nikal leen tou America bhi iss khitay ko as it is chhor kr Khaleej main engage ho gya.

Iss time Afghanistan ke sathi mamalik like Iran, India and Pakistan ki yehi koshish thi ke yeh alaqa hamaray hi zer-e-asar rahe aur wahan hamari marzi ki kath putli hakoomat ho jo hamaray isharoon par chale aur khitay main taqat ka twazun hamari taraf rahe. Iran ne Shia aqayed ki binah pr Ahmed Shah Masood ko choose kiya. ISI ne Taliban ko chuna aur Pakistaniyun ko bhi Taliban bna kr Afghanistan main inject krna shuru kr dia.  Iss baat main koi shak hi nahi hae ke Taliban CIA aur Pakistani agencies ki pedawar thay. Yeh sab bhi aik planning ke teht hua ke Taliban ka tashakhus aik Deo Bandi/Wahabi wala rakha jaye takeh Ahmed Shah Masood ki army ke sath inka clash mazhabi buneyadoon par bhi jari rahe aur iss main shiddat aaye.

Qissa mukhtasir ye Ke Afghnaistan ke aksariyati hissay pr Taliban ka qabza ho gya. Inhoon ne apne dorr main logoon ki mazhabi azadiyun ko bhi mazaq bna ke rakh dia. Deo Bandi/ Wahabi chhor kr inn logoon ke mazhab ka tou huliya hi kch aur bn gya tha. Shia aur Bralvee tou wese hi naqabl-e-bardasht thay mgr inn logoon ne Sunni ko bhi brdasht nahin kiya. Darbaroon ko masmar kr dia ya zayereen ki aamad par pabandi laga di. Ahl-e-Sunnat ke kch aqayed bhi inn ke lie brdasht krne bht mushkil thay. Taliban ke dorr ka Afghanistan, Pakistan main Shiyun ke qatl-e-aam main mulawwas Deh’shat gardoon ka garrh bna raha. Yehi wajah thi ke 9/11 ke baud American hamloon se darr kr bhaagne walay RIAZ BASRA aur doosre deh’shat gard border par pakre aur maray gye thay.  

Bhimji Group: Members  Joined: 07th May, 2008  Topic: 13  Post: 1868  Age:  31  
Posted on:10th Dec 2009, 6:28am
 

Part-II

Jb Taliban pooray Afghanistan main deh’shat aur barbariyat macha rahe thay aur Hakoomat main aane ke lie logoon ka qatl-e-aam kr rahe thay tou sab se zeyada khush hamara yehi tabqa tha aur unhain Allah ke Spaahi qarar deta tha.

Aur ab agr wo Swat Malakand wazeerstan ya Masajid main khud kush hamlay krte hain ya wahan ke logoon ko yarghamal bnaate hain tou iss silsile main kie gye fouji operation se bhi yehi tabqa na khush hae aur unki khud kushi wali haram mot ko majboori ya inteqaam main ki gai karwai qarar de kr khamosh ho jata hae.

Chaahe koi manay ya na mgr yeh aik talakh tareen haqeeqat hae iss jang ko mazhabi khud isi firqay ke aksariyati logoon ne bnaya hae. Iss lie aaj bhi yeh log Foji karwaiyun ke shadeed mukhalif hain aur iss silsile main kya gya propaganda bhi zeyada mowassar ho raha hae. Kahin bhi hamla ho inhain uss ke peeche sirf America-India hi nazar aate hain chaahe Taliban ka Tarjuman TV par aa kr zimmedari qabool kr le. Mere kheyal main jb tk inn ke apne kch log taasubaat se bala tar ho kr nahin sochain ge tb tk inn ke baray main kiya gya propaganda sab ko theek hi lagega. Jb aik baat clear hae ke ye sirf Islam ko badnaam kr rahe hain aur in darindoon ka koi mazhab nahin tou phr kyun inn ke buray kamoon ko support kia jaye????

love bird Group: Members  Joined: 06th Nov, 2008  Topic: 73  Post: 1177  Age:  38  
Posted on:10th Dec 2009, 8:04am
 

Javed Immad Oar Bhimji

App dono ki posts intahee omda hain app dono ki posts haqahiq per mabni hain jiss say kohee bhee zeeshahore inkar naheen ker sakta.App dono ki posts say mujjay meed hai keh "App ka dost" ko maloom hogia hoga keh Talban kay dost koun hain oar wo dost in kay ghilaf q naheen.....
love bird Group: Members  Joined: 06th Nov, 2008  Topic: 73  Post: 1177  Age:  38  
Posted on:10th Dec 2009, 8:21am
 

New Theory of Talban/khoudkosh hamla aahavor

jaisay keh meray fazil dost "My Rizvi"nay kaha hai keh khoud kosh hamla kernay walay mazloom oar ghair mazloom jo bhee hain America oar india k agent hain ....yea raag ya theory ajj kal talban kay tamam hamyati media per bhee paish ker rahay hain kamal hai kabhi kehtay hain keh Talban america ka sab say barah mokhalif hai tou kabhi kehtay hain keh yea america kay agent hain shahid yahee sach hai keh talban america k agent hain kuch arsay baad maloom hoga keh Osama Bin Laden oar Mullan Omer bhee America kay agent thay kuch arsay baad jab USA apnay secerets ko publish kerta hai to shahid iss sach ko bhee publish karay.

AppkaDost Group: Members  Joined: 18th Jul, 2009  Topic: 24  Post: 281  Age:  37  
Posted on:13th Dec 2009, 10:17am
 

Javed Imad Bhimji Love Bird

App sab nay sahee kaha keh Talban mashray ka aik nasoor ban chukkay hain oar in ka khatma bohat zaroori hai oar jamat islami oar fazul ue rehman oar lasker e taiba yea sab in kay supporters oar friends hain .Oar yea bhee sach lqta hai keh osama oar mullan umer America ka agent hoon jo oan ko maqasid ki takmeel ka zarea ban rahay hain
For More Detail Click On Page No: 1
 
 
 
Pakistani in Italy  How To Fill Out A Job Application  Indian Students Dance In USA

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact UsLast Updated: 30th May 2014