Forum.Noorclinic.com
Noor Clinic Pakistan Forum

pakistani matrimonial
 
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Quran & Hadith Download
 
Warning: This Website is not for people less than 16 years of age. Please exit
 
36560 Mei Shaadi Ke Qabil Nahi Hoo
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
New Topics (General)
Recent Reply (General)
Social Problem
    Start New Topic  My Profile
 

Perveen Shakir Urdu Poetry: Famous Ghazals And Romantic Poetry - English Translation

Urdu   >>   Urdu Poetry
 
Noor Clinic Forum Rule
 
 
 
Bewaqoof Group: Members  Joined: 19th Sep, 2010  Topic: 263  Post: 4444  Age:  39  
Posted on:28th Feb 2010, 8:47am
 

Perveen Shakir Urdu Poetry: Famous Ghazals And Romantic Poetry - English Translation

Urdu Poetry Of Perveen Shakir

hamare darmiyan aisa koi rishta nahin tha
tere shanon pe koi chat nahin thi


mere zimme koi angan nahin tha
koi wada teri zanjir-e-pa banane nahin paya


kisi iqrar ne meri kalai ko nahin thama
hawa-e-dasht ki manind
tu azad tha
raste teri marzi k tabe the
mujhe bhi apni tanhai pe
dekha jaye to
pura tasarruf tha


magar jab aj tu ne
rasta badla
to kuch aisa laga mujh ko
k jaise tu ne mujh se bewafai ki

************

harf e taaza naii khushboo mein likha chahta hai
baab ik aur mohabbat ka khula chahta hai


aik lamhay ki tawajoo nahi hasil uss ki
aur yeh dil keh ussay hud say siwa chahta hai


ik hijaab teh e iqrar hai ma'nay manay warna
gul ko maloom hai kaya dast e saba chahta hai

rait he rait hai iss dil mein musafir mairay
aur yeah sehra taira naqash e qaf e pa chahta hai


yehe khamooshi kai rung mein zahir ho gi
aur kuch roz keh woh shokh khula chahta hai


raat ko maan liya dil nay muqadar laykin
raat kay haath pay aab koi diya chahta hai


tairay paymanay mein gardish nahi baqi saqi
aur tairi bezam say aab koi utha chahta hai

Perveen Shakir ki shayari pasand kerne wale yaha on ki shayari post kare

H/dr_Qasim Group: Members  Joined: 10th Sep, 2010  Topic: 185  Post: 6559  Age:  36  
Posted on:28th Feb 2010, 12:03pm
 

Perveen Shakir Urdu Poetry

chehra mera tha nigahen us ki
khamushi main bhi wo baten us ki

mere chehre pe gazal likhti gain
sher kahti hui ankhen us ki

shokh lamhon ka pata dene lagin
tez hoti hui sansen us ki

aise mausam bhi guzare ham ne
subhen jab apni thin shamain us ki

dhyan main us k ye alam tha kabhi
ankh mahtab ki yaden us ki

faisala mauj-e-hawa ne likkha
andhiyan meri baharen us ki

nind is soch se tuti aksar
kis tarah katati hain raten us ki

dur rah kar bhi sada rahti hai
mujh ko thame hue bahen us ki

----------------------------

teri khushbu ka pata karti hai
mujh pe ehsan hawa karti hai

shab ki tanhai main ab to aksar
guftagu tujh se raha karti hai

dil ko us rah pe chalna hi nahin
jo mujhe tujh se juda karti hai

zindagi meri thi lekin ab to
tere kahne main raha karti hai

us ne dekha hi nahin warna ye ankh
dil ka ehwal kaha karti hai

beniyaz-e-kaf-e-dariya angusht
ret par nam likha karti hai

------------------------

ku-ba-ku phail gai bat shanasai ki
us ne khushbu ki tarah meri pazirai ki

kaise kah dun k mujhe chor diya hai us ne
bat to sach hai magar bat hai ruswai ki

wo kahin bhi gaya lauta to mere pas aya
bas yahi bat hai achi mere harjai ki

tera pahlu tere dil ki tarah abad rahe
tujh pe guzre na qayamat shab-e-tanhai ki

us ne jalti hui peshani pe jo hath rakha
ruh tak a gai tasir masihai ki

Bewaqoof Group: Members  Joined: 19th Sep, 2010  Topic: 263  Post: 4444  Age:  39  
Posted on:28th Feb 2010, 6:39pm
 

Perveen Shakir Ghazal

Ajib tarz-e-mulaqat ab k bar rahi

tumhin the badle hue ya meri nigahen thin
tumhari nazron se lagta tha jaise meri bajaye
tumhare ghar main koi aur shakhs aya hai
tumhare ohad ki denen tumhen mubarak

so tum ne mera swagat usi tarah se kiya
jo afsaran-e-hukumat k aitaqad main hai
takallufan mere nazdik a k baith gaye
phir ehtamam se mausam ka zikr cher diya

kuch us k bad siyasat ki bat bhi nikli
adab par bhi koi do char tabsare faramaye
magar na tum ne hamesha ki tarah ye pucha
kya waqt kaisa guzarta hai tera jan-e-hayat

pahar din ki aziyat main kitni shiddat hai
ujar rat ki tanhai kya qayamat hai
shabon ki sust rawi ka tujhe bhi shikwa hai
gam-e-firaq k qisse nishat-e-wasl ka zikr
rawayatan hi sahi koi bat to karte

Another Ghazal By Perveen Shakir

Tujh se koi gilla nahin hai
Qismat main meri silla nahin nahi

Bichar ke to na-janey kia haal ho
Jo shakhs abhi milla nahi hai

Jeeney ki to aarzu hi kab thi
Marney ka bhi hosla nahin hai

Jo zeest ko mu-tabir bana dey
Aesa koi silsila nahin hai

Khushboo ka hisaab ho chuka
Aur phool abhi khilla nahi hai

Sershaari-e-rehbari main dekha
Peechy mera qafilla nahin hai

Ek thais pe dil ka phoot behna
Chooney mein to aabla nahi hai

Bewaqoof Group: Members  Joined: 19th Sep, 2010  Topic: 263  Post: 4444  Age:  39  
Posted on:28th Feb 2010, 7:01pm
 

Perveen Shakir Khushboo

wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jayega

.............................

Khushbuu hai vo to chhuu ke badan ko guzar na jaaye
jab tak mere wajuud ke andar utar na jaaye

Khud phuul ne bhii honth kiye apane niim-vaa
chorii tamaam rang kii titalii ke sar na jaaye

is Khauf se vo saath nibhaane ke haq mein hai
khokar mujhe ye ladakii kahiin dukh se mar na jaaye

palkon ko us kii apane dupatte se ponch duun
kal ke safar mein aaj kii gard-e-safar na jaaye

main kis ke haath bhejuun use aaj kii duaa
qaasid havaa sitaaraa koii us ke ghar na jaaye

Bewaqoof Group: Members  Joined: 19th Sep, 2010  Topic: 263  Post: 4444  Age:  39  
Posted on:28th Feb 2010, 7:12pm
 

Perveen Shakir Romantic Poetry

badban khulne se pahle ka ishara dekhna
main samandar dekhti hun tum kinara dekhna

yun bicharna bhi bahut asan na tha us se magar
jate jate us ka wo mur k dubara dekhna

kis shabahat ko liye aya hai darwaze pe chand
ai shab-e-hijran zara apna sitara dekhna

aine ki ankh hi kuch kam na thi mere liye
jane ab kya kya dikhayega tumhara dekhna

Romantic Poetry By Perveen Shakir

isi main khush hun mera dukh koi to sahta hai
chali chalun ki jahan tak ye sath rahta hai

zamin-e-dil yun hi shadab to nahin ai dost
qarib main koi dariya zarur bahta hai

na jane kaun sa fiqra kahan raqm ho jaye
dilon ka hal bhi ab kaun kis se kahta hai

mere badan ko nami kha gai ashkon ki
bhari bahar main jaise makan dahta hai

Bewaqoof Group: Members  Joined: 19th Sep, 2010  Topic: 263  Post: 4444  Age:  39  
Posted on:28th Feb 2010, 7:19pm
 

Perveen Shakir English Translation

PINK FLOWERS
Pink flowers blossomed in the season I met you.
With your attentions they are opening again,
though these wounds had healed already.
How long could the columns support these houses shaken to their foundations? That old strangeness came back, as if our meetings had been done.
The body was still hotfoot with its infatuations,
the feet bruised on the way.
Parveen Shakir English Translation from the Urdu by Alamgir Hashmi

WHERE AM I?
Where am I in your life? In the morning breeze or the evening star, hesitant drizzle or sharp rain, silver moonlight or hot noon, deep thoughts or casual tunes? Where am I in your life? Down from work, a weekend’s interval on a beach, or an unintended silken release between your fingers from serial smoke? Or a readily replenished, freshened moment without wine, or a moment’s leave, anonymous, between the breaking of one dream of love and another’s beginning? Where am I in your life?
Parveen Shakir Translation from the Urdu by Alamgir Hashmi

sunehri76 Group: Members  Joined: 04th Aug, 2007  Topic: 100  Post: 4647  Age:  38  
Posted on:28th Feb 2010, 10:51pm
 

aks-s-khushboo

aks-e-Khushboo hoon bikharne se na roke koi

aur bikhar jaun to mujhe na samete koi

kaanp uthti hun mai ye Tanhai me

mere Chehre pe tera naam na parhle koi

jis tarah khwab mere ho gaye reza reza

is tarah se na kabhi toot ke bikhre koi

mai ti is din harasan hun ke jab hukam mile

khushk phoolon ko kitabon me na rakhe koi

ab to is raah se wo shakhs guzarta bhi nahi

ab kis umeed se darwaze se jahnke koi

koi awaaz,koi ahaat,koi chaap nahi

dil ki galyan badi sunsaan hain aye koi

myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:1st Mar 2010, 5:43am
 

koo bah koo

koo bah kaboo phail gayee baat shanaa shaa.ee ki

oss nay khush.boo ki tarah meri pazeeraa.ee ki :)

H/dr_Qasim Group: Members  Joined: 10th Sep, 2010  Topic: 185  Post: 6559  Age:  36  
Posted on:1st Mar 2010, 11:00pm
 

Sonaa hay Jangloon Ka bhi koi dustoor hota hy

Suna hai janglon ka bhi koi dastoor hota hai

Suna hai sher ka jab pait bhar jaaye

To wo hamla nahin kerta,

Suna hai jab kisi nadi k paani main
Bue k ghonsle ka gandami saaya larazta hai

To nadi ki ro pehli machhilyaan us ko

Parosi maan leti hain,

Hava k taiz jhonke jab darakhton ko hilaate hain

To Meena apne ghar ko bhool ker

Ka’uve k andon ko paron main thaam leti hai

Suna hai Ghonsle se jab koi bacha gire to

Saara jangle jaag jaata hai.

Naddi main baar aa jaaye

Koi Pull toot jaaye

To kisi lakri k takhte per

Gulahri, Saanp, Cheeta aur Bakri

Saath hote hain.

Suna hai janglon ka bhi koi dastoor hota hai,

Khuda-wanda Jaleel-o Mu’atbar, Daana-o Beena Munsif-o Akber,

HUMARE SHAHAR MAIN AB,

JANGLON KA HI KOI DASTOOR NAAFIZ KER..!!

Poet: Parveen Shakir

H/dr_Qasim Group: Members  Joined: 10th Sep, 2010  Topic: 185  Post: 6559  Age:  36  
Posted on:3rd Mar 2010, 4:56am
 

meah apny hatho say oski dolhaan sujaon ghi

kamaal-e-zabt ko Khud bhii to aazamaa_uuNgii
main apane haath se us kii dulhan sajaa_uuNgii

supurd kar ke use chaaNdanii ke haathon
main apane ghar ke aNdheron ko lauT aa_uuNgii

badan ke karb ko vo bhii samajh na paayegaa
main dil men rouuNgii aaNkhon men muskuraa_uuNgii

vo kyaa gayaa ke rafaaqat ke saare lutf gaye
main kis se ruuTh sakuuNgii kise manaa_uuNgii

vo ik rishtaa-e-benaam bhii nahiin lekin
main ab bhii us ke ishaaron pe sar jhukaa_uuNgii

bichhaa diyaa thaa gulaabon ke saath apanaa vajuud
vo so ke uThe to Khvaabon kii raakh uThaa_uuNgii

ab us kaa fan to kisii aur se manasuub huaa
main kis kii nazm akele men gun_gunaa_uuNgii

(manasuub=attached)

javaz DhuuNDh rahaa thaa na_ii muhabbat kaa
vo kah rahaa thaa ke main us ko bhuul jaa_uuNgii

Gone123 Group: Members  Joined: 22nd Oct, 2013  Topic: 0  Post: 145  Age:  37  
Posted on:3rd Dec 2013, 6:02pm
 

Perveen Shakir Poetry

KUCH TO HAWA BHI SARD THI BY PERVEEN SHAKIR

Kuch To Hawa Bhi Sard Thi Kuch Tha Tera Khayal Bhi
Dil Ko Khushi Ke Sath Sath Hota Raha Malal Bhi

Baat Wo Aadhi Raat Ki Raat Wo Pore Chand Ki
Chand Bhi Ain Chaat Ka Os Pe Tera Jamal Bhi

Sab Se Nazar Bacha Ke Wo Mujh Ko Kuch Aise Dekhta
Aik Dafa To Ruk Gai Gardish-e-Mah-o-Saal Bhi

Dil To Chamak Sakey Ga Kya Phir Bhi Tarash Ke Dekh Lein
Shishaa Garan-e-shehar Ke Hath Ka Yeh Kamal Bhi

Us Ko Na Pa Sake The Jab Dil Ka Ajeeb Haal Tha
Ab Jo PalaT Ke Dekhiyey Baat Thi Kuch Muhaal Bhi

Meri Talab Tha Ek ShaKhs Woh Jo Nahin Mila To Phir
Haath Dua Se Youn Gira Bhool Gaya Sawal Bhi

Shaam Ki Na Samajh Hawa Poch Rahi Hai ik Pata
Mauj-e-Hawa-e-Ku-e-Yaar Kuch To Mera Khayaal Bhi
Maryam Group: Members  Joined: 17th May, 2008  Topic: 27  Post: 4676  Age:  30  
Posted on:3rd Dec 2013, 6:23pm
 

Parveen Shakir sahiba

Gaye mausmaoN maiN jo khiltay thay gulaaboN ki tarah

mujh pe utraiNge wohi khaab azaaboN ki tarah.

 

 

raakh k dher pe ab raat basar karni hae

jal chukay haiN meray khemay, meray khaaboN ki tarah

 

 

sa.at e deed k aariz haiN gulaabi ab tak

awwaleeN lamhoN k gulnaar hijaaboN ki tarah

 

 

woh samandar hae to phir rooh ko shadaab karay

tishnagi kyuN mujhay deta hae saraaboN ki tarah

 

 

ghair mumkin hae tere ghar k gulaboN ka shomaar

meray ristay huwe zakhmoN ki hisaaboN ki tarah

 

 

yaad to hoNgi woh baataiN tujhay ab bhi lekin

shelf maiN rakhi hui band kitaaboN ki tarah

 

 

kaun janay k naye saal meiN tu kis ko paRhay

tera mayaar badalta hae nisaaboN ki tarah

 

 

shokh hojati hae ab bhi teri aankhoN ki chamak

gaahay gaahay teray dilchasp jawaaboN ki tarah

 

 

hijar ki shabb meri tanhai pe dastak degi

teri khush.boo meray khoye huwe khaaboN ki tarah.

myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:4th Dec 2013, 2:57am
 

urdu poetry in roman

urdu poetry bikhasoos urdu Ghazal ko roman urdu maiN paRhna bilkul aisa hi hai jaisay tea /coffee ko biryani ki plate maiN Daal kar tea spoon say peenay ki koshish ki jaa.ay ... :) tea/coffee ka sara lutf /zaiqah hi gharat hojata hai ... yehi haal roman urdu maiN urdu ghazal parhnay ka nateejah nikalta hai
Maryam Group: Members  Joined: 17th May, 2008  Topic: 27  Post: 4676  Age:  30  
Posted on:4th Dec 2013, 3:56am
 

coffee n biryani :)

Asalam O alaikum wa Rehmatullah!

bilkul darust farmaya aap ne :) raat ko jab maiN yeh post kar rahi thi to mujhay bhi aisa hi lag raha tha :) yahaN urdu likhna aur phir post karna kafi mushkil lagta hae isliye maiN apnay liye aik paper pe urdu maiN poetry likh kar ussay paRhti houN takay uss ka lutf aa sakay :)

myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:4th Dec 2013, 4:04am
 

online urdu key board

http://www.hamariweb.com/urdueditor.aspx

یہ آن لائن اردو کی بورڈ ہے۔ یہاں بآسانی اردو ٹائپ کرکے کہیں بھی پیسٹ کیا جاسکتا ہے۔
Maryam Group: Members  Joined: 17th May, 2008  Topic: 27  Post: 4676  Age:  30  
Posted on:4th Dec 2013, 4:08am
 

urdu key board

jazak Allah khairah . i,ll try it insha Allah
hot_sajid Group: Members  Joined: 28th Feb, 2011  Topic: 10  Post: 503  Age:   
Posted on:4th Dec 2013, 12:52pm
 

Asslam O Alaykum

Rizvi BHai aur Maryam ji kafi dino baad aaya hu yaha par app kese hai
Dr.nida Group: Members  Joined: 03rd Dec, 2013  Topic: 1  Post: 15  Age:  34  
Posted on:6th Dec 2013, 10:01am
 

nice

nice
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:7th Dec 2013, 4:50am
 

sajid bhai

walekum Assalam ... Allah ka shukar hai . g haaN maiN idhar ka chakkar kam kam hi lagata houN... kiyouNkay

aur bhi gham haiN zamanay maiN (shaery ki) mohabbat k sewaa lol
 
 
For More Detail Click On Page No: 1
 
 
 
Pakistani Singer In Malaysia  How To Get Visa For China  Indian Students Dance In USA

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
Pakistani Urdu Magazine Pakistani Matrimonial Seo In Urdu World Information Pakistan Information Sehat In Urdu
© Copyright 2003-2017 www.noorclinic.com, All Rights Reserved Contact UsLast Updated: 28th March 2013