Quran main lafz KUFR un logon ke leye istemal hua hai jo Haqaeeqat aur Sachai ko logon se chupate hain. Quran main ye lafz un logon ke leye istemal hua he jo Allah ka ehsaan nahi mante yani wo Allah ki Hakmiayat or Domination ko tasleem nahi kerte. Ye lafz lafz-e-iman ka mukhalif lafz hai. Ya dosre lafzon main Allah se inkar kerne wala aur kufr kerne wala KAFIR ya Non-believer hai. Wo kufr jismai Allah ya iske qanoon se iktelaf kia jae wo AL-KUFRUL AKBARkehlata hai.

AL-KUFRUL AKBAR ki bohot sari iqsaam hain.

1. Kufrul-'Inaad:

Apne Kufr Pe Qayim Rehne Wale. Ye un logon ke leye istemal hota hai jo ye jante hain ke sachai kia he aur apni zaban se bhe tasleem kerte hain lekin, dil se use refuse kerte hain aur halfi  tor pe tasleem kerne se bachte hain.

Allah Tala ne ese logon ke lye fermaya hai: " Ese log jinhone Kufr pe qayem rehne ka paka irada kerlya hai Jahanam main jaen ge [Surah Qaaf (50), Ayah 24].

2. Kufrul-Inkaar:

Khulam Khula Inkar Kerne Wale: Ye wo log hain jo dil aur zuban dono se Sachai tasleem nahi kerte. Aise logon ke bare main Irshad-e-Rabbani hai, " Wo Allah ke ehsan ko jante hue bhe tasleem nahi kerte. In main ziada ter log Kafir hain [Surah Nahl(16), Ayah 83]

3. Kufrul-Kibr:

Bad Tehzeebi Aur Takabur Kerne Wale: Is Ki misal Iblees yani Shetan hai

4. Kufrul-Juhood:

Sachai Ko Mustarad Kerne Wale: Ye wo log hain jo sachai ko dil se tasleem kerte hain per zuban se mustarad kerte hain. Ye kufr un logon pe lagoo hota hai jo khud ko musalmaan kehte hain magar Islam ki zaroori aur haqeeqi she ko mustarad kerte hain jese Namaz ya Zakat wagaira wagaira.

 Aese logon ke bare main Allah taala ka irshad hai," Ye log hamairi nishanyeon ke munkir hain apne takabbur ke baais halanke unke dil inhe tasleem kerte ". [Surah Naml(27), Ayah 14]

5. Kufrul-Nifaaq:

Munafiqat Kerne Wale: Ye un logon per apply hota hai jo khud ko Musalmaan zahir kerte hain aur apne kufr ko chupate hain yani wo musalmaan nahi hote. Mahaz musalmanoon ko zik pohchane ke lye aur inteshar phelane ke leye unki safoon main ghus jate hain aur fitna phelate hain. Ese logon ko MUNAFIQ ya HYPOCRITE kehte hain.

Eise logon ke leye Irshad-e-Bari Taala hai," Yaqeenan Maunafeqeen Jahanum ke badtareen darje main honge. Tum deko ge ke koi unki madad nahi kersake ga".  [Surah An Nisaa (4), Ayah 145]

6. Kufrul-Istihaal:

HARAAM ko HALAAL Kehne Aur Sabit Kerne Wale: Ye un logon pe apply hota he jo un cheezon ko halal samajhte hain jinko Allah ne Haraam qaraar de dya hai jese Sharab, Zina wagaira wagaira. Ye haq sirf Allah Taala ke paas hai ke wo faisla kare ke Halaal aur Haram kia hai aur jo log Allah ke is Iktyar main khud ko shareek kerke aesa kerte hain wo darasal Allah se Baghawat ke murtakib hain. Eise log Imaan ki hudood par kerchuke hain.

7. Kufrul-Kurh:

Allah Ke Ehkamat Ko Napasand Kerne Wale: Allah Subhanahou Wa Taala ne fermaya," Eise munkir logon ke leye qayamat ke din tabahi likh di gae hai aur Allah unke her amal ko zail kerdega. Kyunke wo Allah ke utare hue ahkaam ko napasand kerte hain. Allah ne unke Aamal be-faeda kerdye hain
 [Surah Muhammed (47), Ayah 8-9]

8. Kufrul-Istihzaha:

Allah Ki Ayat, Nishanyon Aur Ehkamaat Ka Mazaq Udane Wale: Allah Ka Irshad Hai," Ay Allah Ke Peghambar (Muhammad PBUH), jab aap un se poochen ge to wo kahenge ke hum to mazaq kerrahe the aur khel rahe the. Un se kehden ke kia tum Allah ki nishanyaon aur us ke peghambaron ka mazaq udate ho. Jawaz peda na karo. Tum log musalmaan ho ke bhe kafir hogae".[Surah Taubah (9), ayah 65-66]

9. Kufrul-I'raadh:

Sachai Se Mun Pherne Wale Aur Bachne Wale Aur Rah-e- Haq Ko Chordne Wale: Allah Taala Fermata Hai," Aur wo kitna ghalat hai jisko Allah ki nishanya yad dilae gaen phir bhi who un se peeth mord gaya. Wo bhol jae ke usne Roz-e- Jaza Ke lye kya Aamal Bheje hain".[Surah Kahf(18), Ayah 57]

10. Kufrul-Istibdaal:

Allah Ke Qanoon Ko Badalne Ki Koshish Kerne Wale: Is ki teen iqsaam hain (1) Wo jo Shariah pe imaan rakhte hue bhe use jhutlate hain. (2) Wo jo nahi Shariah pe imaan rakhte hain aur nahe use tasleem kerte hain. (3) Wo jo Allah ke qawaneen ko insaan ke banaye hue qawaneen se badalne ki koshish kerte hain.
Aur agar Allah chahta to unhain aik hi ummat banadeta magar wo jise chahta hai apni rehmat main dakhil kerta hai. Aur zalimon ka koi hami aur madad gar nahi hota  [Surah Shuraa(42), Ayah 8]
Aur jhot jise tumahi zubanen kehdeti hain ke ye haraam hai aur ye halaal hi ( yani haqeetan wo wo nahi jise Allah ne haraam ya halaal kaha) mat bola karo. Ye Allah ke bare main jhot ghardne ke mutaradif hae. Aur Allah pe jhoot bolne wale kabhi kamyaab na ho saken ge.  [Surah Nahl (16), Ayah 116]

Source: http://www.forum.noorclinic.com/0/kafir_kon_kufr_kia_14673.htm