Forum.Noorclinic.com
Noor Clinic Pakistan Forum

 
a
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
 
Warning: This Website is not for people who are less than 16 years of age. Please exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Book For All
Book For Women
Book For Men
Baby Care
Daily Questions
    Start New Topic  My Profile
 

Islam And Science In Urdu

Religion and Culture   >>   Religious Questions
 
 
 
 
Bewaqoof Group: Members  Joined: 19th Sep, 2010  Topic: 264  Post: 4456  Age:  39  
Posted on:25th Apr 2010, 6:38pm
 

Islam And Science In Urdu

kehte hai keh scientist Allah ko nahi maante. iss baat mai ketni sadaqat hai. Scientist se kia murad hai? kia scientist ka mazhab nahi hota? agar hota hai tu phir woh Allah ko kio nahi maante. kia saare scientist Allah ko nahi maante ya kuch maante hai aur kuch nahi maante?

jo scientist Allah ko nahi maante woh kio nahi maante? 

kisi scientist ko ghalat kehne ya ose challenge kerne ka kia criteria hona chahiye. kia ham apni marzi se beghair criteria kisi bhi scientist ko ghalat keh sakte hai?

kia Islam Science aur scientist ko maanti hai? kia Islamic aqeeda science ke mutabiq hai. agar koi islamic aqeeda scientific na ho tu kia os Islamic aqeeda ko mustarad kia jaaye ya Science ko. ya phir apni marzi chalate huye jab chaha science ko tasleem kia jaaye aur jab nahi chaha tu ose mustarad ker dia jaaye.



H/dr_Qasim Group: Members  Joined: 10th Sep, 2010  Topic: 185  Post: 6560  Age:  36  
Posted on:25th Apr 2010, 6:56pm
 

Islam And Science In Urdu

 topic tu bot acha hy es pay meah kul baat kuro gah ku kay topic bot sensitive hy i will study first. 


Waterr Group: Members  Joined: 15th Jul, 2009  Topic: 59  Post: 3789  Age:  27  
Posted on:26th Apr 2010, 2:00am
 

Islam And Science In Urdu :

 

 

1)      Science ka exact lafzi tarjumah ilm ha . science  kissi bhi cheez kay waqooh pazeer houney ki mantaq talaash karti hai ya ooski basic functioning ya formation aur scientist bhi who kehlaatey haiN jo keh kissi bhi cheez ya amal keh mutaliq jaanah chahtey haiN aur oos say  mutaliq systemically proof hasil karna chhatey haiN.

 

2)      Scientific research  kulli tor peh insani aqal peh hee munhasir ha jubkeh koi bhi religion ya islam in particular ki basis definitely creator/Almight/supreme authority ya God ki baatai huwe mani jati haiN.

 

3)      Ajj k scientist khud iss baat ka eetraf kartey haiN k who universe k majmoee tor peh sirf or sirf 5% raazouN say pardah ootha sakaey haiN aur unka apna knowledge bahoot mehdood ha . Aur Quran maiN yeh baat wazah tor peh likhi huwe ha k jitna Allah bataana chhatey haiN sirf ootna hee woh jan sakaiN geh oos say zaydah nahee.

 

4)      Scientist  ka zaydah conflict religions (majmooee tor peh tamam religions) say iss leye raha k ooun k khiyal main religion ka koi physical proof nahiN ha . sirf or sirf aqeedah ha aur  zaeef-ul-ateeqadi ha kisi mazhab kay paroo.kar bunanaa.

 

5)      Bahoot say scientist aapney kaam kay douran ya apni ejaadad kay baad kam az kam Supreme authority ya creator peh iman to laey aaye theiy jinn main Isaac Newton , Michael Farraday , Albert  Einstein (kay bhi aisi baataiN hain jinn mai oosney creator ki sooch ko parhney ki khwashish ka izhar keya huwa ha )jaisey naam bhi shamal haiN. 

 

6)      Scientists ka yeh bhi kehna ha k overall atheism scientist main zaroor paya jata ha magar aam knowledge k bar.akas bahoot scientist God peh yaqeen rakhtey haiN aur oos ki main wajah yeh ha k jiss tarah kainaat ka nizaam chal raha ha aur jitni diversities iss kainaat mai haiN who kisi creator k bagair mumkin nahe

 

7)      jahaN tak reverters to islam ki baat hai to  ismeh recent Era main sub say zaydah Keith Moore ka ziqar keya jata ha (jinka basic/gross anatomy aur embryology peh authetic work ha) . keith Moore ka yeh kehna tha k  human embryology ki jo stages oohnouN nah bahoot mushqil say modern equipments say parhaiN who kissi soorat 50 kya 150 saal pehle bhi nahiN parhi ja sakti theiN aur kahaaN k 1400 years pehle jubkeh tamam stages Quran main explained haiN. Reverters to islam main aur bhi bahoot scientist (anatomists aur mathematicians) atey haiN

 

8)      merey nazdeek islam science aur scientist ko manti ha  aur iski jo reason meri nazar maiN ha woh yeh keh jo sub say pehli Ayat nasal huwey usmeh "paRhney" aur ilm hasil karney ko kaha gaya.  Iskeh ilawah bahoot sari Islamic ayat haiN joh keh insaan ko Allah ki banaey huwee cheezouN aur insaan ki apni takhleeq ko paRhaney aur janch.naa.ay ki dawat daiti haiN .    "Travel in the land and see how (Allah) originated the creation, and then Allah will bring forth the creation of the Hereafter. Verily, Allah is Able to do all things.""[Al-Ankabut: 20].

 

9)      Jo eetrazat islam peh theiy k Quran ki jo aayat  "modern science" say clash karti haiN unmeh say besthar ka jawab deeyaa ja chhukha ha by Islamic scholars. Agar koi aam insaan bhi koi cheez ya machine bunata ha to who ooski basic functioning ya takhleeq kay amal ko sub say zaydah aur behtar janta hai . So kam az kum jo scientist Supreme authority/creator  peh iman lai atey haiN woh iss peh bhi yaqeen lai atey haiN k zaroori nahe k who creator ya supreme authority k tamam "handi work " to samaj sakaey houN ya dasroust samajh sakaey houN.

 

10)  Muslim scientist  jinhouN nay astronomy, physics aur doosri sciencies mai bahoot kaam keya aur unka kaam west k scientist nah use keya who Quran say hee madad laitey thiey.

 

11)    Aur agar scientist khud iss baat ko tasleem kar rahey haiN k ooun ka ilm mehdood hai aur ooski main wajah yeh hai ooun k baqool k finer instruments ya machinery nahiN hai to phir agar koi "izafi " scientific cheez religion main explained ho to oosko bhi maan laina chhaiye k insaan to khud apni kami ka etraaf kar raha ha.

 

12)  Baqe jo log religious hee gharaney main paidah huwey  aur upbringing huwe who zaydah tar religion ko hee maantay haiN aur ooski sub say baRi wajah yeh ha k amoumaN aqeedah itna hee zadah pukhtah bunaya jaatah ha.

 Aur agar religious background ya upbringing totally nahee ha to aik (science ya religion maiN say)hee ko follow karma chhaiye(jahaaN kahieN ikhteelaf ho). Islam ki as a whole/majorly conflict especially basic facts peh science say nahiN haiN. Bahoot sarey Islamic Scholars with scientific knowledge prove kar chukay haiN k Islamic teaching scientific haiN

 

 

 

 

 

 

myrizvi Group: Members  Joined: 20th Apr, 2008  Topic: 130  Post: 7744  Age:  55  
Posted on:26th Apr 2010, 3:58am
 

Islam and Science In Urdu

Masha Allah: well explained by waterr... iss maiN mazeed izafah ki to koi gunjaish nahi... but Bewaqoof bhai k othayee gayee sawaalouN k hawalay say sirf yeh kahouNgaa k...

1. koi bhi true scientist atheist nahi hotaa ... yeh alag baat hai k woh "Almighty God" ko kis naam say pokaartaa hai aur oski kin kin khasoosiyat say waqif hai

2. science material ka ilm hai jo hawasay khamsah k zariyah wajood maiN aataa hai....... lehaza science sirf "maddi aloom" say waqfiat rakhta hai aur woh bhi batadreej... jinn, farishtouN, jannat, dozakh etc etc k baray maiN maloomaat haisl karnaa ... science k dairah.e.kaar hi maiN nahi aataa

3. deen, maaddi aur ghair maaddi dounouN qism k ilm par moheet hai... islam  aj woh wahid deen hai jo aik mokammal  deen k taur par maujood hai....... lehaza maaddi yaa ghair maaddi aloom k baray maiN bahoot kuch (sab kuch nahi) bayaan kartaa hai. iskay kissi bhi bayaan kardah maaddi haqeeqat ko science jhuTlaa nahi saki

4. sacience k ilm aur islamic ilm main koi Takraa'o nahi. science ka ilm aik tadreeji ilm hai jo tasawer, nazarya (theory) say hota howa fact /law tak pahonchtaa hai...... aam log scientific tasawwer aur theory ko bhi haqeeqat samajh kar iska mawaznah /moqaablah deeni facts say karnay lagtay hain. tab inhaiN 'science' aur deen maiN tazaad nazar aanay lagta hai..... jabkay asal 'scientific ilm' woh hai jo theries say agay baRh kar fact /law k darjay tak sabit hochuka ho...... science ki koi bhi sabit shudah haqeeqat /law, kissi bhi islamic teaching /ilm say motasaadam nahi.........

5.issi tarah science k maaddi aloom ka mawaaznah bhi islam k ghair maaddi aloom /haqaaiq say karnaa ahmaqanah see baat hai. kia engineering aur medical aloom ka baham mawaaznah karkay kabhi inkay darmayaan maujood "ikhtelaafaat" ka zikar kia jata hai???

info1234 Group: Members  Joined: 27th Nov, 2009  Topic: 14  Post: 600  Age:  31  
Posted on:26th Apr 2010, 2:55pm
 

Islam and Science in Urdu

mashAllah jazakAllah
very nice replies by waterr and my rizwi.. agreed

Aqeeda aur Hakikat ma farq
yeh woh sawalaat hain jo ajkal sab graduates k dil main hain, lekin kisi ko poochnay ki himmat nahi hoti.

bewakoof bhai sab se pehlay apki daleri ki daad deni paray gi k aap aesay sawalaat poochtay hain jo baki logon ko bhi poochnay chahien lekin woh "machhar chhantay reh jatay hain aur oont nikal kar bhag jatay hain"

aap k sawalon k jawab denay se pehlay ma thori si extra baat karna chahta hun.... :)

agar ap k samnay 1 doctor aur 999 engineers hon, ap "heart working" par kis ki baat ko authentic qarar dain gy? 999 log apni alag alag theories pesh karain gy, 1 doctor sahab sab se mukhtalif concept dain gy... aap "quantity" p beleive karain gy ya "quality" peh? in 1000 different statements ma kia criteria hona chaiey? .... kia aap doctor sahab se yeh kahain gy k doctor sahab bht maghroor hain apni baat par array huway hain?..... doctor sahab kahain gy k mera ilm bht kam hai, lekin in logon se comparison ma mera ilm bht ziada hai lehaza in logon ki nisbat ma bilkul theek baat bol raha hun.

doctor sahab ka statement "reality" based ho ga with sound proofs, aur baki logon halankeh apni feild ma master hon magar medical science ma "apnay zehan se koi baat bana kar pesh kar dain gy" jo sirf right ya wrong theory hai.

tarazu kisi chiz k size ko nahi dekhta uskay "weight" par heavy ya light ka faisla karta hai.

court ka judge mujrim k haq ma bolnay walon ki "quantity" ko nahi dekhta "evidence" mangta hai chahay aik admi pesh kar day.


second...

automobile vehicle design karnay k liay mechanical engineer hona zaroori hai

agar ap 400 logon ki transportation k liay aik double decker bus design karvana chahain tau mechanical engineers bulanay parain gy... ma ap k samnay 20 mechanical engineers pesh kar sakta hun jo apnay sessions k toppers hain, lekin un ma se koi aik bhi yeh design nahi kar sakta.... tau iska matlab kia ho ga k mechanical engineeering ma kharabi hai k un logon ma kharabi hai jo sirf naam k mechanical engineers hain lekin kaam nahi kar saktay?

motorcycle khareedni ho tau pakistani chore kar japanese model q khareeda jata hai?

in tamam sawalon ka criteria "quality" hai... aur quality ki base hai reality thinking on sound proofs and evidences.

yehi mamla mazhab k sath hai, agar religious concept sound proofs evidences aur reality par na ho tau woh relegion nahi hai balkeh apnay zehan se bnaya hua aik sahi ya ghalat aqeeda hai.....  ap mazhab ki tehqeeq us shakhs k zariay karain jo sound reasoning k sath tamam aqaid ko sabit karay... aur agar apko khud mazhab ka knowledge na ho, tau apni taraf se koi ulti seedhi baat bana kar "farigh" na ho jain.. is religious question ko quantity se ya quality se solve karain.

reply to questions

kehte hai keh scientist Allah ko nahi maante. iss baat mai ketni sadaqat hai? Scientist se kia murad hai?

scientist har us cheez ko mantay hain jo nazar aey, soonghi jaey, suni jaey, ya kisi instrument se detect ki jaey, Allah Talah ko dunia ma kisi bhi tarhan "detect" nahi kia ja sakta, na suna ja sakta hai na dekha ja sakta hai... isi wja se bht saray scientists Allah ya kisi creator ko nahi mantay.

 


kia scientist ka mazhab nahi hota? agar hota hai tu phir woh Allah ko kio nahi maante. kia saare scientist Allah ko nahi maante ya kuch maante hai aur kuch nahi maante? jo scientist Allah ko nahi maante woh kio nahi maante?

scientist ka mazhab "science" hota hai, usay scientifically jo baat nazar ati hai ya achi lagti hai usay man leta hai.. woh Allah ko isliay nahi mantay qk ajtak koi bhi instrument Allah ko detect nahi kar saka..........  lekin scientists ki aik aesi qisam bhi dunia ma mojud hai jo dunia ma aesi cheezon ko manti hai jinhay kisi tarhan detect nahi kia ja sakta..... jesay keh HASAD, GHAROOR, LALACH, JHOOT, SACH, KHUSHI, GHAM, jo scientist in undekhy chizon ko samajh letay hain woh zinda insan aur murda insan ma bhi observe kar letay hain k "rooh" bhi koi cheez hai jisay detect nahi kia ja sakta aur hakikat bhi hai, lehaza jis organized andaz ma ye dunia create ki gai hai zaroor ki CREATOR nay bnai hai jo nazar nahi ana chahta, aur is maksad k liay us nay dunia ma koi bhi aesa instrument ijad karnay ka material peda nahi kia jo direct ussay detect kar sakay.

kisi scientist ko ghalat kehne ya ose challenge kerne ka kia criteria hona chahiye. kia ham apni marzi se beghair criteria kisi bhi scientist ko ghalat keh sakte hai?

aap jab tak kisi cheez ka ilm hasil nahi kar letay apkay pas us ilm k mutabik kahi gai baat k "na hi darust honay ka saboot hai aur na hi ghalat honay ka saboot hai" ...  lehaza jis cheez ka apko ilm nahi, us par behas karnay walon se koi sarokar na rakhain, agar apko uski samajh hai, tau pehlay khud ma "ooper bian ki gayi undekhi hakikaton ki pehchan develop karain" phir apko "detectable" reality ki bhi samajh a jaey gi.


kia Islam Science aur scientist ko maanti hai? kia Islamic aqeeda science ke mutabiq hai?

.. islam ma science kainat k knowledge ka naam hai, aur science asal ma apnay har "authentic law" se deen islam ki sachai ka saboot pesh karti hai, science asal ma qurani ayat ki tafseer hai, aur science se yeh sabit ho jata hai k insan aur kainat ko peda karnay wala aik hi hai, aur usi nay quran nazil kia jis main insan aur kainat dono ko explain kar dia hai.....(ye kesay??... isay aik alag thread ma sabit kia ja sakta hai)

 

agar koi islamic aqeeda scientific na ho tu kia os Islamic aqeeda ko mustarad kia jaaye ya Science ko. ya phir apni marzi chalate huye jab chaha science ko tasleem kia jaaye aur jab nahi chaha tu ose mustarad ker dia jaaye?

iska jawab ooper wali misal hai.... ma ap k samnay 20 topper mechanical engineers la sakta hun jo double decker bus design nahi kar saktay..... un ma aik bhi conceptual knowledge wala nahi ho ga... lekin un ma se aik bhi inkar nahi karay ga k ma double decker bus nahi bana sakta.. woh sab us bus ko bnana shuru ho jain gy aur apas ma aesay jhagray karain gy k har koi khud ko expert aur baki k 19 ko jahil aur non conceptual qarar de ga.... akhir kaar woh 20 log mil kar apko aik bus bana kar dain gy jo dekhnay ma double decker bus ho gi aur performance ma motorcycle bhi nahi ho gi aur sab jhagar rahay hongay k ma theek kaam kar raha tha dusray ki jahalat se bus kharab ho gayi hai.
ap un engineers ki "aqaid" ko mustarad nahi kar saktay qk baharhaal unka knowledge ap say ziada hai... lekin yahan apko apna zehen use karna chahahiey...  alim aur jahil ma farq un haqaiq par hota hai jo "nazar nahi atay" .... aalim admi ma gharoor nahi hota, lekin apni baat par yakeen zaroor hota hai...."yakeen aur gharoor" kisi bhi instrument se detect nahi kiay ja saktay, sirf aap apnay "dil" se mehsoos kar saktay hain.

yeh sab mukhtasir replies hain, in sab baton ko mukhtalif threads ma sabit kia ja sakta hai

Bewaqoof Group: Members  Joined: 19th Sep, 2010  Topic: 264  Post: 4456  Age:  39  
Posted on:26th Apr 2010, 3:32pm
 

Islam and Science In Urdu

mujhe umeed tu thi keh iss thread per log bharpoor jawab de ge. lekin logo ne umeed se ziadah bharpoor jawab dia.

myrizvi sahib se ziadah tawaqo thi, lekin waterr ne jetni modallal jawab dia hai keh mujhe aisa lagta hai keh 2010 ka best content writer ka khatab mil jaaye ga. waise waterr ne pahal ker di iss liye myrizvi sahib ke paas kehne ko ziadah baqi nahi bacha jaisa ke onho ne etraaf bhi kia hai. agar waterr se qabal hi myrizvi jawab post ker de te tu ho sakta hai keh on ka jawab waterr se ziadah zordar hota.

info1234 ka bhi jawab bahut achcha hai especially mai os ki iss baat se agree kerta hoo keh: "ap mazhab ki tehqeeq us shakhs k zariay karain jo sound reasoning k sath tamam aqaid ko sabit karay... aur agar apko khud mazhab ka knowledge na ho, tau apni taraf se koi ulti seedhi baat bana kar "farigh" na ho jain.. is religious question ko quantity se ya quality se solve karain."

haqeeqat yeh hai keh Scientific theory waqt ke saath saath change hoti rehti hai jab keh religious theory change nahi hoti. aur agar koi ose change kerne ki koshish kerta hai tu iss koshish ke nateeja mai new mazhab ya mazhab ka new firqa wajood mai aata hai. jaisa keh hamare mazhab Islam mai waqt ke saath saath new new firqay bante jaa rahe hai. os ki asal wajah yahi hai keh original mazhab ko change kerne ki koshish ki jaati hai. jo log change ko maan lete hai woh new firqa ka hissa hote hai aur jo nahi maante woh purane firqa ka hissa.

mera zaati khayal hai keh jo bhi aqeeda hota hai woh firm hota hai, woh waqt ke saath saath change nahi hota. jab ke science aur science ki theory waqt ke saath saath change hoti rehti hai. lehaza science aur scientific theory se mazhabi aqeeda check nahi kia jaa sakta. kio keh agar ham aaj kisi scientific theory se kisi mazhabi aqeeda ko sahi ya ghalat keh de lekin 100 saal ke baad woh scientific theory hi change ho jaaye tu phir bataye keh 100 saal qabal ka sahi ya ghalat ka faisla kia kehlaye ga.
Waterr Group: Members  Joined: 15th Jul, 2009  Topic: 59  Post: 3789  Age:  27  
Posted on:26th Apr 2010, 4:14pm
 

Islam and Science In Urdu

Its nice to get appreciated by myrizvi and bewaqoof simultaneously after such a long time
H/dr_Qasim Group: Members  Joined: 10th Sep, 2010  Topic: 185  Post: 6560  Age:  36  
Posted on:26th Apr 2010, 4:44pm
 

Islam and Science In Urdu

 
  • kehte hai keh scientist Allah ko nahi maante. iss baat mai ketni sadaqat ha

Sub Scientist Essy nahi jo Allah kay wujood say inkaari hen , Essy scientist aaty meah Nimuk kay Burraa-bur hen jo Allah kay wujood or as a Creater inkari hen, lakin on kay inkaar ki ek or wajaa bhe hoti hay wo yeh kay ony kubi Allah , God ko Sumujny ki koshish he nahi ki hoti or Allah pak nay tu Quran meah yeh bhe kaha hy kay hum ny onky aaamaal onky leye Khosh-nomaa bunaa dieye hen . so agur ess bat pay ghor keya jay tu puta chulta hy Hudaayt , wo he paataa hay jisko Allah Tofeeq ataa Furmay, agur koi scientist Allah ky Wujood say inkari hay tu ess meah oski Taleem or Turbiyaat ka bhe qusoor hota hay, kety scientist Mojood hen jo Muslim hen lakin ono nay Islam pay bohat achi achi books likhi hen,

  • Scientist se kia murad hai

Science ek Eesa elm hay kay Jiss Meah kisi cheez ki Observation ki jati hay or pher osky Hony nah hony osky wujood oski Khaa-siyutoo ko purkhaa jataa hay or Facts ko Tulaash keya jata hy, Jo koch bhe es Kaynaat meah Mojood hy osky bary meah ghor-o-fikur kurna , on chezo kay Function kaa Moshaida kurna, ky yeh Sub koch kesay, kiss Turhaa kam kurta hay Or en sub chezo pay research kurny wala kam kurny wala  scientist kehlaata hy,

Quran meah Scientist type logo ko Ghor-or-fikur kurny wala, Danish-mund. akul-mund. bola Ghiyaa hy or agur koi kisi Muzhaab ka Paro-kaar nahi or wo Allah kay wujood sy bhe inkari hy tu wo na tu ghor or Fikur kurta hy na wo Danish mund hy woh scientist he nahi meri Nuzur meah ek scientist ho kay Allah ky wujood say inkari hona bot sungeen baat hy. maloomaat rukhny meah or Elm rukhny meah bot furk hy jis kay pas elm ho osy scientist keh sukty hen jis ky pas kisi cheez kay bary meah just Mufroozaat hoo or on ki base pay Nuzuryaat hoon elm nahi rukhta just maloomaat rukhta hay,

Muzhub Faith py chulta hy or science Nuzuryaat or Mufroozaat py jin meah shuk or abhaam paaya jata hy

  • kia scientist ka mazhab nahi hota? agar hota hai tu phir woh Allah ko kio nahi maante?

Sub scientist Essy nahi hoty jo Allah ky Wujood say inkaari hooon, keya Pakistan  meah koi scientist nahi ? Huzaaro ki Taadaad meah hen , tu keya wo Khoda kay wujood say inkari hen ? Bilkol ni , Allah kay wujood say inkaar agur koi kurta hy tu kurtaa ray, Hudaayd or Aaghy-hi Men-janub Allah hoti hay, Allah Quran meah kehty hen Or hum ny onky Aa-maal onky leye kosh-nomaa kur deye, aap ess baat pay ghor or fikur kurin jis ko Allah he Hudayt ki Tofeeq ataa nahi kurtaa bhulaa wo kiss Turhaa Allah ky wujood kaa Iqraar kury gah, sub scientist essy nahi hen meah Sumajtaa hon 1% bhee ni hen, jo Allah kay wujood say inkaari hoon, scientist koi aaaj 1900  meah he tu nahi aay essy phaly bhee Scientist thy jo Muslim day keya ono nay bhe Allah kay wujood say inkaar keya taaah,? Bilkol nahi,

 

  • jo scientist Allah ko nahi maante woh kio nahi maante?

Eska Juwaab meah nay day diyaa hy kay wo Ku ni manty, Quran ka Huwalaa deyaa , 

kisi scientist ko ghalat kehne ya ose challenge kerne ka kia criteria hona chahiye.

Kisi bhe scientist ko challenge kurny kay leye khod ko science or Islam pay ab-boor hasil hona Chaiye nit u challenge he ni kurna cahiye, Scientist ko scientist he challenge kur sukta hy,ya kurnaa cahiye,

  • kia ham apni marzi se beghair criteria kisi bhi scientist ko ghalat keh sakte hai?

Gee haa ap kisi bhee scintist ko apni murzi say Ghult os wakat keah sukty hen jub wo koi essi baat yaa esaa kaam kur rahaa ho jisy islam meah munaa keya ghiya hy yaa islami Taleemaat ky Munaafi hy tu aap etna kur sukty hen ap gult ko Ghult keh Sukty hen, or agur ap scientist hen or apko oss elm py aboor hasil hy or valid duleel hy tu ap ossy challenge kur sukty hen,

  • kia Islam Science aur scientist ko maanti hai?

Gee Na serf manta hy . keya ap ny Quran meah Allah ko insano ko ye Hokum kurty ni puraa,  Or Ess Meah Ghor-or-Fikur kurny walo kay leye Bohot see Nishaaniyaan hen,  tu Ghor or Fikur kurny waly kon log hoty hen? I think apko juwab mil ghiya hogaah.

  • kia Islamic aqeeda science ke mutabiq hai.?

Zura ap Aqeeda –Science ki wujahaat kur dayin,… Science ka koi aqeeda nahi hota ,Enky Nuzuriyaat Budulty rehty hen ku kay nahi din baa din research hoti hay Observation hoti rehti hy sath sath or nai nai  batin Samny aati rehti hen so, science ek Moshaidy ka nam hy, kisi chezz kay bary meah jan-naa, maloomaat hasil kurna , pher Eska kon sa or kesaa Aqeedaa?

  • agar koi islamic aqeeda scientific na ho tu kia os Islamic aqeeda ko mustarad kia jaaye ya Science ko.

Wo tummam taleemaat Jo Quran meah dee ghi hen wo scientific hen, science kay Nuzuriyaat budulty rehty hen Islam ky ni budalty, jo cheez 1400 saal phaly Huraam thi aaaj bhee hy, or 1400 wql bhad bhe huram rahi ghi,lakin science meah jo cheez aaj faydaa mund hy ho sukta kul ko scientist yeh keh dayin ky essy yeh yeh Noksanaat hen essy mut use kurin, Islam ess cheez ka motaaj ni hy wo scientific hy yaa nahi hy , ho sukta humari apni maloomaat knowledge kum ho, dujaal kay bary meah kehty hen osky pas kafi power ho ghi lakin keya hum oski powers ka Eh-traaf kurty howy osko God man layn-gay ? yaa Allah ko jo Hur cheez pay Qadir hy, agur Quran or Sonut ky Monaafi baa thy tu science ko reject keyaa jaa sukta hy ku kay wo suchi he ku ni ho agur islam meh wo munaa hy tu Allah ny Humko zuror kisi wajaa say osy door rukhaa hoga or munaa furmaaya hoga, ku ky ho sukta osy Insaaniyaat kay leye koi Khutraa ho, sub say phaly ap Islamic Aqeeda ko he lay laty hen Khoda ky wujood ko he lay laty hen,  hum Allah ko binaa dakhy , manty hen lakin science esky olat hy,

  • ya phir apni marzi chalate huye jab chaha science ko tasleem kia jaaye aur jab nahi chaha tu ose mustarad ker dia jaaye.

Nahi apni murzi say nahi osko Quran or Hudess say purkh layin agur wo sub khoch insaaniyaat kay leye acha hy or Quran or sonata kay Monaafi ni tu ap osy accept kur sukty hen lakin agur ossy Insaniyaat kay liyee Noksaan or Fitnaa Mojood hy tu ap osy Reject bhe kur Sukty hen




Diplomate Group: Members  Joined: 18th Oct, 2009  Topic: 53  Post: 3436  Age:  37  
Posted on:26th Apr 2010, 4:59pm
 

Islam and Science In Urdu

kuch arz kany ki gunjaiesh to nahi hey taham inn tammam batoon main aik bat k izafey k toor pr kuch arz-e-khidmat hey

Scince vs Islam (ya Mazhab) khuda ta'ala ny Deen isalm ko siraf aik mazhab k toor par hi nazal nahi kiya bulky isy insano k liye mukamal zabta hiyat bana kar baija aur jub hun zabta hayat ki baat karty hain to iss main ultimatly wo tammam amoor zair-e-behas aty hain jin ka taluq insani zindgi sy hey

inhi amoor main sy aik amoor science b hey scinece ki wazahat k silsly main hazaroon aisi misalain hain jo muj sy behtar yahan di gayee hain aur di ja skti hain laiken aik baat yeh b hey k issi science ko jub hum islam k tanazar main daikhty hain to hamain scince islam ko hi proove karti nazar ati hey

for example :- aik american aurat islam ly ai uss sy waja poochi gaye to us ny batay k wo sceince ki student hey aur science k hi kisi mozo par Phd kar rehi thi ...aur mujy apny muqaly (thesis) likhny k liye kuch kitaboon k muta'aleya ki zaroorat paish i ..lehaza mery zairy muta'aleya aik aysi kitab i jis main Holy Quran ki aik aya Majeeda ki tafseer ki gaye thi Mefhoom:- "Aur Khuda Andhairy Aur Roshini Ka Wazan Jan'ny Wala Hey"

main is tafseer ko parr kar buht hiraan hoi k aaj sy kai so sal pehly jub science k iss majooda wajood ka tassawar tak b nahi tha to aik wali-e-haqq ny Quran ki aya ki yeh kaisy tafseer kar di k roshni aur andhaira b apny aap main wazan rakhty hain chunachy mujy Holy Quran ka b muta'aleya karna parra jis main mery liye  naye sy naye bab khulty gaye aur mery adrak ki mashlain roshan sy roshan tar hoti gayee ..iss k baad islam lana meri majboori hi nahi bulky zaroorat ban geya

yeh misal iss liye di gaye hey k islam kulli toor pr aysy razoon aur aloom pr base karta hey jisy baad main science ka nam diya geya hy ...jahan tak aqaid k aik dosrey sy mukhtilif hony ki baat hey to iss k peechy Deen islam ka fualt (nauzobilla) nahi bulky unn paisha waroon ka hath hey jo sirf apni dokan dari ki khatar man gharrt aqaiyed ko islam ka hissa zahir karty hain aur phir apni uss ghalt baat py datt b jatey hain ...issi ziddi soch ny isalm k 72 tukkrry kiye aur har dafa aik aysi zid aik naye firqy k wajood ka sab'bab banti rehi

q k paishawari yani commercialism aik aisi bala hey jo aik dafa kisi b jaga ma agar muqam kar ly to uss jaga ya baat ki asal halat ko hi bighaarrr daiti hey...jaisy Taleem aik muqaddas paisha aur jub tak iss ko hidmat-e-halak ki hatar philaya jaye ga iss ka samar yaqeen'an dastiyaab rehy ga...laiken jub ssi muqaddas paisha main commercialism dakhal ho jaye ga to phir kisi teacher ko kisi b student k mustiqbil ki koi parwa nahi rehygi bulky ussy apny mu'ash ki fikar har waqt ghairy rakhey gi ....student fail hota hey to ho..nakam hota hey to ho..mustaqbil main kuch banta hey ya nahi..iss bat sy aik comercial teacher ko koi gharaz nahi bas uss ki dukan dari chalti rehni chahiye..

gharaz yeh zindgi k tamam amoor main jub commercialism jaga bana ly gi to uss asal baat ki shakal la'muhala toor pr zaroor badal dy gi...yahi hal Deen islam k sath b howa yahn b commercialism ny apny panjy aysy gharry hain k abb kisi commercial fatwa baz ya mulla ko iss baat ki koi fikar ya parwa nahi hey k uss ki kisi b harkat sy islam ki asal shakal masakh hoti hy...ussy to bas apny rozgaar sy taluq hey bas wo chalta rehna chahiye.

issi trah jub hum islam vs scince ko b dhaikhty hain to haimain inhi comercial mulla ka fatwa aysa nzar ata hey jaisy sience islam sy juda ho laiken asal main aysa nahi hey ...islam k waza karda qwaneen aj jahan marfat ka jama pehn rehy hain to issy chahey science ka nam dy diya jaye ya phir islami taleemat yani Qurani ilam ki afsha hony wali hadood ka nam ...bat aik hi hey...

 
 
For More Detail Click On Page No: 1
 
 
 
Pakistan Day Celebration In Malaysia  How to give interview on skype  Bangladeshi Community Celebrating Canada Day In Toronto

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us