Forum.Noorclinic.com
Noor Clinic Pakistan Forum

 
a
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
 
Warning: This Website is not for people who are less than 16 years of age. Please exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Book For All
Book For Women
Book For Men
Baby Care
Daily Questions
    Start New Topic  My Profile
 

Zindagi Haqeeqat Mein Kia Hai?

Social Problem
 
 
myrizvi Group: Members  Joined: 20th Apr, 2008  Topic: 130  Post: 7755  Age:  55  
Posted on:13th Oct 2010, 5:12am
 

Zindagi Haqeeqat Mein Kia Hai?

  • zindagi, zindah dili ka naam hai
  • hai zindagi ka maqsad aurouN k kaam aanaa
  • zindagi naam hai mar mar k jiyeh jaanay ka
  • zindagi bay bandagi, sharmindagi

zindagi haqeeqat maiN kia hai ...... aur kiyouN hai...... kiss liyeh hai ???

 

Diplomate Group: Members  Joined: 18th Oct, 2009  Topic: 53  Post: 3426  Age:  37  
Posted on:13th Oct 2010, 1:03pm
 

Zindagi Kia Hey?

nice topic by myrizvi ......aap pakistan k shehar karachi sy hain aur samandar sy nazdeek hain iss liye meri di gayee misal ko theek sy samj sakain gy..:)

Zindagi Kia Hey?

zinadgi asal main khuda ki tarf sy ata kiya geya aysa sabab hey jis k zriye insan , hiwaan , chrind prind , nibataat etc iss imtehaan gah (duniya , kaynaat) sy guzar rehy hain ...jis trah buss , trains , hawaee jahaz , ships waghaira aik jaga sy dosri jaga jany ka aik zriya wa sabab hoty hain... issi trah yeh zindgi aik zariya hey iss jahan sy uss jahan tak jany ka...iss zindgi par sawaar hokar hum sab aur tamam makhlokaat apny apny safar par rawan dawan hain

example

aik samandar (sea , ocean) main aik ghota zan utar kar daikhta hey k iss main khaar daar jarri botiyaan hain jo abi hayat k liye khatra hain, khatarnaak samndari janwar hain jo dosry janwaron ko apna luqma banaty hain , pur peech aur dushwaar guzar bhol bhaliyaa numa rasty hain jo kaheen sy gehry aur kaheen sy kam gehry hoty hain , narm-o-nazak rait k jaisy bany howey teely hoty hain jo aram ki khatar sakoon aur rahat ka bays ban sakty hain laiken koi samandar main aram karny ki gharz sy nahi jata

uss ghota zan ko inn tammam mushkilat sy guzar kar apny matloba maqasid ko hasil karna hota hey aur bad main apni manzal-e-maqsood par puhanchna hota hey

bilkul isi trah zindgi ka wajood hey iss ki rah main khaar daar jarri botiyoon ki trah k khathan marahal hain jo qadam qadam par zindgi ko nuqsan puhnchany ka sabab banti hain maslan bemaari , hadisaat waghaira...aur issi zindgi ki rah main khatarnaak drinda sift janwaron ki trah k zindagi ka libada aorry insan , hewaan b majood hain jo qadam qadam par insan ko nigal rehy hain dehshat gardi k zariye , kusht-o-khoon k zariye , qatal gari k zriye yeh zindgi k libady main chupy insan , hewaan zindgi ko nigal rehy hain .....issi trah bhool bhaliyaan numa rasty zindgi main any waly challenges jo k job , rahaiysh , shadi etc ki shakal main zindgi ko darpaish hain

laken iss sab k bawajood zindgi main naram-o-nazuk arram gah ki trah zindgi ko saholiyaat b muyassar hain jais k jaa-o-hasham , khukmarani (har sateha ki) aysho-o-ishrat waghaira ..laiken aik zindgi inn sab arayshoon main mashghol hony ka aur isnn sab main gharq hony ka khukam nahi hey bas inn rahton sy guzarty howy zindgi ko apni manzal tak pouhnchna hey .....
info1234 Group: Members  Joined: 27th Nov, 2009  Topic: 14  Post: 600  Age:  31  
Posted on:13th Oct 2010, 2:25pm
 

zindgi kia hai, kion hai, kis liay hai..?


yeh woh sawal hai jiska jawab talash karnay, samajhnay aur phir us par amal karnay k liay hamain takreeban 60 saal diy jatay hain :) , aur is sawal ka jawab "bian" karnay k liay dunia ka tamam ilm hasil karna paray tau bhi kam par jaey ga :)

zindgi ko dusray lafzon ma kaha ja sakta hai "apna maqsad hasil karnay k liay STRUGGLE aur apnay maqsad se roknay walay k liay RESISTANCE show karna "

zindgi ki misal "pani" hai..
mot ki misal "matti" hai ...

matti yani murda chiz ka koi zati maqsad nahi hia, balkeh zinda chizain issay apnay maqsad k liay istemal karti hain.

pani ka maqsad dunia ki har chiz k kaam ana hai, aur is maqsad k liay yeh safar karta rehta hai, mosam badalnay k liay samander se hawa main, makhlooq ki zarurat k liay hawa se pahar par, pahar se maidan ki taraf aur maidan se samandari makhlooq k liay khurak le kar samandar ki taraf, HAMESHA safar karta rehta hai, aur JO KOI IS KA RASTA ROKNAY KI KOSHISH KARAY US K KHILAF RESISTANCE SHOW KARTA HAI AUR AKHIR KAAR KHUD APNA RAASTA NIKAL LETA HAI...

isi tarhan zindgi ki dusri misal "janwar" hain, tamam janwar bhi apnay maksad k sath "zinda" hain aur apnay rastay ma parnay wali rukawat par "resist" kartay nazar atay hain lekin "pani" ma aur janwar ma farq yeh hai k pani sirf "dusron" ki khatir safar karta hai jabkeh "janwar" sirf apnay "zaati" makasad k liay zinda hain aur sirf "khanay, peenay aur bachay peda karnay k liay" safar kartay hain aur sirf us chiz k agay resist kartay hain jo unhay "apna matlab poora karnay se rokay" , yahan tak k aik bakra dusray bakray ko isliay seeng marta hai qk woh us k pasandeedah poday ko kha rha hota hai.

lekin in sab chizon k ilawa kainat ma aik anokhi makhloq bhi hai jissay "insaan" kaha jata hai.. aur "haqiqi zindgi" sirf insanon ko ata ki gai hai, aur is haqiqi zindgi k raaz samjhanay k liay is kainat ki har chiz sajayi gayi hai..

insaanon ki "haqiqi zindgi" ka taluk aqal se hai aur aqal ka taluk "ilm" se hai.. lehaza haqiqat ma zinda insan woh hai jiska safar aur uski struggle "ilm" hasil karnay k liay hai..

insaan k liay sab se bara ilm yeh hai k woh is baat ki tehqeeq ma lagay k ussay aur uski kainat ko peda kis nay kia? is sawal ko hal karnay k liay struggle aur resistance "zindgi" ka saboot hai..

isi tarhan apnay peda karnay walay ko pehchan kar uska ahsan mand aur shuker guzar ho kar uski ibadat karna "asal zindgi" hai.... aur usi khaliq ki peda ki hui "makhlooq" se mohabbat karna aur uski khidmat karna zindgi ka maksad hai, aur is makhlooq ko nuksan pohanchanay walon se larna, is zindgi ki "RESISTANCE" hai....

woh insaan jis ki zindgi ka maksad aur uski resistance sirf uskay "zaati makasad" pooray karna ho (khana, peena, bachay peda karna), asal ma uski zindgi "janwaron" jesi hai....

aur yehi is kainat ka imtehan hai k "pani jesi zinda chiz" se peda honay wali makhlooq ma sy kitnay log "zinda" honay ka saboot detay hain, aur kitnay log "janwar" ban jatay hain....... yeh insan ka "maksad" hai jo ussay insaan hotay huway bhi janwar bana sakta hai..

aur isi imtehan ma kamiat honay walay "zinda" logon k liay "jannat jesa zinda maqam" tayyar kia gya hai..

info1234 Group: Members  Joined: 27th Nov, 2009  Topic: 14  Post: 600  Age:  31  
Posted on:13th Oct 2010, 2:39pm
 

life wave

jis tarhan pani ki khususiat "pani ki lehrain" hai,

isi tarhan "zindgi" ki khususiat bhi lehar ki tarhan utaar charhao hai..

kabhi apnay maksad k safar ma "waqti kamiabi" aur kabhi "waqti nakami"


murda dil insan, jiski zindgi ka koi maksad nahi hota, uski zindgi aik jesi hoti hai bilkul jesay aik pathar zameen par para ho, agar koi thokar mar de tau apni jgah se hil jaey ga warna hamesha para rahay ga....

yehi hisab murda dil insan, hamesha apnay zaati maksad k peechay para rehta hai yahan tak k uskay halat ussay thokar mar kar apnay sath baha kar le jain.
info1234 Group: Members  Joined: 27th Nov, 2009  Topic: 14  Post: 600  Age:  31  
Posted on:13th Oct 2010, 2:39pm
 

nice explanation by diplomat

very nice example....
Diplomate Group: Members  Joined: 18th Oct, 2009  Topic: 53  Post: 3426  Age:  37  
Posted on:13th Oct 2010, 3:58pm
 

nuqta-e-nazar

thanks info1234 .. go k brother info ny kafi detail sy aur barry achy andaz main "zindagi" ko define kiya hey ...aur myrizvi bhai ka swal b issi baat sy related hey...laiken main samjhta hon k sawal ko mehaz mahdood kiya gya hey aur iss sawal k ziman main any waly jawabat baat ko gadd madd kar rahy hain ..

mera nuqta-e-nazar yeh hey k "zindgi" k babat behas aur "insani wa hewani hayat" ki babat behas do alag alag chezain hain iss lehaz sy myrizvi bhai ka swal sirf "insani hayat" ko dar paish masayel ya asaniyoon ya maqsad-e-khilqat-e-insani k gird ghoom raha hey aur members ki tarf sy any waly jawabat b sirf insani hayat ko kull zindagi tasawar karty howey apni baat kar arhy hain jis sy aik baat main dosri aur alag qisam ki baat gadd madd ho rehi hey

yeh common baat hey k zindagi sirf insan ya hewaan main hi nahi bulky khuda ki tarf sy paida ki jany wali har makhlooq aur nibataat tak main majood hey for example insan , hewaan , chrind prind , jinnat , nibataat drakhat waghaira hatta k chand , soraj , asman , sitary , aag , hawa , pani neez yeh k har wo cheez jo k qudrat k kaarkhany ki takhleeq hey zindagi ki babat behas ka hissa banti hey.....yeh bat alag hey k sab main apni apni hi'yat (shakal) ki zindgi hey ...aysa nahi k qudrat k karkhany sy ban'ny wali kisi cheez main zinadagi na ho..

aur hum jab "zindgi" ki bat karty hain to iss main insani hayat k ilaawa jab deegar mu'aamlat ka ahata kaarty hain to nibataat tak ka zikar zair-e-behas ata hey jis ka taluq insani hayat ki rah main any waly masayel sy qatan tor par jorra hi nhi ja sakta...... goya "insani hayat" ki discus karna aur "zindag' ki discus karna do alag subjects ban jaty hain ....

maslan aik insan ko shadi , rahaish , job , business waghaira ki uljnain aur challenges dar paish hain q k insan apni hi'yat ki zindgi k dosh par sawaar apni manzal ki tarf gamzan hey magar iss k muqably main ya parallel (matwazi) aik drakhat (tree , plant) waghaira main b zindgi majood hey abb hum kisi b sorat insan / hewaan ki zindagi ko aik drakhat ki zindagi k sath mila kar discus nahi kar sakty halan k yeh dono hi'yat ki zindgiyaan hain "zindagi" hi...

iss liye main myrizvi bhai sy multmis hoon k wo apna title agar "zindagi kia hey?" rakhna chahty hain to apny swal ko wide karain aur "zindagi" ki babat debate sy munsilik karain

laiken agar wo apna swal insani hayat ki babat behas k mutallaq karna chah rehy hain to phir apny title main insani hayat ka zikar karain na k zindagi ka..aur iss bat ki logic main above zikar kar chuka hon..thanks



Seemi Group: Members  Joined: 11th Sep, 2007  Topic: 14  Post: 3816  Age:  28  
Posted on:13th Oct 2010, 4:36pm
 

Zindagi

زندگی زندہ دلی کا نام ہے

مردہ دل کیا خاک جیا کرتے ہیں

H/dr_Qasim Group: Members  Joined: 10th Sep, 2010  Topic: 185  Post: 6551  Age:  36  
Posted on:14th Oct 2010, 5:45am
 

Zindghi

Zindagi Pyar Ka Geet Hai...............
Maryam Group: Members  Joined: 17th May, 2008  Topic: 27  Post: 4679  Age:  30  
Posted on:14th Oct 2010, 9:54am
 

Zindagi Kia Hey?

nice discussion by info bhai & diplomate bhai .

Wasif Ali wasif sahib zindagi k baray meiN kuch youN bayan kartay haiN

zindagi aik maidan e kaar zaar hae, aik jalwa gaah jahaN se khareedar guzarta hae, woh khareedari karta hae aur us ka sarmaya khatam hojata hae aur phir khareedari bhi dhari ki dhari reh jati hae. aur woh khali haath wapis loTta hae khareedar atay haiN aur jatay haiN lekin ronaq e bazaar qaim rehti hae.

zindagi aik samandar hae jis ka sirf aik kinara nazar ata hae is k doosra kinaray ki kisi ko khabar nahi. zindagi kab se hae aur kab tak hae kisi ko khabar nahi . takhleeq se pehlay yeh khaliq k iraday meiN zinda thi aur takmeel k baad khaliq k ru ba ru paish kar di jayegi .zindagi zamanay khati hae phir bhi zinda rehti hae .

agar zindagi ko musalsal safar kaha jaye to mukamal qayaam kiya hae ?
agar zindagi ko bedari kaha jaye to nend aur ghaflat kiya hae aur agar zindagi ko mohabbat kaha jaye to nafrat kiya hae ? jab k nafrat to zindagi ko zyada mutaharik rakhti hae. zindagi ki tareef karna bohat mushkil hae jis ne is raaz ko pa liya woh mar gaya aur jo raaz na pasaka woh maara gaya.


agar zindagi fana hae to baqa kiya hae ? baqa Allah pak ki zaat hae lekin woh fana ko takhleeq karta hae aur us se mohabbat bhi karta hae. agar insaan ne fana hona hi hae to kyuN na apni manzil ki raah meiN fana ho . manzil ki talash hi usay bandagi sikhati hae. jis tarah aik muslim aur momin meiN farq hota hae isi tarah insaan aur banday meiN bhi farq hota hae. bas jis ne apnay Khaliq ko paliya wohi baqa meiN agaya k qatra qulzam se milkar hi baqa pata hae.


Maryam Group: Members  Joined: 17th May, 2008  Topic: 27  Post: 4679  Age:  30  
Posted on:14th Oct 2010, 10:16am
 

zindagi ko mapnay ka pemana kiya hae ?

nikala mujh ko jannat se faraib e zindagi dekar
diya phir shoq jannat ka yeh heraani nahi jati.


agar zindagi is duniya main hi khatam hojati hae to phir jannat ka shoq kyuN diya gaya ? agar duniya ideal home nahi to phir ideal home kahan hae aur kin k liye hae ? agar zindagi zinda dili ka naam hae to murda dil kiya hotay hain ? aur phir zinda dili ki defination kiya hae ?

zindagi zinda dili ka naam hae

kisi k liye daulat, shohrat aur izzat hi zindagi hae aur music pe nachna gana hi zinda dili . lekin momin ka dil to Allah ka ghar hae .insaan apnay asal se bekhabar kaise zinda dil hosakta hae ? asal se juda hokar asal meiN mil jana baRi baat hae.

hae zindagi ka maqsad auroN k kaam ana

no doubt apnay liye jeena koi jeena nahi doosroN k kaam ana hi zindagi ka maqsad hona chahiye lekin doosroN k is tarah kaam ana k kisi 3rd person ko is kaam se nuqsan na ho like Pk, USA k bohat kaam ata hae lekin aise kaam anay ka kiya fayeda k apnay hi logoN ko apnay hi mulk meiN beyaar O madad.gaar kar diya .

zindagi naam hae mar mar k jiye janay ka

mar mar k kaise jiya jata hae aur jee jee k kaise mara jata hae ? insaan jitna bhi jiye beharhaal mar to jana hi hae aur mar k kahaN jana hae ? agar maut pe hi ikhtetaam hae to zindagi paida karne ka maqsad kiya tha ? achai aur burai ka pemana kyuN banaya gaya ? duniya ko imtehaan gaah ya pani ka bulbula kyuN kaha gaya ?

zindagi bay bandagi, sharmindagi

bandagi kiya hae ? Mabood ko pehchan liya jaye tab bhi insaan bandagi k darjay pe faa.iz hosakta hae. Mabood ko pehchan,nay k liye mehboob ko pehchan.na zaroori hae . aur Mehboob kon hae ? jis k liye Malik e kainaat ne yeh sari bisaat bichai.

jis ne Mehboob ko pa liya us ne Mabood ko bhi pa liya.

Belief in God, without belief in the Prophet (SAWW), would still be unbelief.










myrizvi Group: Members  Joined: 20th Apr, 2008  Topic: 130  Post: 7755  Age:  55  
Posted on:14th Oct 2010, 12:50pm
 

zindagi ki hadood

kia (insani) zindagi mahaz birth to death tak k arsay ka naam hai?

kia birth say qabal aur death k baad bhi koi zindagi thi /hogi?... agar thi /hogi to yeh birth-death wali zindagi say kaisay mukhtalif hai???
Diplomate Group: Members  Joined: 18th Oct, 2009  Topic: 53  Post: 3426  Age:  37  
Posted on:14th Oct 2010, 2:51pm
 

Zindagi Kia Hey?

re : "kia (insani) zindagi mahaz birth to death tak k arsay ka naam hai?"

no not at all ...main apni pehli post main b araz kar chuka hon k zindagi mehaz aik sabab ya zariya hey iss imtehaan gah (duniya) sy guzar kar ka jany ka ...jaisy hum dosry safron k liye buss , trains waghaira ko safar ka sabab ya zariya samjty hain issi trah "zindgi" b aik zariya hi hey

agar bat insani hayat ki ho to phir iss jahan main aik goshat post ka insan jis ki sansain chal rehi hon ko zinda ya zindgi wala keha jata hey ...iss jahan main zindgi k jo many hain wo sanson k chalny sy himashroot hain is zindagi sy pehly (insan ki padaysh sy qabal) ya baad main (insan ki mout k baad) zindagi ki jo shakal thi ya hogi ussy allah ki zaat hi behtar janti hey jis k qabza qudrat main tammam makhlokaat ki zindgiyaan hain

laiken aik bat teh hy k iss majooda zindagi ka hamil insan iss jahan main jis trah ki zindagi guzar kar jaye ga ussy next b ussi trah ki zinadgi mily gi yani agar yeh keha jaye k allah ki yaad aur aur uss mabood-e-haqeeqi ki asal marfat aur pehchan hi asal zindagi hey to yaqeenan aysy insan ko next zindagi b allah k qurab aur rehmat k saye taly hi mily gi

aur agar above baat k mutzaad yahan zindagi basar ki jati hey to next zindagi b ayn ussi tarah ki hogi yani allah ki nafrat aur allah k diye jany waly bad'tareen azaab ki hamil

jahan tak baat hey iss majoda insani zindagi sy qabal kisi aur zindagi ki babat to phir araz yehi hey k uss zindagi main sab insan aik jaisy tahleek howy laiken kuch arhaam-e-muqaddasa k zariye sy aur kuch ko arhaam-e-nijasaa ky zariye iss kaiynaat main baija geya..jaisy k ambiyaa karaam (a.s) wa ayma masoomeen (a.s) ki is duniya main amad arham-e-muqaddisa k zariye ki gayee aur inn k muqably main any wali batil quwtoon ki toleed arham-e-nijasa sy ki gayee
myrizvi Group: Members  Joined: 20th Apr, 2008  Topic: 130  Post: 7755  Age:  55  
Posted on:16th Oct 2010, 2:14am
 

rishtah kia hai

(insaani) zindagi ka jamadati, nabaataati, haiwani zindagiyoun say kia talluq o rishtah hai, agar koi hai to
s4u Group: Members  Joined: 18th Mar, 2011  Topic: 99  Post: 5402  Age:   
Posted on:16th Oct 2010, 4:33am
 

Zindagi kuch n bas 1 sans hai

Yeh zindagi kya hai,
Kya iski haqeeqat hai,
Kya yeh doulat hai,
Doulat hai to kya iski keemat hai,
Kya yeh Mohabbat hai,
Mohabbat hai to kya iski izzat hai,
Kya yeh baghawat hai,
Baghawat hai to kya iski shohrat hai,
Kya yeh Nafrat hai,
Nafrat hai to kya iski zaroorat hai,
Kya yeh soughaat hai,
Soughaat hai to kya iski lizzat hai,
Kya yeh sharafat hai,
Sharafat hai to kya iski banawat hai,
Kya yeh chahat hai,
Chahat hai to kya iski Shiddat hai,
Kya yeh mehnat hai,
Mehnat hai to kya iski sahoolat hai,
Kya yeh Dosti hai,
Dosti hai to kya iski milawat hai,
Kya yeh mehfil hai,
Mehfil hai to kya iski barkat hai,
Kya yeh rasta hai,
Rasta hai to kya iski manzil hai,
Kya zindagi dard hai,
Dard hai to kya guzarna mushkil hai,
Kya yeh khushi hai,
Khushi hai to kyon palkon pe chilmil hai,
Kya zindagi HUM hain,
HUM hain to kya humari ibtida hai,
Kya matti humari ibtida hai,
Matti humari ibtida-o-inteha hai to....
to....
to... kya....
Kya humein yeh yaad hai..
Jo humein yeh yaad nahin,
To kya hum abaad hoke bhi shaad hain..
Kya yeh ehsaas hai,
Ehsaas hai to kya yeh khaas hai,
Main bataon ZinDagi kya hai,
Zindagi kuch nahin bas Ek sans hai.
H/dr_Qasim Group: Members  Joined: 10th Sep, 2010  Topic: 185  Post: 6551  Age:  36  
Posted on:16th Oct 2010, 4:39am
 

Zindghi ki Huqeeqto meah yeh bhe ek Huqeequt hay

Zindghi ki Hukkeekto meah 

yeh be ek Huqeequt hay
kay kubi kubi Munzul ki Tulash meah

yaa Fikur-a-Mahash meah

kitny-------- Dur-ba-Dur Hoty hen Hum

koch pany kay leye

Kitnaaaa,,,,, khoh-ty hen hum

zindgi ki hukeekto meh ye be ek hukeekut hy

k kubi kubi

sub say chop kay Hum

kitnaaaaa... Roty hen hum

zindgi ki huqeeqto meah

yeh be ek huqeekut hy

by h/dr Qasim




Diplomate Group: Members  Joined: 18th Oct, 2009  Topic: 53  Post: 3426  Age:  37  
Posted on:16th Oct 2010, 3:52pm
 

sawal k mubham aur mehdood hony ki waja sy

sab members ny insani hayaat sy related mu'aamlaat ko discus kar diya hey ....jis ka main ny khadsha zahir kiya tha ..khair ...

RE : "(insaani) zindagi ka jamadati, nabaataati, haiwani zindagiyoun say kia talluq o rishtah hai, agar koi hai to"

insani jibbilat kuch iss andaz ki hey k insan har waqat aik tajassas ki kafiyat main mubtela rehta hey insan har time kisi na kisi cheez ki khooj main rehta hey ...koi ilam koi new inventions koi business k new tareqy koi tehtal kalami main kisi na kis new khoj main masroof hey ...neez yeh k aap duniya k kisi b insan ko daikh lain kisi b insan ki zindagi ka mutaleya kar lain aap ko wo insan kuch na kuch discover karta howa ya seekhta howa hi nazar aye ga

lehaza insan ki iss jibbilat ki waja sy aap yeh tasawar b nahi kar sakty k insan ka taluq jamadati , nibataati ya hiwaani zindgiyoon sy nahi hoga ...insan k new experiments sy duniya ki koi cheez koi makhlooq door nahi hey har cheez insani aqal k taby hey....
dom_man Group: Members  Joined: 13th Mar, 2009  Topic: 76  Post: 1344  Age:  35  
Posted on:17th Oct 2010, 7:22am
 

zindagi

Maut aaye ke sakuun kee sa'at aaye hai

Saans tooti hai ke sadiyon ke thakan tooti hai

Isliyee humaara mashwara hai ke ke;

Naghma haye ghum ko bhee ai dil ghaneemat jaanyee

Be sada ho jaye ga saazay hasti aik din.

myrizvi Group: Members  Joined: 20th Apr, 2008  Topic: 130  Post: 7755  Age:  55  
Posted on:23rd Oct 2010, 6:46am
 

zindagi aur poetry

agarchay poets nay bhi zindagi k mukhtalif colors ko describe kia hai lekin quranic farmaan yeh hai k (exceptions k elawah) poets bilamoom woh kahtay haiN jo kartay nahi, yeh rahay raast say jald bhatak kar kaheen aur pahonch jatay haiN...lehaza zindagi jaisi aham /sanjeedah issue ko samajhnay k liyeh poets ki poetry par trust nahi kia jasakta...

zindagi ko samajhnay k liyeh falsafi, historian, scholars, wahee, ambeyaa AS k aqwaal say hi raushni dhoondni chahiyeh.

Diplomate Group: Members  Joined: 18th Oct, 2009  Topic: 53  Post: 3426  Age:  37  
Posted on:23rd Oct 2010, 9:40am
 

yes agreed

khoob kaha barry bhai aap ny...:)
greatkhokh Group: Members  Joined: 22nd Aug, 2011  Topic: 3  Post: 6  Age:  20  
Posted on:14th Jul 2013, 12:49pm
 

Zindagi kya hai....?

1: jo waqt guzar gaya wo hai zindagi
2: aur jo anay wala waqt hai wo hai naseeb
For More Detail Click On Page No: 1 2  >>
 
 
 
Pakistani in Italy  How To Get Visa For China  Bangladeshi Community Celebrating Canada Day In Toronto

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us