Forum.Noorclinic.com
Noor Clinic Pakistan Forum

pakistani matrimonial
 
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Quran & Hadith Download
 
Warning: This Website is not for people less than 16 years of age. Please exit
 
forum new question
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Book For All
Book For Women
Book For Men
Baby Care
Daily Questions
New Topics (General)
Recent Reply (General)
Social Problem
    Start New Topic  My Profile
 

mard apni bivi meiN konsi khoobiyaN pasand kartay haiN ?

Social Problem
 
 
Maryam Group: Members  Joined: 17th May, 2008  Topic: 27  Post: 4679  Age:  30  
Posted on:16th Feb 2011, 1:54pm
 

mard apni bivi meiN konsi khoobiyaN pasand kartay haiN ?

Tuesday 10th March 2009 ko myrizvi bhai k liye aik thread (aik din myrizvi bhai k sath ) start kiya gaya tha. us meiN bohat si bataiN aur muaa.sharti masail bhi discussed huwe . unhi masail meiN se aik masla joaaj kal bohat aam hae lekin bohat khas noiyat ka hae k biwi apnay shauhar k dil meiN kaise apnay liye mohabbat aur maqam paida kar sakti hae. 

myrizvi bhai k reply ko yahaN repost kar rahi huN umeed hae baqi male hazrat bhi apni apni istedaad k mutabiq anmol tajaweez daiNge.   


Maryam Group: Members  Joined: 17th May, 2008  Topic: 27  Post: 4679  Age:  30  
Posted on:16th Feb 2011, 1:58pm
 

originally replied by myrizvi bhai

posted on 22nd April 2009 at 4:18 am

perfect to kabhi koi bhi nahi hosakti lekin koshish zaroor karsakti hae:) ....... maiN aisa diplomatic jawaab hargiz nahi douNga lol 2 aur 2 chaar ki tarah sir 4 point arz karouNga jin par amal karkay koi bhi biwi apnay shauhar ki behtareen, har.dil.azeez aur har dam chaheti bani rah sakti hai. aazmaish shart hai :)

1.shauher ki markazay nigah bani rahnay k liyeh oskay saamnay har dam bani saji saNwri rahay. by-default husn to Allah nay har aurat ko kam o zeyadah dia hi hota hai. lekin maahireenay nafseyaat kahtay haiN k biwi agar shauhar k saamnay ossi tarah pesh ho jaisay xyz apnay gaahakoun say saamnay jati haiN to koi bhi mard kabhi bhi ghalat nigaahoun say kissi doosri aurat ko nah dekhay.

2. yeh to bahoot mash'hoor hai k shauher k dil maiN otranya ka raastah oskay meday say hokar guzarta hai... lehaza miyaaN k luzzatay kaam o dahan par bharpoor tawajjah day. west ki aik story hai k aik chalaak aurat nay aik ameer tareen banday ki daulat hathyaanay ki khatir osss say shadi ki. woh bandah ameer honay k elawaah smart, khoob.soorat aur zaheen bhi thaa (hairaan nah houn, woh 'sab' aik hi bandah thaa :) aurat aik behtareen cook thee. oss nay etnay achay achay khanay pakaa kar khelana shooroo kardia k mard nay bahar aur dawatoun maiN bhi khanaa khanan choR dia. jald hi oska wazan baRhnay lagaa aur cholestrol level bhi high hogayaa... doc nay ossay warn kia to woh biwi say bolaa... mujhay lagta hai k tum mujhay achay achay khanay khelaa khelaa kar maar dena chahti ho takay meri daulat par qabzah karsako... biwi nay moskoratay howay aik new dish pesh ki to woh bolaa... koi baat nahi etnay achchay khanay khaa kar to main tumhari khatir marnay ko bhi tayyar houN:)...... mardoun ki doosri kamzori (pahli nigahouN ki bhook :) meday ki bhook hai.

3. dunya ki har aurat (apnay shauhar k elawah:) har mard say meeThay aur niswaani lehajy maiN baat karti hai. adab aadaab k saath....... agar koi chaheti biwi biwi banna chahay to woh apnay shauhar say bhi hamesha narm aur niswaniyat zadah lehjay maiN baat karay... rooThay bhi to issi tarah baat karay... Ghussah bhi ho to lufz bay shak badal day... awaz tone /lehjah kabhi nah badlay... koi shauher kabhi bhi aisee biwi ko zeyadah dair naraaz nahi rakh saktaa jo oss say yaa to narm lehjay maiN bolay yaa khamosh rahay... poraani baRi booRhiyaaN kahaa karti theeN k aurat ki aik chup sau sukh ... jahaan gussah ho, larayee jhagRa ho, ikhtelaafay roy ho... chup hojaye, gongi ban jaye....... yeh mardanahah samaa'at ki bhook hai...... mard raah chaltay har oss auratki help ko tayyar hojata hai jo ossay meeThay lehjy maiN pokaray aur baat karay... khaah woh ketni hi kharaab, chalaak etc hi kiyoun nah ho aur mard yeh baat jaanta hi kiyoun nah ho... actually mard niswaani awaaz ka bhi bhooka hota hai... tabhi to hum hai k naa.mahram say zaroorat k waqt bhi aurat karakht lehjay maiN baat karay takay oskay dil maiN koi khoT nah aasakay........ hamari aurtain aisaa shauhar k saamnay karti hain aur ghair mard say...... :)

4. biwi (dil say nah sahi magar kam az kam :) zaahiri taur par apnay shauher ko baqi tamaam logoun par har maamlay main fauqiyat day. ossay sab say acha samjhay aur kahay. oski har baat par harpoor tawajjah say sonay aur kabhi oski baat ko kaaTkar apni aqal ka izhaar nah karay... just like a khooshaamdi darbaari jo baadshaah ko khush karnay main laga rahta hai......

misal mash'hoor hai... jissay piya chahay wohi sohaagan.... agar koi biwi sirf above chaar nokaat ko girah main baandh la to woh oska shauhar oskay liyeh takht o taaj ko bhi Thokar maarsakta hai aur oskay liyeh aasmaan k taray bhi tor kar laa sakta hai. aazmaish shart hai. actually mard ko bhooka piyasaa banaya gaya hai.... iski nigahoun ki bhook, paiT ki bhook, kaanoun ki bhook, jins ki bhook aur ataa.at ki bhook agar koi aurat hi miTaati rahay to woh kabhi bhi kissi doosri aurat ki taraf nahi dekhegaa. biwi hi k liyeh kissi nay kia khoob kaha hai k

miTaday apni hasti ko (shauhar ki hasti mai:), gar kuch martabah chaahay + k daanah khaak maiN milkar, gulay gulzaar hota hai lol

myrizvi Group: Members  Joined: 20th Apr, 2008  Topic: 130  Post: 7711  Age:  55  
Posted on:17th Feb 2011, 10:08am
 

hmmm

kia yeh waqe'ee maiN nay hiiiiiiiiiiii likhaa thaa... (agar yeh maiN nay hi likha hai to likhtay waqt "aamad" howi hogi...iss maiN mera koi kamaal nahi:) ... abhi lufz bah lufz paRhtay howay aisaa lag rahaa thaa jaisay koi tazah bah tazah aur dilchasp lecture sun rahaa houN. yaqeen nahi aataa k maiN kabhi etnaa aqalmand aur "mardam.shanaash" bhi thaa :)

aj say koi teen dahayee qabal ka zikr hai...ham nay new new (out of home city) job ka aghaaz kia thaa... lunch break maiN ham 2 bachelors dafter hi maiN khana mangwaa kar khayaa kartay thay... aik din 2 married saathi bhi hamaray saath khanay maiN shareek hogayee. luch k baad free timings main "azdawajiyaat" k topic par guftagoo chiR gayee...koi half an hour ki guftagoo maiN amalan ham 2 bachelors hi boltay rahay aur woh dounouN as 'shamil bajaa' hi shareekay guftagoo rahay... at the end of guftagoo....aik sahab ko kuch khayaal aayaa to woh apnay mouNh par laanat dikhlatay howay bolay xyz hai ham (married) par...ham say zeyadah to yeh bachelor .... (onka filbadeeh comments punjabi maiN tha, jo mazeed pur lutf tha:)

Maryam Group: Members  Joined: 17th May, 2008  Topic: 27  Post: 4679  Age:  30  
Posted on:17th Feb 2011, 11:32pm
 

khawateen k liye kuch tajaweez

myrizvi bhai :ji is tarah ki shahkaar takhleeqat aamad se hi hosakti haiN :) wese tou aap ka poora thread hi worth reading hae lekin is aik issue pe is tarah ki discussion se khawateen ko kafi maloomat bhi mil sakti haiN aur woh is se istefada bhi karsakti haiN ( agar woh chahaiN )

kehtay haiN k apnay jab koi ghalti kartay haiN tou us meiN koi na koi apni ghalti bhi hoti hae. isi liye khawateen k liye yeh topic start kiya k agar unhaiN apnay ghar meiN, apnay hus se koi takleef ya pareshani hae tou sab se pehlay woh apna aik naqidana jaiza laiN k kahiN un ki apni hi kisi ignorance ya ghalti ki wajah se tou un ki azdawaji zindagi meiN koi prob nahi arahi. Hatul was.aa apni khamiyoN ko bhi door karnay ki koshish ki jaye .

husband se dailogue karaiN . ghareloo masail se haT kar bhi un se baat karaiN . jab hus ghar aye tou muskra kar us ka istaqbal karaiN . kabhi bhi kisi maslay ki wajah se mouN bana kar unhaiN recieve na karaiN balkay thoRa sa relax karnay k baad jab hus ka mood acha ho tou araam se apni baat batanay ki koshish karaiN.husband k ghussay par fori react na karaiN . balkay agar jhagRay ka mahol ban raha ho tou us jagah se haT jana chahiye thoRi dair baad bohat baRi baat bhi bohat normal si lagnay lag jati hae . us waqt kisi baat ko discuss kiya jaye. husband ko kabhi kisi kami ya khami ka taana na daiN . balkay hosakay tou us ki kisi khoobi ko admire karaiN . jis tarah khawateen ko apni tareef sun,na acha lagta hae aise hi mard bhi chahtay haiN k un ki bivi unhaiN admire karay.

husband ko muskra kar dekhaiN . muskrahaT aik aisi shaii hae k aap kisi ko muskra kar dekhain tou automatically samnay walay k chehray par bhi muntaqil hojati hae :) azdawaji taluqaat meiN garamjoshi ka izhaar karaiN aur agar kabhi hus ki kisi baat se hurt ho bhi jayeN tou usay ego ka masla na banayeN . wese bhi mohabbat meiN ana ka koi kaam nahi aur aurat ki mohabbat ka sab se zyada mustahiq us ka husband hae.
Diplomate Group: Members  Joined: 18th Oct, 2009  Topic: 53  Post: 3436  Age:  37  
Posted on:17th Feb 2011, 1:53pm
 

waddy praa g

bye the way yeh aamad hay ya aap ki hasrat ? ....:)...lol
wafa1 Group: Members  Joined: 12th Jan, 2011  Topic: 5  Post: 35  Age:  27  
Posted on:17th Feb 2011, 5:09pm
 

i think

mard apni bv mein har jaiz aur najaiz baat mein YES kehne ki khasoosiyat daikhna chahte hain :) chahe unn ki wife unn ko dil hi dil mein ullu samajh rahi ho. iss liye chalak(makkar) biviyan hamesha husband ki har baat pe yes keh ke unn ko khush rakhti hain lekin marzi kisi na kisi tareeqe se apni hi chalati hain ....main ne aksar auraton ko daikha hai k unn k husband samajhte hain ke unn ki wife unn ki bohat farmanbardar , mohabbat karne wali aur mukhlis hai jabke wife apni doston se shauhar ko bewaqoof banan'ne ke tareeqe share kar rahi hoti hain ..lols
H/dr_Qasim Group: Members  Joined: 10th Sep, 2010  Topic: 185  Post: 6560  Age:  36  
Posted on:17th Feb 2011, 7:50pm
 

mard apni bivi meiN konsi khoobiyaN pasand kartay haiN ?

Husband always like and appreciate following Qualities

  1. Wife caring and Loving ho
  2. Wife apni Health apni zab-o-zeenut ko achi turah maintain rukhti ho, apny husband kay leyeh apny ap ko ziyada say ziyada porkushish bunati ho
  3. Ghur walo kay sath co operative ho, or sub ki respect kurti ho
  4. choti choti bato or minor problem ko Husband ko butay bina khod he settle kurny ki Sulahiyat rukhti ho
  5. Som-o-sulat ki pabund ho , puri likhi ho
  6. Apny husband ki hur zuroorat ka khiyal rukhti ho, respect kurti ho
  7. Kufayit shahaar ho
  8. Husband ki ghyr mojoodghi meah apni ezzut efat ka khiyal rukhny wali ho,
  9. Achi cooking kurny wali ho,
  10. Ghur ko achi sujaa kur sunwaar kur rukhti ho
  11. Bucho ko proper time dati ho or onki turbiyat meah paysh paysh ho
  12. essy Mohamilaat jin ka elm hona husband ko zurori ho osko in time btati ho or hur moshkil meah purashani meah husband ka sath dany wali ho,
  13. Husband ko sumajny ki koshish kurti ho, or husband ko proper time or tawajah dati ho,
Mr bajwa4u Group: Members  Joined: 24th Nov, 2010  Topic: 10  Post: 227  Age:  26  
Posted on:17th Feb 2011, 8:56pm
 

Quran and Ahdees

aslam u alkuim
i think this thing is clearly described in Quran and Ahdees, if wife fulfill her duties as described by in Quran and Ahdees. i think Allah create love in her husband's heart for her.
Allah hafiz
myrizvi Group: Members  Joined: 20th Apr, 2008  Topic: 130  Post: 7711  Age:  55  
Posted on:18th Feb 2011, 3:08am
 

Qasim bhai

yaa to ap aik point kam kardaiN yaa 3 point baRha daiN... takay 4 biwiyouN maiN equally qualities hosakay... biwiyouN maiN mosawaat zaroori hai naa lol

Mr bajwa4u & Diplomate:

Jazak Allah well said... dil khush howa paRh k :)

wafa1:

apki observation say "inkaar" to nahi kia jasakta.... magar ham yahaaN "better-half" ko discuss kar rahay haiN aur ap nay "bitter-half" ki baat cheR di hai :) ...

myrizvi Group: Members  Joined: 20th Apr, 2008  Topic: 130  Post: 7711  Age:  55  
Posted on:18th Feb 2011, 3:15am
 

Maryam

khawateen k liyeh kissi khatoon ki baat ko samajhna zeyadah asaan hota hai... issi "zaroorat" ko poora karnay k liyeh Allah nay hazrat Muhammad saw ko zeyadah say zeyadah biwiyaaN rakhnay ki khasoosi ijzat di thee...taakay daray nabwat saw say taleem haasil karkay ummahaatul Momeneen khawateen tak dawat o tableegh easily kar sakaiN.

aj yeh fareezah ap jaisee musbat soch ki hamil khawateen k kaandhouN par hai... ham as a mard jab aisee baat kartay haiN to "sinfay mokhalif" honay k sabab easily 'ignore' kardiyeh jatay haiN...ap ki baat ko khawateen easily ignore nahi karsakteeN... omeed hai k ap jaisee khawateen yeh fareezha har jagah taadamay marg jaari rakhengeeN aur apnay baad apni jaisee tarbiyat yaaftah khawateen zaroor choR jayeneeN. Allah karay zoray qalam aur zeyadah...

myrizvi Group: Members  Joined: 20th Apr, 2008  Topic: 130  Post: 7711  Age:  55  
Posted on:18th Feb 2011, 3:25am
 

mardouN ko naseehat kiyouN nahi

baaz khawateen yeh "etraaz" karsakti haiN k sirf aurtouN ko kiyouN "khasoosan" naseehat ki jati hai...aisaa mardouN ko kiyouN nahi...... g haaN mardouN ko "khasoosan" naseehat iss liyeh nahi ki jaati k onhaiN to "amoomi taur par" waaz o naseehat ki hi jati hai aur regularly... juma ka khotbah ho yaa eidain ka, islamic lectues ho yaa islamic jalsah e aam.... in sab mawaqay pay mardoun ka hi ijtemaa hota hai aur in ijtemaa.aat maiN koi mard-aalimay deen hi mardouN ko naseehat karta hai k wohi mokhatib hotay haiN....... lehaza aurtoun k "khasoosi ijtemaa'aat houN yaa print /electronic media k "khasoosi pages /programaat for women" inmaiN hi khawateen ko khasoosi taur par address karkay onhaiN Allah rasool ka hukm sonaya jata hai taakay onki dunyaa bhi araam o sakoon say guzar sakay aur aakherat maiN bhi woh kaamyaab o kaamraan hosakaiN... wazah rahay k Allah k Akhri Rasool saw nay farmaya tha k onhouN nay jahannam maiN aksariyat khawateen ki dekhi thee...jiski major wajah yeh thi k khawateen amooman apnay husband ki naa.shukar guzaar hoti haiN...aik aur hadees k motaabiq jo fard kissi insaan ka shukar guzaar nahi hotaa woh Allah ka bhi shukar guzaar nahi hosaktaa.....

hamaray inn bhashan :) ka maqsad yehi hota hai k hamari bahnaiN, beTiyaaN aur biwiyaaN "raahay raast" par chaltay howay apni dunyaa ko bhi jannat banaa laiN aur aakherat maiN bhi jannat maiN daakhil hosakaiN...... "zimnan" ham mardoun ko bhi iss dunyaa maiN achi bahan, achi beTi aur achi biwi /biwiyaaN :) mil jaa.ay lol

Maryam Group: Members  Joined: 17th May, 2008  Topic: 27  Post: 4679  Age:  30  
Posted on:18th Feb 2011, 12:56pm
 

myrizvi bhai

jazakAllah for your moral support :)

wese Mr Bajwa ki baat pe tou dil khush hona samajh meiN ata hae lekin Diplomate bhai k sawal pe khush hona samajh meiN nahi aya :)

wafa ji : kehtay haiN k amaal ka daro madar niyatoN par hota hae. agar niyat meiN khoT ho tou acha amal bhi raigaaN chala jata hae . isliye agar khawateen ki niyat shauhar ko ullu banay ki hae tou un ka bazahir kiya gaya acha amal bhi Allah k haaN maqbool nahi hota . na hi aisi khawateen ko doosri khawateen hi pasand karti haiN balkay un ki back pe jo bataiN un k liye ki jati haiN shayad unhaiN ilm hi nahi k woh khud ko kisi ullu ki bivi bana kar kiya kiya ban gai haiN :)
myrizvi Group: Members  Joined: 20th Apr, 2008  Topic: 130  Post: 7711  Age:  55  
Posted on:19th Feb 2011, 2:59am
 

ullan :)

dip bhai ka sawaal acha tha issi liyeh khushi howi thee... ab har (aik k) sawal ka jawaab to nahi hota naa! kabhi kabhi...jawaabay dip, khamshi baashad bhi howa karta hai lol
Maryam Group: Members  Joined: 17th May, 2008  Topic: 27  Post: 4679  Age:  30  
Posted on:19th Feb 2011, 5:08am
 

khamshi baashad :)

asal meiN diplomate bhai ki apni yehi hasrat thi k bivi honi chahiye koi khoobi ho ya na ho :)) isi liye aap se haal e dil ka byan swal k zariye kiya :)


sabhi gul Group: Members  Joined: 22nd Mar, 2008  Topic: 0  Post: 2  Age:  33  
Posted on:19th Feb 2011, 5:29pm
 

COOL MINDED HO

  1. COOL MINDED HO
myrizvi Group: Members  Joined: 20th Apr, 2008  Topic: 130  Post: 7711  Age:  55  
Posted on:21st Feb 2011, 3:05am
 

sabhi gul

"cool" bhi ho aur "minded" bhi... apnay kuch "zeyadah" motalibah nahi kardia? apsay achay to apnay nikkay praa dip g hain jo (zobaanay haal say) kahtay haiN k sirf biwi hi kafi hai ... khaah woh.... lol
Diplomate Group: Members  Joined: 18th Oct, 2009  Topic: 53  Post: 3436  Age:  37  
Posted on:21st Feb 2011, 3:43am
 

bv ki khoobi khami

bv ki khobi khami ko talash karny ka ya phir unhain sudharny ka taluq asal main shadi sy pehly aik dosry ko jan'ny aur bahmi baat cheet ki badolat ho sakta hay ..laiken islam aik had tak kisi na mehram sy mulaqat ka hukam daita hay ...abb iss k baad jab shadi ho jaye to aik shohar ko agar apni bv main matloba khobiyan nazar na ayen to shohar bechara kia kar sakta hay ...abb uss ki bv koi bachi to nahi k ussy samjhaya jaye ...akhar wo b aik cultural set up sy nikal kar ayee hay ..uss ki b apni khaas tarbiyat apny khaas mahol main hoi hay ...iss liye jo log shadi k baad apni bv main khobiyaan talash karty hain wo aik trah sy apni hasrat ka hi izhaar karty hain..:)

shadi k bad jis trah aik shohar chahta hay k uss ki bv uss trah ki ho jaye jis trah wo khud hay isi trah bv b chahti hay k jis mahol sy wo khud nikal kar ayee hay uss ka shohar b waisa hi ho jaye ...iss sorat main ghar aik qisam ka mydaan-e-jang ban jata hay na bv shohar ki baat samjhti hay aur na shohar bv ki bat samjhta hay ...abb yahan pr dono gharon k barron ka amal dakhal shuro ho jata hay ...larrki k ghar waly larrky k ghar walon ko taany daity hain aur issi trah larrky k ghar waly b karty hain ..

lehaza aysi situation main yahi munasib rehta hay k aik shohar apni bv main apni matloba khaahshaat ko daikhny ki sirf hasrat hi rakhy aur apny amal sy bv ko iss had tak mutasir kar ly k khud bv baghair kisi choon chraan k kuch arsa k baad apny susraal main ghul mil jaye aur waisy hi amal karna start kar dy jaisa k shohar k ghar ka mahol hay iss trah inn dono ki azdwaji , mu'ashrti aur samaji zindagi buhat pur sakoon guzry gi

laiken agar bv k susraal main enter hoty hi uss main khobiyan khamiyan talash karni shuro kar di jaien aur baad azaan uss ki khamiyan drusat karny ko apni zindagi ka maqsad bana liya jaye to zindagi aram sy nahi guzarti har waqat gily shikwy hi chalty rehty hain ..aur yeh pur sakoon zindagi ki alamat nahi howa karta

taham iss k bar akas agar aik bv main already kuch khobiyan hoti hain to yeh b shohar ki qismat hay ...darasal hamary mu'ashry main har qisam k waqiyat daikhny ko milty hain kaheen aik aurat ny poory ghar ko yaraghmaal banaya hota hay to kaheen yahi aik aurat buhat sy afraad main ghiri hoi nazar ati hay , aysa q hota hay ..? aysa issi liye hay k jab aik shohar ya baqi susraal waly apni bv/baho main apny ghar jaisy tarbiyati mahol ki talash karty hain ..aur iss k ulat aik bv apny susraal sy apni tarbiyat k mutabiq demand karti hay

lehaza kisi main khobi hony ki khaahish karna mehaz aik hasrat hi hay ..taham agar pehly sy kuch majood ho to yeh aik khush qismati hay

aur main apny rabb ka jitna b shukar ada karon kam hay q k main b khush qismat afraad main sy aik hon ...abb agar "maryam" ya "waddy praa" ji ko koi mubaligha ho geya hay to main kia keh sakta hon ...:))lol
myrizvi Group: Members  Joined: 20th Apr, 2008  Topic: 130  Post: 7711  Age:  55  
Posted on:21st Feb 2011, 4:55am
 

uffffff etni taweel reply

maiN taweel say taweel reply likh to saktaa houN, paRh nahi saktaa, bilkhasoos jab issay nikkay pra nay roman maiN likha ho to lol

pata nahi nikkay paraa g nay kia likh maraa hai...aray koi hai jo mujhay onka likha paRh kar sonaa.ay ... aur samjhaa.ay bhi k onhouN nay aakhir likha kia hai :)

Maryam Group: Members  Joined: 17th May, 2008  Topic: 27  Post: 4679  Age:  30  
Posted on:21st Feb 2011, 9:48am
 

aurat ki kin khasoosiyat ko dekh kar shadi ki jaye?

islam aik mukamal mazhab hae. is meiN zindagi k har har pehloo ko itnay achay tareeqay se detailed bataya gaya hae k agar us pe amal kartay huwe zindagi guzari jaye tou humari zindagi sehal hojaye. mard ko chahiye k

1-woh kam umar laRki se shadi karay. kyuN k woh flexible hoti hae aur shadi k baad shauhar ki marzi aur khuahish k mutabiq khud ko Dhal leti hae .

2- shakal surat meiN apnay se khoobsurat laRki se shadi karay. takay bivi se mohabbat ho aur nigah kisi aur ki taraf na jaye.

3- maali lehaz se apnay se kam gharanay meiN shadi karay. takay agar kabhi shauhar k ghar meiN koi tangi ajaye tou bivi un halaat se pehlay guzar kar aa chuki ho, woh shauhar ko mushkil halaat meiN pareshan na karay balkay sabar shukar se guzara kar le.

4-deendar laRki se shadi karay . aurat k haathoN meiN muaashray k mustaqbil hae isliye deendar aurat apnay bachoN ki parwarish bhi Allah k ehkamat k mutabiq karegi. aur acha shareek e safar wohi hota hae jo apnay sathi ko bhi jannat meiN le jaye na k usay bhi jahannum meiN dhakail day.
Diplomate Group: Members  Joined: 18th Oct, 2009  Topic: 53  Post: 3436  Age:  37  
Posted on:22nd Feb 2011, 6:52am
 

1 , 2 , 3 , 4 larrkiyaan

abb itni larrkiyon sy bayak waqat shadi kaisy ho sakti hay ...yani kam umar , khoobsorat , ghreeb larrki , deendaar larrki ..:)

mera khiyal hy aik time main in main sy sy aik hi mil sakti hay ....waisy kisi ko aik b mil jaye to bari baat hay chy jay k ......:)
For More Detail Click On Page No: 1 2  >>
 
 
 
Pakistan Day Celebration In Malaysia  How to get Canadian Work Permit  Indian Students Dance In USA

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact UsLast Updated: 30th May 2014