Forum.Noorclinic.com
Noor Clinic Pakistan Forum

pakistani matrimonial
 
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Quran & Hadith Download
 
Warning: This Website is not for people less than 16 years of age. Please exit
 
36559 Aurat Ka Khussa Shoes
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
New Topics (General)
Recent Reply (General)
Social Problem
    Start New Topic  My Profile
 

Quran Pak Ki Kul Ayat

Religion and Culture
 
Noor Clinic Forum Rule
 
Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:20th Dec 2011, 4:02am
 

Quran Pak Ki Kul Ayat

1     - Al-Hamd (Al-Fatiha)             =     7 
2     - Al-Baqra                             = 286 
3     - Al-e-Imran                           = 200 
4     - An-Nisa                              = 176 
5     - Al-Mayda                            = 120 
6     - Al-Ana'am                           = 165 
7     - Al-A'araaf                            = 206 
8     - Al-Anfaal                             =  75 
9     - Al-Toba                               = 129 
10   - Younas                               = 109 
11   - Hood                                   = 123 
12   - Yousaf                                =  111 
13   - Al-Ra'ad                              =   43 
14   - Ibraheem                            =   52 
15   - A-Hajir                                =   99 
16   - An-Nahl                              =  128 
17   - Al-Isra (Bani Isra'eel)           =  111 
18   - Al-Kahf                               =  110 
19   - Maryam                              =    98 
20   - Taa-Haa                             =  135 
21   - Al-Anbiya                            =  112 
22   - Al-Hajj                                 =   78 
23   - Al-Momenoon                      = 118 
24   - Al-Noor                                =   64 
25   - Al-Furqan                            =   77 
26   - Al-Shu'ara                           =  227 
27   - Al-Naml                               =   93 
28   - Al-Qasas                             =   88 
29   - Al-An'qaboot                        =   69 
30   - Al-Room                              =   60 
31   - Luqman                               =   34 
32   - As-Sajda                             =   30 
33   - Al-Ahzab                             =   73 
34   - Saba                                   =   54 
35   - Fatir                                    =   45 
36   - Ya'Seen                               =   83 
37   - As-Saaffat                           = 182 
38   - Sad                                     =   88 
39   - Az-Zumar                            =   75 
40   - Ghafir (Al-Momin)                =   85    
41   - Fussilat (Ha'Meem As-Sajda) =   54 
42   - Ash-Shura                            =   53 
43   - Az-Zukhruf                            =   89 
44   - Ad-Dukhan                            =   59 
45   - Al-Jathiya (jasiya)                  =   37 
46   - Al-Ahqaf                                =   35 
47   - Muhammad                           =   38 
48   - Al-Fat'h                                 =   29 
49   - Al-Hujraat                              =  18 
50   - Qaf                                       =   45 
51   - Adh-Dhariyat                         =   60 
52   - At-Toor                                 =   49  
53   - An-Najm                               =   62 
54   - Al-Qamar                              =  55 
55   - Ar-Rahman                           =  78 
56   - Al-Waqia                              =  96 
57   - Al-Hadid                               =  29 
58   - Al-Mujadila                           =  22 
59   - Al-Hashr                              =  24 
60   - Al-Mumtahina                       =  13 
61   - As-Saff                                =   14 
62   - Al-Jumua                             =   11 
63   - Al-Munafiqoon                      =   11 
64   - At-Taghabun                        =   18 
65   - At-Talaq                               =  12 
66   - At-Tahrim                             =  12 
67   - Al-Mulak                              =   30 
68   - Al-Qalam                             =   52 
69   - Al-Haaqqa                            =  52 
70   - Al-Maarij                              =  44 
71   - Nooh                                   =   28 
72   - Al-Jin                                   =  28 
73   - Al-Muzzammil                      =  20 
74   - Al-Muddaththir (Mudassir)   =  56 
75   - Al-Qiyama                            =  40 
76   - Al-Insan                                =  31 
77   - Al-Mursalat                           =  50 
78   - An-Naba                               =  40 
79   - An-Naziat                             =  46 
80   - Aba'saa                                =  42 
81   - At-Takwir                            =  29 
82   - Al-Infitar                              =  19 
83   - Al-Mutaffifin                         =  36 
84   - Al-Inshiqaq                          =  25 
85   - Al-Burooj                             =  22 
86   - At-Tariq                               =  17 
87   - Al-Ala                                  =   19 
88   - Al-Ghashiya                          =   26 
89   - Al-fajr                                    =  30 
90   - Al-Balad                                =  20 
91   - Ash-Shams                           =  15 
92   - Al-Lail                                   =  21 
93   - Ad-Duha                               =  11 
94   - Ash-Sharh                             =   8 
95   - At-Teen                                 =   8 
96   - Al-Alaq                                 =  19 
97   - Al-Qadr                                 =   5 
98   - Al-Bayyina                            =   8 
99   - Al-Zalzala                              =   8 
100 - Al-Adiyat                               =  11 
101 - Al-Qaria                                 = 11 
102 - At-Takathur (Takasur)           =   8 
103 - Al-Asr                                     =   3 
104 - Al-Humaza                             =   9 
105 - Al-Feel                                   =   5 
106 - Quraish                                  =   4 
107 - Al-Ma'oon                               =   7 
108 - Al-Kauther (Kosar)                 =   3 
109 - Al-Kafiroon                             =   6 
110 - An-Nasr                                  =   3 
111 - Al-Masadd (Lahab)                 =   5 
112 - Al-Ikhlas                                 =   4 
113 - Al-Falaq                                  =   5 
114 - An-Nas                                   =   6 

Above Total ayaat k hisaab sy 114 sorah mubarika ,jin main  total 6236 ayat hain agar iss tadad main 113 bar bismillah jo k har sorah k aghaz main hy ko shamil kar liya jaye to tadad 6349 banti hay , laiken jo aam tor par mash'hoor hay wo 6666 ayat hay , yeh tafseel main ny khud quran pak sy hasil ki hay iss liye shaid main kisi bhool chook main hon to allah sy mu'aafi ka khast gaar hoon , behar haal members b apny tour par chk kar sakty hain ,aur khaas kar k ayaat k total ko zaror check karain ta k kisi imkaani ghalti sy bacha jaa saky ..thanks
 
wazy rahy k sorah toba k ilawa har sorah k aghaz main bismillah hay , iss tarh 113 baar bismllah banti hay , laiken sorah namal main 2 bar bismillah hay lehaza tadad phir 114 ban jaati hay ..behar haal bismillah ko as a verse 113 baar hi ayaat ki kull tadad main shamil kiya geya hay 



myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:20th Dec 2011, 5:52am
 

Masha Allah well done

maiN bhi issi shush o punj maiN thaa k kabhi khud count karke dekhouN... ap na bahoot acha kaam / thread start kia hai... ahbaab issay check karkay iss maiN correction kar saktay haiN (agar koi ho to)

waisay maiN aik baar phir yeh bataa taa chalouN k quran ki ayaat ki numbering bahoot baad maiN shoroo ki gayee... muttafiqah mashafay osmani k yakja tahreeri quran ki copies honay k bhi bahoot baad... issi liyeh numbering maiN alag alag total number aanay k bawajood quran k kull alfaaz (wordz) aur haroof (letters) SAME hi haiN... iss maiN koi FARAQ maujood nahi hai aur yeh dunya bhar k HUFFAZ k seenouN maiN bhi muttafiqah taur par SAME SAME hai....

quran ki ayaat ki kull tadaad aik saanvi aur zimni ilmi bahas hai... iss maiN "ikhtelaaf" hone ka matlab yeh nahi hai k quran k matan (alfaaz) maiN koi faraq hai.... iss thread say koi ghalat nateejah nah nikaalay k quran k matan maiN feel waqe;eekoi ikhtelaaf maujood hai.

jo quraan dunyaa bhar maiN printed /huffaz k seenouN maiN maujood hai, wohi ASAL QURAN hai...iskay elawah jo bhi khufia nuskhay (agar koi ho) kaheeN maujood haiN to woh JAALI AUR NAQLI hai...jaisay mobayyanah taur par 40 paarouN wala quran /soorat Ali /walayat wala quran etc etc
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:20th Dec 2011, 5:54am
 

copy paste from another thread

- quranic ayaat ki kull tadaad k teen figures haiN ... sab say zeyadah maqbool adad 6666 hai... har soorat maiN bismillah ko as one ayat add kia jaa.ay / nah kia jaa.ay k 2 nuqtah e nazar k tehat do totals miltay haiN ... issi tarah baaz scholars baaz sooratouN maiN falaaN lufz par ayat end hai /nahi hai k tehat number shomaar lagaatay haiN... iss tarah aik teesra total number milta hai

- wazah rahay k quran "tahreeri" nahi balkay "taqreeri" naazil howa ...jiskay sab say pahlay haafiz hazrat Muhammad saw thay... baad azaaN bahoot say sahabah karam RA mokammal aur bil.tarteeb quran k haafiz banay... huffaz ka yeh silsilah aaj tak jaari hai... aaj bhi laakhouN mosalmaan dunya bhar maiN haafiz e quran haiN...aur asal quran yehi hai jo huffaz k seenouN maiN mahfooz hai

- quran ko tahreer ki soorat maiN likh kar mahfooz karnay ka silsila go hazrat Muhammad saw hi k zamaanay say chalaa aa raha hai... magar "likhnay k andaaz" maiN "development hoti rahi hai.... jaanay walay jaantay haiN k ibteda maiN quran ko "ghair manqoot" (beghair nuqtouN walay) haroof maiN tahreer kia gayaa ... nuqay baad maiN lagaa.ay gaye...issi tarah araab (zabar, zer, pesh, jazm et) bhi bahoot baad maiN lagaa.ay gayee... issi tarah ayaatouN ko number shomaar bhi mukhtalif tareeqay say lagaya gayaa...lehaza ibteda maiN kaii kull number shomaar banaay...jo ab sirf 2 qism k rah gaye haiN aik maiN har soorat ki bisillah ko bhi count kia jata hai...doosray maiN nahi kia jataa .... albattah 6666 wali total number shomaar par ummat ka "ittefaaqay roy" hai

- quran ki ayaat ki total number shomaar kuch bhi kia jaa.ay........ asal quran wohi hai jo aaj laakhouN huffaz k seenouN maiN mahfooz hai........ aur tahreeri nuskhouN ki "bhari aksariyat" bhi inhi huffaz k hifz shodah quran k ain motaabiq hai.... iss quran maiN kami yaa beshi par believe karne walay .... mosalmaanouN ki aksariyat k motaabiq mosalmaan nahi haiN

- wazah rahay k ASAL QURAN k mahfooz honay k bawajood NAQLI QURAN bhi apni jagah har daur maiN "maujood" raha hai...kaheeN chopa howa, to kaheeN "zaahir" howaa howaa... jaisay musharraf k daur k aik wafaqi wazeeray taleem nay 40 parouN walay quran ka zikr kia thaa...issi taarh issi forum maiN soorat Ali /welayat publish howi thi... yaqeenan bahoot say logouN ka "aisay quran" par bhi imaan hogaa...issi tarah usa maiN True Furqan k naam say bhi aik JAALI QURAAN shayaa hokar phailaya gayaa hai.... sab jaantay haiN k ASAL AIK hota hai naqalbahoot saaray....... issi tarah asal quran k bhi bahoot say jaali /naqli quran haiN........ aur mujh samait muslims ki bhari aksariyat aisay jaali quran ko manay walouN ko mosalmaan nahi maanti
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:20th Dec 2011, 12:45pm
 

tadaad

قرآن کریم کی 114سورتیں، 6349 آیات، 558 رکوع اور 86430 الفاظ ہیں۔

نوٹ: آیات اور الفاظ کی تعداد میں اختلاف ہے۔ اس کی وجہ یہ ہے کہ بعض لوگ بسم اللہ کو ہر سورت کی آیت شمار کرتے ہیں اور بعض نہیں۔ اسی طرح بعض کے نزدیک چند جملے ایک آیت ہوتے ہیں جبکہ دوسروں کے نزدیک وہ پوری آیت نہیں ہوتے۔ ورنہ سب کے نزدیک بالاتفاق قرآن کریم بسم اللہ کی ب سے لے کر والناسکی س تک بالکل وہی ہے جو آنحضرت صلی اللہ علیہ وسلم پر نازل ہوا تھا۔





Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:20th Dec 2011, 2:18pm
 

Partial Agreed With Myrizvi

main myrizvi bro sy partial agreed hon , jin baton sy agreed hon wo darj zail hain

"wazah rahay k quran "tahreeri" nahi balkay "taqreeri" naazil howa ...jiskay sab say pahlay haafiz hazrat Muhammad saw thay..."

" quran ko tahreer ki soorat maiN likh kar mahfooz karnay ka silsila go hazrat Muhammad saw hi k zamaanay say chalaa aa raha hai... magar "likhnay k andaaz" maiN "development hoti rahi hai.... jaanay walay jaantay haiN k ibteda maiN quran ko "ghair manqoot" (beghair nuqtouN walay) haroof maiN tahreer kia gayaa ... nuqay baad maiN lagaa.ay gaye...issi tarah araab (zabar, zer, pesh, jazm et) bhi bahoot baad maiN lagaa.ay gayee... issi tarah ayaatouN ko number shomaar bhi mukhtalif tareeqay say lagaya gayaa...lehaza ibteda maiN kaii kull number shomaar banaay...jo ab sirf 2 qism k rah gaye haiN aik maiN har soorat ki bisillah ko bhi count kia jata hai... "

aur jis par agreed nahi hon

"albattah 6666 wali total number shomaar par ummat ka "ittefaaqay roy" hai"

iss baat par liye agreed nahi hon k quran pak sab k samny hay . issy ummat ka "kaseer" hissa b recite karta hay aur aap k mutabiq "qaleel" hissa b recite karta hay , hum barry fakhar sy aaj sy 1400 saal qabal hony waly waqiyat par apni apni history k mutabiq baat to karty hain aur marny marny par aa jaty hain laiken jo cheez zinda o javaid majood hay uss par tehqeeq karny ki zehmat nahi karty , jo ghalti hum sy pehly kisi ny kar rakhi hay yaani k 6666 ayaat ki counting wali hum ussi par ankh band kar k amal kar rahy hain (agar kar rahy hain to ) khud sy kuch daikhty nahi ...iss par b ajma-e-umat ki sanad ko bar haqq samjhty hain jab k haqeeqat kuch aur hay

myrizvi bro main abb b kehta hon k ajma-e-ummat kisi b nazriya / aitqaad / aqeedy / emaniyaat / amaal ya phir phir mehaz andazy ki haqeeqat ki daleel nahi hoti ..haqeeqat haqeeqat hoti hay jisy ajma-e-ummat k "shayby" par na to jhutlaya jasakta hay aur na hi maana ja sakta hay ..:)
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:21st Dec 2011, 9:04am
 

6666 say rajoo karlia hai

maiN nay quran ki kul mash'hoor tadaad 6666 say rajoo karlia hai...above last reply ko dekh laiN ... yahaaN to maiN nay apki bayaan kardah total tadaad say "ittefaaq" kia hai

albattah yeh bhi wazah hai k iss baray maiN kai numbers still maujood haiN... magar iskay bawajood asal QURAN same hai jo on the record hai... chapa howa hai, hifz shudah seenouN maiN hai

Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:22nd Dec 2011, 9:15am
 

quran pak ki taleemat aur hamari bat main abhaam

re "maiN nay quran ki kul mash'hoor tadaad 6666 say rajoo karlia hai...above last reply ko dekh laiN ... yahaaN to maiN nay apki bayaan kardah total tadaad say "ittefaaq" kia hai"

iss baat sy abhaam paida ho raha hay , aik taf aap ka rajou hay dosri tarf aap ka agree karna hay , kia aap jis sy rajo kar rahy hain uss sy agree nahi karty ? ya phir aap jis sy agree karty hain uss sy rajo nahi karna chahty ?

mera iss topic ko start karny ka maqsad har giz koi behas-o-takraar nahi tha , asal main main ny yeh sabit karny ki gharz sy topic start kiya tha k amooman kam ilmi ki bina par aur suni sunayee baton ki base par muslims ka aik "khas" hissa dosry muslims par yeh ilzam laga daita hay k shaid wo quran ko uss halat / tarteeb / ayaat ki tadad k lehaz sy nahi manty jo k majoda dour main majood hay ...

aur yeh ilzam amoonan ahal-e-tashiyo par lagaya jata hay k shaid shia hazrat kisi aysy quran par yaqeen rakhty hain jis ka siry sy wajood hi nahi hay , aur ilzam ki madd main yeh b kaha jata hay k shia quran ki majooda 114 sorton sy ziyada kisi qurani sorton par emaan rakhty hain , yeh b ilzam lagaya jata hay k shia hazrat quran k tarteeb k lehaz sy 30 paron ki bajaye 40 paron par emaan rakhty hain

yeh sab ilzam quran pak ki tahreef ya tarmeem k zumary main aaty hain jo k baghair tehqeeq kiye aur kam ilmi ki base par shia hazrat par laga diye jaaty hain , main ny inhi ilzamaat ko radd aur ghalt sabit karny ki gharz sy yeh topic start kiya hay , ta k wazy ho sky k shia hazrat issi majooda quran par jo k 30 paron ki tarteeb , 114 sorton ki tarteeb aur counting k lehaz sy 6236 ayaat (excluding bissmillah as a verse) aur 6349 ayaat (including bismillah before every sorah) par yaqeen wa emaan rakhty hain , lehaza shia k bary har qisam ki ghalt fehmi mehaz shia dushmani ki gharz sy ilzam trashi wa sazish ka hissa hay ..aik baat

dosri baat yeh maqsood thi iss topic k peechy k hum baghair tahqeeq kiye howy dharra dharr har uss cheez par yaqeen kar laity hain jis par hamary abaa ka yaqeen hota hay , kabi khud sy tahqeeq nahi karty , kabi jan'ny ki koshish nahi karty k jo amal hum anjam day rahy hain aya wo "mustenad" b hain k ya "bator-e-rasam" uss par yaenn hay aur abaa k pairo kaar bany howy hain

teesri baat yeh b hay k counting khaa buhat baad main hoi hay laiken hamara yaqeen wa emaan issi counting par hona chahiye jo k fee zamana majood hay , agar koi iss majooda counting sy ziyada kisi counting par emaan rakhta hay aur jawaz yeh paish karta hay k kuch ayaat jo k numer shumaar k lehaz sy itny hi hain jitny k biyan howy hain laiken ayat k tasalsl main kisi jaga aik aya main 2 batain ki gayee hain iss liye hum uss aik aya ko 2 aya tasleem karty howy kul ayaat 6666 tasleem karty hain

to yeh concept ghalt hay q k jis b mufassir / mudabbar ny quran pak ki majoda ayaat ki numbring ki hay uss ny bilkul theek ki hay , iss main koi b hidden baat nahi k hum 6236 ya 6349 sy ziyada 6666 ayat par yaqeen rakhain , aysa yaqeen bazat-e-khud quran main tahreef ka jawaz paida karta hay , iss type ki tahreef par sab muslims ankhain band kar k amal paira hain aur apny apny "muhally" k molvi sy jo sun rakha hay k shia tahreef-e-quran k qayel hain par shia sy behas dar behas main mashghool hain , jab k agar khud tahqeeq karain to maloom ho k shia nahi balky wo khud tahreef-e-quran k murtikab ho rahy hain

bass isi aik nuqta ko clear karny k liye main nay yahan khud sy mehnat kar k quran pak ki ayaat ki majooda counting ko yahan paish kiya jis par sab muslims ko bila tafreeq emaan hona chahiye , abb jis ko quran ki majooda tarteeb par eman nahi wo khud ko chek kary na k dosron par ilzam lagay

quran utna hi hay jitna nazil howa , aur jitna nazil howa aaj utna hi hamary sab k paas majood hay , iss main koi kami ya baishi nahi hay , sab apni apni maloomat update kar lain..yahi asal quran hay jo kitabi shakal main majood hay , koi hidden quran nhi hay na hi kisi k seeny main aur na hi kisi tahreeri shakal main ,

aik sazish k tehat shia ulema ka name use kar k shia ko badnam kiya geya hay jis par ghair shia mehaz dushmani-e-shia ki gharz sy tahqeeq nahi karty , aur ilzam ko ussi trah agay bharrha rahy hain jaisy wo ilzam sadiyoun sy chala araha hay.



myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:23rd Dec 2011, 3:54am
 

Quran say related aqaid yeh bhi haiN


(۱)
ہمارے پاس مصحف فاطمہ ہے وہ تمہارے (اہل سنت) قرآن سے تین گنا زائد ہے ۔ قسم ہے خدا ئے قدوس کی اس میں تمہارے قرآن میں سے ایک حرف بھی نہیں ۔
(اصول کافی کتاب الحجہ ص ۱۴۶)
(۲)
قرآن کا دو تہائی حصہ غائب کردیاگیا ۔ (اصول کافی ص ۶۷۱) یعنی وہ قرآن جو جبرائیل علیہ السلام محمدﷺ پر لے کر نازل ہوئے تھے ۔ اس میں
سترہ ہزار (۱۷۰۰۰) آیتیں تھیں جبکہ موجودہ قرآن میں ۶۶۶۶ آیات ہیں ۔
(۳)
اصلی قرآن وہ
 تھا جو حضرت علیؓ
 نے مرتب فرمایا تھا وہ امام غائب کے پاس ہے اور موجودہ قرآن سے مختلف ہے ۔ جو آدمی یہ دعویٰ کرے کہ اس کے پاس پورا قرآن ہے جس طرح کہ نازل ہوا تھا وہ کذاب ہے ۔ (اصول کافی ص ۱۳۹)
(۴)
قرآن میں تورات اور انجیل کی طرح تحریف ہوئی ہے ۔
(فصل الخطاب ص ۷۰ از علامہ نوری طبرسی)
(۵)
موجودہ قرآن سے آل محمد کو نکال دیا اور قرآن سے بہت سی آیتیں نکال دیں ۔
(مجلسی حیات القلوب ج ۳ ص ۱۲۳)
(۶)
ہمارے معصوم اماموں کی تعلیمات ، قرآن کی تعلیمات کے مثل ہیں وہ کسی خاص طبقے اور خاص دور کے لوگوں کے لئے مخصوص نہیں ۔ وہ ہر زمانے اورہر علاقے کے تمام انسانوں کے لئے ہیں اور قیامت تک ان کا نافذ کرنا اور اتباع کرنا واجب ہے ۔
(خمینی '' الحکو مۃ السلامیہ ص ۱۱۳)
(۷)
شراب خور خلفاء کی خاطر قرآن کے معنی تبدیل کئے گئے ہیں
(ترجمہ مقبول ص ۲۷۹)
(۸)
سنت کے انحراف کی بناء پر مسلمانوں نے قرآن مجید کی اپنی اغراض کے مطابق تاویلیں اور تحریفیں کیں ۔
(بیت علی مؤلف وضی خان ص ۱۰)

الغرض  کتاب '' اصول کافی '' وغیرہ کی رو سے :۔
(۱)
اصل قرآن امام غائب کے پاس ہے ۔
(۲)
اصل قرآن موجودہ قرآن سے تین گنا ہے اور
(۳)
موجودہ قرآن تحریف شدہ ہے۔
)

واللہ اعلم بالصواب




Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:23rd Dec 2011, 3:34pm
 

quran pak main tahreef ka jhoota ilzam mehaz ilzam hay

myrizvi bro aap ny shaid meri above post ghor sy nahi parrhi main ny wahan already yehi baat ki hay dobara yahan paste karta hon ta k aap daikh lain

yeh sab ilzam quran pak ki tahreef ya tarmeem k zumary main aaty hain jo k baghair tehqeeq kiye aur kam ilmi ki base par shia hazrat par laga diye jaaty hain , main ny inhi ilzamaat ko radd aur ghalt sabit karny ki gharz sy yeh topic start kiya hay

asal masla yeh hay k jo aap ny hawala jaat paish kiye hain yahi to wo sazish hay jis k zariya shia aitqadat par zarb lagayee gayee hay aur shia dushmani ka saboot diya geya hay , jin ulma k name hawala main majood hain inn sab ki tardeed b manzar par ayee thi k ye sab unhon ny nahi likha balky unn k name sy print kiya geya hay magar uss tardeed ko manzar sy ghayb kar diya geya aur wohi ghalt fehmi par mabni literature ko aagy barrhny diya geya

issi k peechy to shia dushmani chupi hoi hay , halan k main ny ooper quran pak ki actual ayaat ki tadaad sorah name k sath likhi hay laiken choun k zehno main wohi literature mahfoooz hay issi liye bar bar yeh samny aata rahy ga , abb iss baat ka jawaz to tabi bar haq hoga jab aaj k dour main shia is bat ka iqrar karain k han wo 40 paron ko manty hain ya majooda quran k ilawa kisi aur quran ko manty hain , jab k aaj tak shia ka aik hi nuqta-e-nazar wa emaan hay k jo quran majood hay bas yahi quran aur yahi nazil howa iss k ilawa bator-e-qurani ayat aur kuch b nazal nahi howa

aaj b kisi b shia k ghar ja kar khud mulahiza kiya ja sakta hay k uss k ghar main konsa quran hay , yaqeenan yahi quran majood hay jo sab k pas majood hay , laiken iss traf kon jaye q k iss trah to abaa sy chali arahi shia dushmani ka end ho sakta ha jo k nafoos ka aik "khaas" hissa nahi chahta
(۶)
ہمارے معصوم اماموں کی تعلیمات ، قرآن کی تعلیمات کے مثل ہیں وہ کسی خاص طبقے اور خاص دور کے لوگوں کے لئے مخصوص نہیں ۔ وہ ہر زمانے اورہر علاقے کے تمام انسانوں کے لئے ہیں اور قیامت تک ان کا نافذ کرنا اور اتباع کرنا واجب ہے ۔
(خمینی '' الحکو مۃ السلامیہ ص ۱۱۳)

asal baat yeh hay k imamat khuda ka nazal karda nazam hay jo iss nazam sy marboot hi nahi ussy iss nazam main kabahat hi nazar aati hay iss liye wo imamat k khudayee nazam par tanqeed aur ilzam lagany ka koi moqa hath sy nahi chorrta , jab imamat par yaqeen hi nahi to phir aysi baton ko samjhaana zara mushkal hay

insan k liye deen super natural magar insan ka deen lainy ka zariya un natural ho yeh mumkin hi nahi , yehi to wazy farq hay jo shia aur ghair shia main hay , shia means followers , abb jo deen ka true follower hay aur deen ko super natural b tasleem karta hay wo deen ki taleemaat b super natural aur ayn khudayee nazam k tehat hi lay ga , aur jo true follower hi nahi sirf follower ka "labaas" pehan rakha hay wo deeni tashreehat b "idhar udhar" sy hi lay ga , lehaza uss k liye yeh baat samjh sy baala tar hay

abb jo ahal-e-sunnat main ayma ka falsfa hay wo b khudayee falsfa imamat sy alag hay , juda hay , mukhtilaf hay , ahal-e-sunnat k nazdeek jo ayma hain wo dar haqeeqat fiqhi rah'numa hain yaani deen k apni basaat k mutabiq tashreeh daan hain , wo imam nahi hain unhain deeni mjtehad kaha ja sakta hay jab k imamat ka falsfa iss baat sy buhat alag hay , imamat allah ny nazal ki hay aur imam allah k hukam sy hi zahoor pazeer hota hay jis trah ambiya (a.s) mahboos kiye gaye hain , dunia main aakar imam nahi banta , yeh alahi nazam hay jis ko aik do paragraph main samjhana mushkal hay

baqi rahi quran pak ki baat to main dobara yahi kahon ga k jitna quran nazal howa aaj utna hi sab muslims k paas hay , is majooda quran sy ziyada ya kam ya hidden quran nahi hay.
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:24th Dec 2011, 2:53am
 

diplomate bhai say chand sawalaat

agar ap bora nah maanaiN to ap say chand sawalaat karoun...

1. fiqah jafarya /shia mazhab maiN "asooli kafi" ka kia moqaam hai. kia ahlay tashyee /fiqah jafaryah walay... osoolay kafi maiN darj batouN par imaan rakhtay haiN???

2. agar jawaab haaN maiN hai to kia osoolay kaafi shia awaam ki dastras main hai...yani jo chaahay issay hasil karkay paRh sakta hai k ismaiN kia likha howa hai

3. kia apnay kabhi osoolay kaafiparhi hai... ooper k "ilzamaat" osoolay kaafi say with reference darj haiN ... to kia osoolay kaafi maiN Quran say related likhi gayee baat ghalat hai???

4. agar ossolay kaafi k jaali editions non-shias nay shia dushmani main published kiyeh haiN (jinmaiN above matters add kar diyeh gaye haiN) to authenitic aur asal nuskha kaunsa hai, kab print howa, kahaaN print howa aur kahaaN dastyaab hai??? kia ap nay ASAL aur NAQAL osoolay kafi donouN ko zati taur par dekha hai???

maqsood koi bahas /debate nahi hai... agar to the point in 4 sawaalouN ka jawaab ap dena chahain to zaroor daiN agar nah dena chahaiN tobhi apki marzi ... mujhay zaati taur par koi maslah nahi hai...lekin beshtar non-shia muslims k zehnouN maiN yeh sawaalaat maujood haiN...agar ap onkay jawaabaat dengay to non-shias muslims shia mazhab ko behtar taur par samajh sakengay

Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:25th Dec 2011, 2:05am
 

Q and A ..myrizvi bro k liye

re "agar ap bora nah maanaiN to ap say chand sawalaat karoun..."

g sure :)

re "1. fiqah jafarya /shia mazhab maiN "asooli kafi" ka kia moqaam hai.

buhat muqam hay :)issi trah jaisy ghair shia main saha-e-sitta ko muqam hasil hay :)

re "kia ahlay tashyee /fiqah jafaryah walay... osoolay kafi maiN darj batouN par imaan rakhtay haiN???"

yaqeenan :) bilkul issi trah jaisy non shia saha-e-sitta par emaan rakhty hain :)

re"2. agar jawaab haaN maiN hai to kia osoolay kaafi shia awaam ki dastras main hai..."

g haan bikul dastars main hay laiken aik baat zaror karon ga aur karny main qabahat b nahi samjhta k hum sab insan khaa kisi b sect sy hon kutab beeni zara kam hi karty hain , iss liye k hum sab ko jitna jitna parrha diya geya hay ya parrhayee k doran jitna jitna b zair-e-nazar aa chuka bass ussi par iktefaa kiye howy baithy hain :) main ny amoomi baat ki hay :)

re "yani jo chaahay issay hasil karkay paRh sakta hai k ismaiN kia likha howa hai"

g bikul jis ka dil chahy wo kutab khany jakar inn books ko khareed sakta hay , inn ka mutaleya kar sakta hay :)

re "3. kia apnay kabhi osoolay kaafiparhi hai...

g kuch kuch read ki hay ya kisi alim sy suni hay , laiken tamam nahi parrhi ..isy aap meri kamzori keh lain :) bilkul issi trah k jaisy yahan forum par aksar members saha-e-sitta sy references to mangty hain , ya wahan sy koi hadees to quote karty hain laikn khud tamam "majmoa-e-ahadees" kabi parrha nahi hota , even khud referred karda hadees b kitaab sy nahi parri hoti yaheen net sy li hoti hay ya kisi sy suni hoti hay :) bass issy meri kam ilmi samjh lain k main ny b asool-e-kaafi ko mukamal nahi parrha:(

re "ooper k "ilzamaat" osoolay kaafi say with reference darj haiN ... to kia osoolay kaafi maiN Quran say related likhi gayee baat ghalat hai???"

main already arz kar chuka hon k zamany k taghyu'raat ny deen main buhat si tarameem kar di , jin ki ahal-e-ilam khoj lagaty hain aur tehqeeq karty hain , aur asal deen ko talash karty hain , magar awam-un-naas ka kaseer hisa , khaa shia ho ya non shia tehqeeq karna apni zuma daari nahi samjhta aur dosron ki hi "ikhterahaat" ko kulli samjh kar uss par amal pera rehta hay , iss liye buhat soon ko to maloom hi nahi hota k haqeeqat kia hay aur "libas-e-haqeeqat" kia hay , aysy log saari zindagi haqeeqat par parry howy "niqab" ko alag nahi kar sakty aur "niqab shuda haqeeqat" ko hi haqeeqat manty rehty hain

yahi niqab inn hawala jaat main b dala geya hay jo k iss kitab k musanaf ya muhaqaq ki tahreer k buhat baad main edit kiya geya laiken choun k uss time parrtal k wasee zaraye majood nahi thy iss liye joon ka toon hi baaz editions main chala araha hay laiken kuch editions main aysi khurafaat ka safaya kar diya geya hay magar unn ko abb koi b anti shia ya ghair shia man'ny ko tyaar nahi hay..khair aap itminan rakhain k main bator-e-shia issi majoda quran ka qayel hon jo aaj kitabi shakal main hamary sab k pas majood hay :)

re "4. agar ossolay kaafi k jaali editions non-shias nay shia dushmani main published kiyeh haiN (jinmaiN above matters add kar diyeh gaye haiN) to authenitic aur asal nuskha kaunsa hai, kab print howa, kahaaN print howa aur kahaaN dastyaab hai???"

jab yeh sab ulma / muhaqaq / mufassir (shia , ghair shia) apny work main mashghol thy to uss time arb k chand hiisson k siwa poori dunia main kaheen b islamic mater print nahi hota tha , ziyada tar "byroot" (Labnan) , "qayhra" (Miser Egypt) yaa Labia waghaira main kaam hota tha , above mat'bo'aat b inhi kisi ilaqon sy printed shuda hay , taham iss k bad azan editions "Lakhnou" (India) "Karachi , Lahore" (Pakistan) smait deegar mumalik sy b hain , aur iss time to Iran main b kasrat sy print / publish ho rahi hay ..abb to pakistan sy b easily dastyaab hay :)

re "kia ap nay ASAL aur NAQAL osoolay kafi donouN ko zati taur par dekha hai???"

zaati tour par to nahi daikha , laiken jab banu umiya , banu abbas (dono dushman-e-ahal-e-bait) ka dour-e-hakoomat tha tab yeh sazish hoi thi , laiken sath hi tardeed b ayee magar tardeed to wo maany jo "shia" ka wajood maany , jo "shia" ka wajood hi tasleem nahi karta aur "shia" k khilaaf sazish kar k aysa "muwaad" shia literature k unwaan sy publish karta /karwaata hay wo kisi b dour main haqeeqat ko samny nahi aany day , agar haqeeqat samny aa b jaye gi to uss sy mutanaffar karny ka mansooba banaye ga

wazhy rahy k jis trah non shia muslims saha-e-sitta ko muatbar tasleem karty hain iss trah shia muslims ki b ahdees k majmo'aa aur fiqhi ilam par munahassar 4 kitabain hain , jinhain kutab-e-arba k name sy jana jata hay

1) Man yahzural faqeeh 2) Al-Is'tabsaar 3) Tahzeeb-ul-Ahkaam 4) Asool-e-kaafi

yeh kul shia fiqah ka majmoha hay , uss trah jaisy non shia k paas saha-e-sitta hay laiken afsoos yeh hay k aaj tak aam shia b apni fiqha k iss majompye sy waqif nahi hain , jis trah ghair shia ny sirf saha-e-sitta ka name sun rakha hay agar unhan kaha jaye k yahan unn 6 kutab k name hi likho to unn k liye itna hi mushkal ho ga chy jay k wo inn books ko read karain ..

myrizvi bro aik baat aap zaroor tasleem karain gy aur main ny aap ki baishtar posts sy read b ki hoi hay k saha-e-sitta main b kul ahadees ka majmooa authentic nahi hy , uss main buhat sa "muwaad" ghair mustenad hay , majhool hay , sikkal nahi hay etc etc iss liye k ussy aik aam insan ny muratab kiya jo k na to Nabi hay na hi uss k paas alham ki quwat hay , issi trah shia kutab-e-arba b aam insano ny muratab ki hain inn main b kami baishi ka imkaan ho sakta hay , chahy muratab knidgaan ny intahayee ihteyaat aur mehnat sy kaam liya hay ...phir b yeh koi alhaami kutab nahi hain just "alhamaat" ka majmoha hain jis trah sahee buhari , tirmizi , sahee muslim waghaira "alhamaat" ka majomoa samjhi jaati hain :)

re "lekin beshtar non-shia muslims k zehnouN maiN yeh sawaalaat maujood haiN...agar ap onkay jawaabaat dengay to non-shias muslims shia mazhab ko behtar taur par samajh sakengay"

g main ny koshish to apni taf sy ki hay , aagy samjhny waly ki marzi :)
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:25th Dec 2011, 2:53am
 

Jaak Allah Diplomate bro

masha Allah apnay baRi "deyanat.daari" say non-shia k zehnouN maiN (not me:) maujood sawaalaat k jawaabaat diyeh... maiN iskay liyeh apka tahay dil say mamnoon (mash.koor nahi:) houN.

amooman non-shias (NOT me:) ka yeh kahna hai k koi shia jab bhi shia books k "mondarjaat" par honay wali tanqeed ka jawaab deta hai to woh "taqayyah" ki chadar oRh kar aisa karta hai...lekin maiN ap jaisay ahlay ilm shakhsiyat ki niyyat par shobah nahi kia kartaa ... aur apki on-the-record sari batouN ko tasleem karta houN.

bus apsay meri aik "zati guzaarish" hai (jiska yahaaN jawaab dene ki bhi zaroorat nahi) k jin "imaanyaat" ka ap yahaan izhaar kar rahay haiN... onki "tasdeeq" k liyeh kam az kam osoolay kafi ka barahay raast (kissi molvi ki zobani nahi, nah hi onki tashreeh k saath) study zaroor karlijyeh gaa... iss dunyaa say "rukhsat" honay say qabal (Allah apko taweel omar ataa karay) zaroor motaale'a karlijyeh gay taakay kal rozay hashar Allah k saamnay "jawab.dahi" maiN aasaani ho.

yeh baat maiN ossolan har mazhab o deen k paRhay likhay aur samajh.daar logoun say kahta houN k ap jiss deen (hindu, eesayee, sikh etc etc) ya mazhab (shia, sunni, barelwi etc) sya bhi talluq rakhtay houn... apnay mazhab /den ki original books ko direcltly zaroor paRh kar dekhaiN k iss main kia kia maujood hai...jiss par ap aankh band karkay imaan rakhtay haiN... ain mumkin hai k apko marne say qabal apnay imaan maiN "islaah /correction" ki zaroorat pesh aa jaa.ay

PS: ossolay kaafi ki had tak mera yeh ainul yaqeen balkay haqqul yaqeen hai k nikkay praa diplomate k bayaan kardah imaanyaat o etqaadaat k osoolay kaafi k bayaan karday etqaadaat say (amooman) bil.aks (opposite) talluq hai :) kiyouNkay maiN nay issay achi tarah paRha howa hai... aur yeh bhi jaantaa houn k meray bahoot say shia dostoun ko koshish o besyaar k bawajood onkay "buzurgouN" nay osoolay kaafi parhnay k liyeh nahi dia aur woh yeh kahnay par majboor hogayee k yeh aik "naayaab book" hai ab easily nahi milti (agar woh "sahih" kah rahay thay to)

thanx again diplomate brother...omeed hai k ap meri zaati request ko zati taur par sanjeedgai say lengay...kiyouNkay k ham sab nay apni apni qabar main jaa kar apna apna hisaab khud dena hai, wahaaN hamari madad /hemayat k liyeh hamara koi molvi /allama saath nahi hogaa...balkay woh khud apna apna hissab de raha hogaa... so aj ham kiyouN apnay alllamah /molvi ki "iss baat" main aayain k quran ohadees ko direct nah paRho balkay meri zobaani suno aur just meri baatoun par imaan lay aa'o (nauzobillah)

Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:25th Dec 2011, 3:39am
 

thanks wadda praa g

re "masha Allah apnay baRi "deyanat.daari" say non-shia k zehnouN maiN (not me:) maujood sawaalaat k jawaabaat diyeh... maiN iskay liyeh apka tahay dil say mamnoon (mash.koor nahi:) houN."

ahahah brother double double batian na kiya karain iss trah emaniyaat aur amliyaat main tazaad aajata hay , apny zehan ko aik tuk lagany ki koshish karain , Naa main yaa Haan main ...:)lol iss trah deen-o-duniya main asaani rahy gi . q k confused banda 2 kashtiyon k sawar hony k mafaq darmyan main hi latka rehta hay ...:)

re "thanx again diplomate brother...omeed hai k ap meri zaati request ko zati taur par sanjeedgai say lengay...kiyouNkay k ham sab nay apni apni qabar main jaa kar apna apna hisaab khud dena hai, "

ji sure , main aap ki request par already amal pera hon , aur aaj iss age main main jis andaz sy shia taleemat ko samjh raha hon , aur maktab-e-ahal-e-bait ki haqaniyanat sy waqif ho raha hon aur mazeed hony ki koshish main hon wo aaj sy pehly kabi na tha..

aap yaqeen karain k deen islam ko main aysy hi super natural deen nahi kehta mery iss "word'" k peechy ahal-e-bait ki taleemaat ka asar hi hay , iss liye main aap sy b request karon ga k aap majooda dour khasosan pakistan k "shia" ko daikh kar "shia" par comments karny ki bajaye ayn shia taleemat jo k makatab-e-ahal-e-bait sy hain ka mutayleya karain , aap ko haqul yaqeen tab hoga k islam ko ayn fitri deen q kaha jata hay

abi tak to sirf suni sunai baton k tehat aap main aur hum sab deen ko fitri deen samjh rahay hain kia hi acha ho agar hum sab taleemat-e-ahal-e-bait ko parrain aur gehrayee main ja kar shafaaf mutaleya karain to haqeeqat main pata chaly k deen islam waqiya hi super natural deen hay ..magar log apni apni "daidhrr daidhrr eent" ki masjad sy bahar hi nahi niklana chahty :)

allah ki qasam deen islam haqeeqi ayn fitri deen hay aur yeh baat ahal-e-bait k maktab ko study karny sy hi pata chalta hay , allah ki hikmton k raaz khulty hain , allah k "pure" k hony ka ihsaas hota hay , deen ki asal sooj bhooj aati hay , kabi koshish to karain k taleema-e-ahal-e-bait ka mutalya kiya jaye

iss k liye aap Hazrat Ali (a.s) k khutbaat par mabni kitab Nahaj-ul- Blagha ko read karain , iss sy aap ko quran pak ki asal tafseer maloom hogi , aur pata chaly ga k islam ny insan k liye jo define kar rakha hay hum sab uss sy kitny door hain

khair wadda praa g aap ka thanks k aap ny meri itni lambbi post ko parrny ki zehmat ki :)

@alirajput

khoob brother , aap ny theek theek saha-e-sitta k name likhy hain ..aap ko inaam main aik shampoo ki bottle di jaati hay ...mubarik ho :)
Ibn E Adam Group: Members  Joined: 22nd Dec, 2011  Topic: 1  Post: 37  Age:  32  
Posted on:25th Dec 2011, 9:56am
 

myrizvi

mujhay is puray topic ki samjh nhn ai

senior member diplomate ne is se kia sabit kerna chaha hai

yani musalman jo kehte hain k quran main 6666 ayat hain to kya hum jhoote hain

aur jo kuch shiya kahain wohi sahi hai

jo hawale ap ne diay hain ye kitabain konse firqe ki hain pleas btain

main shiyas k bare kuch janta hun lekin koi manta nhn

main ne kai mjlisain bhi atend ki hain aur zakir kehta hai k quran main surtain kam hain aur kai surton ka hawala bhi deta hai jo humare quran main nhn

main taqriban shiya ho chuka tha lekin phir bach gaya is liye mujhe andaza hai k ap ne jo kuch kaha hai sahi hai

itna ilam nhn lekin phir bhi ap ki baton ki to tasdiq ker sakta hun k suni hui hain

Mufti Group: Members  Joined: 10th Oct, 2011  Topic: 5  Post: 775  Age:  40  
Posted on:25th Dec 2011, 2:18pm
 

Ibn e Adam

Mera nahi khayal k yahan per kisi ne shia/sunni ki baat ki hai...

Meray khayal se aap ne @Diplomate ki posts nahi perhein balkeh sirf unn ki ID dekh ker baat ki hai kiun k aap ko ilm hai k woh shia aqeeda se hain...

Unhon ne aisi koi baat nahi ki k shia kiya aqeeda rakhtay hain balkeh unhon ne total tadaad bataye hain ayaat ki jin ko myrizvi sahab ne bhi tasleem kiya hai...

Agar aap ko Diplomate sahab ki baat se ikhtelaf hai to aap khud se ayaat ko count ker k yahan bata dein...

Aur yahan myrizvi sahab ne kafi achi baat ki k Quran tahreeri nahi balkeh taqreeri nazil hua jis ko baad mein kitabi shakal di gaye...

Ab unn ko 6666 ayaat bana di gaein ya 30 paray bana diye gaye to yeh Quran k nazool ka hissa nahi tha lakin itna zaroor kahon ga jitna bhi Quran aaj mojood hai shia ka aqeeda hai Quran utna hi nazil hua aur utna hi mojood hai...

Baqi baat tahreef ki to meray bhai yeh to her firqa ki books mein mojood hain agar aap apni books hi perh lein specially allama sayuti jo ahl sunnah k mashoor schoolr/writer thay unn ki book al itteqan perh lein to aap ko tahreef k baray mein hazrat umar,hazrat ayesha aur hazrat ibn umer jaisay mashoor loagon se tahreef k iqrar ki riwayaat mojood hain...

Yeh alag baat hai k shia aqeeda mein jo riwayaat mojood hain unn ko hamaray scholars ba-ittefaq zaeef mantay hain...

Lakin bohat hi ajeeb baat hai k ilzam hamesha shia aqeeda per hi lagta hai lakin shia aqeeda ne kabhi sunni aqeeda per iss terha ilzam nahi lagaya jab k unn ki books tahreef k aqeeda se bhari pari hain...uss ki wajah sirf yeh hai shia ba-shaor hain aur woh zaeef riwayaat ko base bana ker kisi per ilzam nahi lagatay...

Ibn E Adam Group: Members  Joined: 22nd Dec, 2011  Topic: 1  Post: 37  Age:  32  
Posted on:25th Dec 2011, 3:37pm
 

aqida

irrelevant post edited




Mufti Group: Members  Joined: 10th Oct, 2011  Topic: 5  Post: 775  Age:  40  
Posted on:25th Dec 2011, 5:00pm
 

Ibn e Adam

irrelevant post edited




Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:25th Dec 2011, 7:35pm
 

aik misaal

irrelevant post edited


Ibn E Adam Group: Members  Joined: 22nd Dec, 2011  Topic: 1  Post: 37  Age:  32  
Posted on:26th Dec 2011, 6:30am
 

ghas

ji han mufty sahib ap ghas diplomate ko dalain kiunk ghas kon khat ahai ap jante ho

diplomate

ap jo ho wohi raho mujh s ena uljho ap ki meharbani ho gi

myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:26th Dec 2011, 6:44am
 

Ibn E Adam, Mufti, Diplomate bros

ap sab say guzaarish hai k baham guftagoo kartay howay ikhaalqiyaat ka daaman hath say nah choRaiN. ikhtelafay roy ka izhar har koi kar sakta hai... magar tahzeeb k dairay maiN... darj balaa qism ko guftagoo delete bhi hosakti hai

For More Detail Click On Page No: 1 2  >>
 
 
 
Pakistani Student In Michigan University Usa  Medical School Admission Story  Bangladeshi Community Celebrating Canada Day In Toronto

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
Pakistani Urdu Magazine Pakistani Matrimonial Seo In Urdu World Information Pakistan Information Sehat In Urdu
© Copyright 2003-2017 www.noorclinic.com, All Rights Reserved Contact UsLast Updated: 28th March 2013