Forum.Noorclinic.com
Noor Clinic Pakistan Forum

pakistani matrimonial
 
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Quran & Hadith Download
 
Warning: This Website is not for people less than 16 years of age. Please exit
 
36559 Aurat Ka Khussa Shoes
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
New Topics (General)
Recent Reply (General)
Social Problem
    Start New Topic  My Profile
 

Mayyat Ko Ghusl Dene Ka Tariqa

Religion and Culture   >>   Religious Questions
 
Noor Clinic Forum Rule
 
 
 
Usma1 Group: Members  Joined: 11th Jan, 2013  Topic: 28  Post: 189  Age:  19  
Posted on:20th Sep 2013, 6:23am
 

Mayyat Ko Ghusl Dene Ka Tariqa

Aslam o alikum  Myrizvi bhai ya (Uncle) kesa he ap umeed karti ho ka theek hi ho ga or mari dua he ka Allah apko theik or sahi salamat hi rahey ( nhi to mara question ka answer kon da ga hahaha) sory myrizvi bhai ek question he wo ya ka urad ki mayiat ka gussal ka faraiz kya he zara tetail sa batye or gussal dena ka sahi trika kya he  or jab unki  death ho jati he to unka kan ka pas ja kar ya khana ka tum muslman ho tumhara deen islam he or kalma pharna sahi he kya wo sun rha hota he kya hamary es thra bolna sa usa ya sab yad rhey ga kya wo en sawalo ka jawab da sakey ga jo ham usa bata rhey ho  or kya kesi urad ko menses ka din ho to wo mayiat ka pass ja skti he or aksar Surat Mulk ,Surat Bakra or yaseen log mayiat ka pass pharta he ya gussal dena ka bad pharni chyia ya gussal dena sa phela bhi phar skta he  nd last question ya ka urad menses ka days ma tassbi hath ma la kar phar skti he tassbi ko pakkr skti he ya nhi   


myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:20th Sep 2013, 7:01am
 

mayyat ko ghusal dena

Walikum Assalam

1. Myrizvi bhai ya (Uncle) kesa he ap umeed karti ho ka theek hi ho ga or mari dua he ka Allah apko theik or sahi salamat hi rahey ( nhi to mara question ka answer kon da ga hahaha)

- duaouN ka bahoot bahoot shokarya... ap bhai kahaiN ya uncle, donouN ehteraam rishtay haiN... mujhay donouN pasand haiN

2. ek question he wo ya ka urat ki mayiat ka gussal ka faraiz kya he zara tetail sa batye or gussal dena ka sahi trika kya he

- Iska sawaal ka jawaab alag say post karta houN

3. or jab unki death ho jati he to unka kan ka pas ja kar ya khana ka tum muslman ho tumhara deen islam he or kalma pharna sahi he kya wo sun rha hota he kya hamary es thra bolna sa usa ya sab yad rhey ga kya wo en sawalo ka jawab da sakey ga jo ham usa bata rhey ho

- jab rooh insaan k jism say nikal jati hai tab iss qism ki "hedayat" mayyat ko koi faidah nahi pahoncha sakti... yeh sab bataiN to qareebul.marg ko bhi nahi kahni chahiyeh.... jab maut ki kafiyat shooroo hogayee to agar onkay saamnay koi maujood ho to just kalimah tayyabah ka wird karay, etni awaaz say k woh sun sakay... oss say nah kahay k woh paRhay... marnay walay ko ya mayyat ko iss taarh kuch kahnaa ahaadees say saabit nahi hai...

4. kya kesi urad ko menses ka din ho to wo mayiat ka pass ja skti he

- yes jaa sakti hai... balkay aisi khatoon bhi zobani kalimah ka wird kar sakti hai...takay marnay wala sun lay aur ossay sahoolat ho to oska aakhri qaul kalemah tayyabah rahay.


5. or aksar Surat Mulk ,Surat Bakra or yaseen log mayiat ka pass pharta he ya gussal dena ka bad pharni chyia ya gussal dena sa phela bhi phar skta he

- mujhay sirf soorat yaseen k baray maiN aik hadees maloom hai k Nabi kareem saw nay farmayaa k tum apnay marnay walouN kpass soorat yaseen paRha karo ... to qareeb.ul.marg fard ya mayyat k aas pass

6. last question ya ka aurat menses ka days ma tassbi hath ma la kar phar skti he tassbi ko pakkr skti he ya nhi soorat yaseen paRhi jasakti hai...ghusal say pahlay bhi aur baad maiN bhi

- menses days maiN aurtaiN kia nahi karsakteeN (1) namaaz nahi paRh sakteeN (2) rozah nahi rakh sakteeN (3) khana kaabah ka tawaaf nahi karsakteeN aur (4) shauher k saath nahi karsakteeN (forplay is allowed)... iskay elawah woh sab kuch karsakti hai...jaisay Hajj maiN tamaam arkaanay Hajj ada karsakti hai (just tawaaf ko delay karday)... quran paRh sakti hai aur paRha bhi sakti hai...khawateen k madarsouN maiN taalebaat aur lady teachers makhsoos ayyam maiN quran paRhna paRhana band nahi karteeN... just yeh ehteyaat karti haiN k mashaf quran ko haath ki bajaa.ay kissi kapray say pakaRti haiN...halaanaky iss "ehteyaat" ki bhi koi sharayee hukm maujood nahi hai... masjid e Nabwi saw aur hazrat Aisha Ra ka hujra saath saath thaa...aik martabah Nabi kareem saw nay ommol momeneen say farmaya k mujhay masjid say jaa.ay namaaz pakra do...aap RA nay jawaab dia k maiN to menses say houN (yani aisaa kaisay karouN) to aap saw nay farmayaa k menses tomharay haathouN maiN to nahi hai


7. OR ya ka Ahad nama aksar log maiyat ka seena ka sath laga kar dafan karta he to kya esa karna theik he

- yeh quran ki sara sar bay adbi hai... qabar k ander koi aayat ya soorat nahi rakhni chaahiyeh aur nah hi qabar k ooper katebay maiN bhi qurani ayaat likhni chaahiyeh. makkah madeenah k mobarak qabristanouN maiN aisi koi biddat nahi hai... waisay bhi mordah ki lash gal saR jati hai, issay keeray makoRay khatay haiN...wahaaN quranic auraaq rakhna quran ki bay adabi hai...karnay wala to gonaah gaar hoga hi, mayyat ko bhi gonaah milega, agar ossnay aisi koi wasiyyat /khahish ki ho to

wallaho aalam bissawab

ghuslay mayyat ka tareeqah
read below 2 links:

http://www.thefatwa.com/urdu/questionID/357/%D9%85%DB%8C%D8%AA-%DA%A9%D9%88-%D8%BA%D8%B3%D9%84-%D8%AF%DB%8C%D9%86%DB%92-%DA%A9%D8%A7-%D8%B7%D8%B1%DB%8C%D9%82%DB%81-%DA%A9%DB%8C%D8%A7-%DB%81%DB%92/


http://faizeraza.net/forum/showthread.php?5855-%D9%85%DB%8C%D8%AA-%DA%A9%D8%A7-%D8%BA%D8%B3%D9%84-%D9%88-%DA%A9%D9%81%D9%86
Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:21st Sep 2013, 7:51am
 

mayyat ko ghusl dene ka tarika

Murdy k kan main kuch kehna
re "or jab unki death ho jati he to unka kan ka pas ja kar ya khana ka tum muslman ho tumhara deen islam he or kalma pharna sahi he kya wo sun rha hota he kya hamary es thra bolna sa usa ya sab yad rhey ga kya wo en sawalo ka jawab da sakey ga jo ham usa bata rhey ho"

Medical science sy sabit ho chuka hay k insan ki death k baad ahista ahista uss k azaa ki death hoti hay , sab sy pehly dil , phir demagh , phir kan , ankhain etc

issi liye to marny k bad b (aik mehsoos waqt tak ) kisi insan ki aankhain dosry ko donate / mutqal ki jaa sakti hain , even abb to dil tak transplant kiye jaa sakty hain issi trah abb to jigar ki pewand kaari b mumkin hay

inn sab baton sy yahi sabit hota hay k insan k azaa aik aik kar k marty hain , aur jab tak insan k azaa zinda hoty hon wo beroni awazon ko sun rahy hoty hain aur samjh b rahy hoty hain , laiken choun k hukam-e-rabbi sy unn k andar sy rooh nikal chuki hoti hay iss liye wo sab azaa koi response nahi day paa rahy hoty , ya response day nahi sakty

Allah ta'ala ki zaban , Islam ki zaban Arabic hay , issi liye Allah ny apna kalam b Arabic main nazal kiya , tamama ambiya sy kalam b Arabic main kiya , aur marny k baad har insan sy qabar main sawal o jawab b Arabic main kiye jaien gy , yaani marny k baad har insan ki zaban Arabic ho jaye gi , khaa wo zindagi main kisi b mu'ashry ya linguistic area sy taluq rakhta ho

lehaza jab aik musalman insan mar jata hay to uss ko Arabic main talqeen ki jaani chahiye , aur yeh talqeen ki b jaati hay k uss ny qabar main kia kia jawab dainy hain , abb agar wo insan zindagi main bury amaal karta raha hay aur zindagi main sachi toba nahi kar saka to ussy uss ki saza zaror milay gi , laiken bawaqt-e-mout ki gayee talqeen uss ko sawal jawab samjhny main asaani paida kary gi
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:21st Sep 2013, 2:44pm
 

mayyat ko ghusl dena

Diplomate Bhayya
1. lehaza jab aik musalman insan mar jata hay to uss ko Arabic main talqeen ki jaani chahiye , aur yeh talqeen ki b jaati hay k uss ny qabar main kia kia jawab dainy hain

Ans: yeh to maiN pahli baar sun rahaahouN k morday ko talqeen ki jani chahaiyeh aur woh bhi arabic maiN ... kia yeh ahlay tash'ee mazhab maiN aisa kia jata hai??? ahlay sunnat wal jamaa'at maiN toaisi koi rewayat nahi hai... bahar kaif apna apna maslak hai...har aik ko apnay apnay maslak k motaabiq amalkarnay ka ikhteyaar hai

2. abb agar wo insan zindagi main bury amaal karta raha hay aur zindagi main sachi toba nahi kar saka to ussy uss ki saza zaror milay gi , laiken bawaqt-e-mout ki gayee talqeen uss ko sawal jawab samjhny main asaani paida kary gi

Ans: ahlay sunnat maiN yeh taleem to maujood hai k agar koi qareebul marg ho to oskay saamnay kalimah tayyabah ka wird kia jaa.ay ... takay marnay walaa agar issay dohraaday to yaqeenan iska ossay faidah hoga k oski zobaan par aakheri kalimah, kalimah tayyabah hoga/... lekin iskay bawajood ossay kalimha paRhnay ki talqeen nahi karni chahiyeh k damay marg insaan sakht tareen takleef say gozar raha hota hai... agar iss takleef maiN khoda nah khaastah osnay kalimah paRhnay say inkaar kardia to oski mushkilaat maiN izafah hosakta hai

wallaho aalam bissawab
Maryam Group: Members  Joined: 17th May, 2008  Topic: 27  Post: 4676  Age:  30  
Posted on:21st Sep 2013, 3:32pm
 

mayyat k masail

nice thread by topic starter k aise sawal bhi bohat aham hotay haiN jin k jawab jan.na zaroori hae. mujhay bhi iss hawalay se poochna hae

1. agar koi faut hojaye to uss k ghar waloN k liye zaroori hae k ussay apnay haq muaf kiye jayeN ya specially kaha jaye k maine tumhaiN apna haq muaf kiya ? keh dena zaroori hae ya sirf dil maiN muaf karnay ki niyat kar lena bhi Thek hae ?

2. jab koi aurat faut hoti hae to uss ka husband uss k janazay ko kandha nahi deta. sirf baqi k mehram rishtay janazay ko kandha detay haiN. kiya aurat ki death k sath hi uss ka shohar se har rishta khatam hojata hae yani abb us ka husband us k liye na.mehram shumar huwa ?

myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:21st Sep 2013, 3:51pm
 

sawal jawab: mayyat ke masail

1. agar koi faut hojaye to uss k ghar waloN k liye zaroori hae k ussay apnay haq muaf kiye jayeN ya specially kaha jaye k maine tumhaiN apna haq muaf kiya ? keh dena zaroori hae ya sirf dil maiN muaf karnay ki niyat kar lena bhi Thek hae ?


Ans: ham amooman aikdoosray ka haq talf kartay hi rahtay haiN aur aksar hamaiN yaad bhi nahi rahta k ham nay kissi ka haqq maaraa tha... agar maut say qabl ham nay haqooq ul ibaad ki adaa.e.gi maiN kotaahi ki haito Alalh bhi hamaiN yeh maaf nahi karegaa aur rozay hashar hamaiN iskay payment bah soorat apni naiki karni paRegi yaa doosray ka gonaah lena paRega, haqiooq kewaz... lehaza yeh afzal baat hai k hamaiN yaad ho yaa nah yaad ho ... marhoom ki aisi tamaam "haqtalfiyaaN" maaf kardaiN ... dil maiN bhi karsaktay haiN lekin majlis maiN ahsan tareeqay say agar boland awaaz say kardaiN to behtar hoga takay doosrouN ko bhi aisa karnay ki yaad dahani hojaa.ay aur mordah kam az kam iss qism k haqooq ul ibaad k bojh say azaad hojaa.ay


2. jab koi aurat faut hoti hae to uss ka husband uss k janazay ko kandha nahi deta. sirf baqi k mehram rishtay janazay ko kandha detay haiN.


Ans: g nahi aisi koi pabandi nahi hai... aurat k janaazay ko to deger naa.mahram bhi kaandha day saktay haiN... shauher ya saabiq shauher bhi day sakta hai... albattah oski dead body ko khandaan k mahram mard qabar maiN otaaraiN to yeh afzal hai... mahram mard (baap, bhai, beTa etc) nah ho to koi bhi osay lahad maiN otaar sakta hai


3. kiya aurat ki death k sath hi uss ka shohar se har rishta khatam hojata hae yani abb us ka husband us k liye na.mehram shumar huwa ?


Ans: g haaN ... biwi k martay hi, woh apnay sabeqah husband k liyeh naa.mahram ban jaati hai ... iss liyeh k mardouN k liyeh koi iddat period nahi hai :) aur agar fauri zaroorat ho to aisa mard biwi kmartay hi,oskisagi bahan say nikaah bhi karsakta hai


shauher apni marhoomah biwi ka chehra to dekh sakta hai, lekin issay haath nahi lagaa saktaa aur nah hi ghuslay mayyat day sakta hai... agar ghuslay mayyat denay k liyeh koi aurat dastyaab nah ho to shauher ossay tayammum karaa day


doosri taraf biwi apnay marhoom shauher ko haath laga sakti hai k woh iddat maiN hoti hai... iss liyeh agar koi mard oskay marhoom husband ko ghuslay mayyat denay k liyeh nah milay to woh apnay marhoom husband ko ghuslay mayyat day sakti hai... jaisay hazrat Abu bakr RA ko onki zaujah mohtarmah nay ghuslay mayyat dia thaa...


waisay aam osool yehi hai k aurat ki mayyat ko aurtaiN aur mard ki mayyat ko mard ghusal daiN


wallaho aalam bissawab





Maryam Group: Members  Joined: 17th May, 2008  Topic: 27  Post: 4676  Age:  30  
Posted on:21st Sep 2013, 4:05pm
 

mayyat ko ghusl dena: sawal jawab

kafi time pehlay aik thread yahaN discuss huwa tha. mujhay site map maiN mila nahi. uss maiN kaha gaya tha k agar aurat faut hojaye aur koi ghusal denay wala na ho to uss ka hus ussay ghusal de sakta hae aur unhoN ne Hazrat Ali RA aur Hazrat Fatima ki example di thi. meray naqas ilm k mutabiq Hazrat Fatima RA ne apna akhiri ghusal khud farmaya tha aur uss k baad un ki death hui thi. unhain mazeed koi ghusal nahi diya gaya. iss hawalay se agar rahnumai farma daiN plz.
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:21st Sep 2013, 4:19pm
 

hazrat faatima RA ki mayyat

iss baray maiN 3 rewayaat milti haiN...aik ka to apnay tazkerah kia... doosri rewayaat k motaabiq asmaa bint amees nay aur teesri rewayaat k motaabiq hazrat Ali nay ghuslay mayyat dia thaa ... jab aik waqea ki 3 rewayaat houN to iss say islamic kuliyah bar.aamad nahi hotaa k mard apni biwi ko ghuslay mayyat day sakta hai... as per olemaa e karaam

wazah rahay k aisay sharayee sawaalaat jinkay wazah aur saf saf jawabaat quran o hadees maiN maujood nah houN, inka jawaab yeh ahqar apni taraf say nahi dia karta balkay ajmaa.e.ummat /ahlay sunnat wal jamaa't k olemaa k aqwaal ki raushni maiN deta houN ... albattah har jagah hawalah dena meray liyeh mumkin nahi hota... taaham above reply hazrat maulana Muhammad yousuf ludhyaanwi shaheed k fatawaa say liyeh gaye haiN

wallaho aalam bissawab
Maryam Group: Members  Joined: 17th May, 2008  Topic: 27  Post: 4676  Age:  30  
Posted on:21st Sep 2013, 4:26pm
 

mayyat ka ghusal

jazak Allah khairah. mera iss hawalay se concept clear hogaya hae :)
Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:21st Sep 2013, 5:16pm
 

mayat k bary ...

re "yeh to maiN pahli baar sun rahaahouN k morday ko talqeen ki jani chahaiyeh aur woh bhi arabic maiN"

daikhiye myrizvi bro deen islam kisi aik firqy ki meraas nahi , na hi deen islam firqom ki waja sy zinda hay , balky khud yeh tamam firqy islam ki badolat zinda hain

aik hadees ka maf'hoom hay k "taleem hasil karo maa ki goud sy qabar ki gour tak" agar aaj k dour main humain koi yeh kahy k iss hadees ki amli tafseer kia hogi ? to hamary pas iss ka jawab yahi hoga k iss hadees sy taleem ki ahmiyat ki tarf ishara diya geya hay ..jo k bila shuba aysa hi hay ..magar iss ahmiyat ki koi amli shakal b to ho na , aur amli shakal yahi banti hay k insan par taleem hasil karna farz hay , jab wo khud zinda ho to az khud taleem hasil kary aur jab zinda na rahy aur bar gah-e-alahi main jaa raha ho to uss ko taleem di jaye yani uss k ird gird k log uss ki taleem ka bando bast karain ..!!! simple
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:22nd Sep 2013, 2:26am
 

thanx for wazaahat about mayyat ka ghusl

lekin mordah ko arabic zobaan maiN taleem dena aik deeni maamla hai. aur deeni maamlaat quran o hadees say saabit shudah honay chaahiyeh, meri naaqis roy maiN. agar iss baray maiN apkay pass koi mostanad hawala ho to hamaray ilmmaiN zaroor izafah karaiN...agar nahi hai tokoi baat nahi...

Arabic Zobaan
1. Allah ta'ala ki zaban , Islam ki zaban Arabic hay
A: Allah ki zobaan arabic hai, iska koi saboot quran aur sahih hadees maiN nahi milta. agar apkay pass aisaa koi hawala ho to zaroor share kijyeh... isi tarah "Islam" ki zobaan bhi arabic nahi hai. Islam sirf hazrat Muhammad saw par naazil shudah shariyat kanaam nahi. hazrat Aadam AS taa hazrat Muhammad saw tamaam ambeyaa AS nay Islam hi ki dawat di aur sab nay yaqeenan arabic zoban maiN nahi di,
Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:24th Sep 2013, 5:06pm
 

istadlaal: mayyat ka ghusl

Late reply karny par mazrat khaa hon , ameed hay meri iss susti ko nazar andaz kar diya jaye ga ..:)

dekhiye myrizvi bro jab "maabain" nazriati ekhtelaaf majood ho to phir hawala jat ki koi ahmiyat hi nahi samjhi jati , lehaza hawala dainy ki zarorat b nahi hay , taham aysa nahi k meri baton k hawala jaat majood na hon , iss liye main apni bat ko istadlaal ki roshni main karny ki koshish karta hon , aur ummeed hay k meri baat ko different school of thought hony ki base par nahi parkha jaye ga

agar hum Elahi mashiyat ko zamanon k lehaz sy taqseem karain to tarteeb kuch iss trah banti hay ,

1) duniya khalaq hony sy pehly ka zamana
2) Hazrat Adam (a.s) k zameen par aany sy lay kar qiyamat tak ka zamana
3) qiyamat aany k baad ka zamana

Waisy to Allah Ta'ala khaliq-e-kaynaat hay , dunia ki har zuban ka khaliq hay , laiken Allah ta'ala ny jis zuban ko pasand farmaya , apni ebadaat ko finally jis zuban main karny ka hukam farmaya , yaani namaz , hajj , etc aur jis zuban main finally deen islam ko mukamal kiya , jis zuban main aakhri Nabi (s.a.a.w) par wahi nazal ki , jis zuban main islam k akhkamaat waza kiye , aur finally jis zuban main qabar k andar har insan sy pooch gich ho gi wo zuban konsi ho sakti hay ....

yaqeenan wo zuban Arabic hi hay ...aur iss ki khaas waja yeh hay k Allah Ta'ala ny iss zuban main jitni fasahat wa balaghat rakhi hay wo deegar kisi aur zuban main majood nahi ....

Allah Ta'ala farmata hay k إِنَّآ أَنزَلۡنَـٰهُ قُرۡءَٲنًا عَرَبِيًّ۬ا لَّعَلَّكُمۡ تَعۡقِلُ
ہم نے اس قرآن کو عربی زبان میں تمہارے سمجھنے کے لیے نازل کیا
sorah yousaf : 2

abb sawal yeh paida hota hay k iss dunia k har insan ki zuban to Arabic nahi , magar quran to iss duniya k har insan ki hadayet k liye hay ..to q Allah Ta'ala ny farmaya k quran ko samjhny k liye Arabic main nazal kiya geya hay ?

yeh bat to sure hay k Allah Ta'ala ny Arabic k elawa b degar zubano main deen ko nazal kiya hay , maslan Abrani , Nasrani etc aur yaqeenan sahib-e-shariyat sy b inhi zubano main baat ki , q k Jis Nabi (a.s) ko jis elaqy main mahboos kiya jata ussi elaqy ki zuban ko zariya hadayet banaya jata tha ,

laiken iss ka matlab yeh nahi k alam-e-arwah main allah ny har lissani tabqa sy uss ki zuban main bat ki ho , ye aya kia bata rahi k arbic main quran ko nazal kiya ta k tum samjh sako yeh bat iss tarf ishara karti hay k jis zuban main insan k sath already (alam-e-arwah) main khatab ho chuka hay yeh wohi zuban hay

lehaza finally Allah ny apny deen ko Arabic main mukamal kar diya ...thats it



myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:25th Sep 2013, 2:20am
 

mayyat ko ghusl dena

thanx for wazaahat
apkay bhashan to masha Allah bahoot omdaah hotay haiN ... lekin ... bhashan say pahlay, darmayaan yaa baad maiN aapaksar DAWAY kar jatay haiN ... aur jab yeh poocho k in dawouN ki original source kia hai to baatouN kay lachouN maiN chopa jaatay ho... deen k source ko ... apkay pass jo bhi ho, ossay chopaya nahi kartay... HAQ ko phailana chaahiyeh nah k chopana :)

pahlay apnay ELAAN farmaya k:

1. Allah ta'ala ki zaban (Arabic hay) ... koi saboot nahi
2. Islam ki zaban Arabic hay ... iss dawa say rajoo karlia k deger zobaanouN maiN bhi islamnaazil howa
3. Allah ny apna kalam b Arabic main nazal kiya ... iss say bhi rajoo karlia
4. tamama ambiya sy kalam b Arabic main kiya ... taa.haal koi prrof nahi
5. aur marny k baad har insan sy qabar main sawal o jawab b Arabic main kiye jaien gy ... iska bhi koi mosaddeqah prrof nahi... go muslim ummat ki aksariyat ka bhi yehi khayaal hai
6. yaani marny k baad har insan ki zaban Arabic ho jaye gi ... yeh aik aam khayaal hai...lekin quran o hadees maiN koi saboot nahi

jin batouN ka apnay saboot /hawalah nahi dia, lekin yeh dawa kia hai k apkay pass hawalah jaat maujood haiN, joaap bayaan karna monaasib nahi samajhtay...yeh khud batlaa raha hai k yeh references shia kutub say hi hongay, if i'm not wrong

thanx again... bainul satoor maiN jawaab denay ka... maiN adab maiN to bainul satoor k istemalka qaail houN lekin deen o mazhab maiN nahi...yahaaN har baat saaf saaf words maiN bayaan honay chaahiyeh takay har ilmi satah ka insaan bhi easily samajh sakay
Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:25th Sep 2013, 3:28am
 

mayyat ko ghusl dene ka tareeqa

istadlaal
re "yahaaN har baat saaf saaf words maiN bayaan honay chaahiyeh takay har ilmi satah ka insaan bhi easily samajh sakay"

saaf saaf words kisy kaha jata hay ? main ny yahan sorah yousaf ki aya # 2 ko tehreer kiya aur aap sy aik sawal kiya k bataien q arabic main quran ko nazal kiya geya hay ? jab k har insan ki zuban b arabic nahi hay ...!!!

iss aik aya main aap k har sawal ka jawab majood hay , iss k baad b aap mazeed kisi reference ka taqaza kar rahy hain ...!!!! strange

dar asal jab logon ka emaan quran pak par sirf aqawal-e-zareen ki book ki hadd tak hi ho aur quran ko mukamal hadayet ki kitab samjhny ki bajaye sirf hawalon ki kitab samjha jaye , to phir issi qism ki batain saamny aati hain..shaid aap ka b qasoor nahi hay abb "taleemaat" hi aysi hain to kia kiya jaye ..:)
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:25th Sep 2013, 5:38am
 

haa haa nice joke

chalaiN koi baat nahi dip bhai ... as you wish ... agar ap samajahtay haiN k apkay in saray daway:

1. Allah ta'ala ki zaban (Arabic hay)
2. Islam ki zaban Arabic hay
3. Allah ny apna kalam b Arabic main nazal kiya
4. tamama ambiya sy kalam b Arabic main kiya
5. aur marny k baad har insan sy qabar main sawal o jawab b Arabic main kiye jaien gy
6. yaani marny k baad har insan ki zaban Arabic ho jaye gi

ka jawaab sorah yousaf : 2 maiN maujood hai


Allah Ta'ala farmata hay k إِنَّآ أَنزَلۡنَـٰهُ قُرۡءَٲنًا عَرَبِيًّ۬ا لَّعَلَّكُمۡ تَعۡقِلُ
ہم نے اس قرآن کو عربی زبان میں تمہارے سمجھنے کے لیے نازل کیا


to theek hai ... ap theek kahtay hongay, meri samajh maiN anaa zaroori to nahi lol... thanx again



myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:25th Sep 2013, 8:52am
 

mayyat ke ghusl per topic

Usma1 shokar hai k mayyat ke ghusl ke topic per sawaal karnay k baad jawaab paRhnay k liyeh bhi aap aa gayeeN :) omeed hai apko apnay sawaal ka jawaab bhi mil gaya hoga aur Topic say haTkar hamari bay.fazool bahas bhi :)

apki aamad ka shokarya...
Diplomate Group: Members  Joined: 18th Oct, 2009  Topic: 53  Post: 3435  Age:  37  
Posted on:26th Sep 2013, 5:53pm
 

istadlaal: mayyat ka ghusl

agar kisi ko iss baat par aitraaz hay k

1. Allah ta'ala ki zaban (Arabic hay)
2. Islam ki zaban Arabic hay
3. Allah ny apna kalam b Arabic main nazal kiya
4. tamama ambiya sy kalam b Arabic main kiya
5. aur marny k baad har insan sy qabar main sawal o jawab b Arabic main kiye jaien gy
6. yaani marny k baad har insan ki zaban Arabic ho jaye gi

to ussy chahiye i inn baton ko daleel sy radd kary ya jawab main istadlaal kary , mehaz alfaazi haaa huuu karny sy baat nahi banti , kisi ka istadlaal agar dosry ko mehaz bhashan lagta hay to ussy b chahiye k wo b mehaz bhashan ko hi zariya jawab na banaye balky agar meri baat par valid aitraaz hay to daleel sy paish kary

Allah Ta'ala farmata hay k

إِنَّآ أَنزَلۡنَـٰهُ قُرۡءَٲنًا عَرَبِيًّ۬ا لَّعَلَّكُمۡ تَعۡقِلُ

ہم نے اس قرآن کو عربی زبان میں تمہارے سمجھنے کے لیے نازل کیا
sorah yousaf : 2

abb sawal yeh paida hota hay k iss dunia k har insan ki zuban b Arabic nahi hay , aur quran b iss duniya k har insan ki hadayet k liye hay ..to q Allah Ta'ala ny farmaya k quran ko samjhny k liye Arabic main nazal kiya geya hay ? issi lliye aysa kaha geya hay k har insan sy jo pyadaysh sy qabal khatab ho chuka hay wo Arabic zuban main hi hay aur iss bat ka saboot sorah aaraaf aya majeeda 2 sy mil raha hay

irshaad-e-baari Ta'ala ho raha hay k

كِتَابٌ أُنزِلَ إِلَيْكَ فَلاَ يَكُن فِي صَدْرِكَ حَرَجٌ مِّنْهُ لِتُنذِرَ بِهِ وَذِكْرَى لِلْمُؤْمِنِينَ

یہ کتاب آپ کی طرف نازل کی گئی ہے لہذا آپ اس کی طرف سے کسی تنگی کا شکار نہ ہوں اور اس کے ذریعہ لوگوں کو ڈرائیں یہ کتاب صاحبانِ ایمان کے لئے مکمل یاددہانی ہے

yaani quran pak ahal-e-emaan ki yaad dahani k liye nazal howa , aur yeh to understood cheez hay k yaad wohi cheez karwaai jati hay jis ka zikar pehly kiya jaa chuka ho , aur yeh baat b understood hay k agar yaad dahani Arabic main karwaai jaa rahi hay to phir yaqeenan khatab b Arabic main hi hay , q k aysa poossible nahi k insan sy khatab kisi aur zuban main ho aur ussy yaad dahani Arabic main karwaai jaa rahi ho..!!!!

chunachy sorah aaraaf ki hi aya majeeda 172 main irshad ho raha hay k

وَإِذۡ أَخَذَ رَبُّكَ مِنۢ بَنِىٓ ءَادَمَ مِن ظُهُورِهِمۡ ذُرِّيَّتَہُمۡ وَأَشۡہَدَهُمۡ عَلَىٰٓ أَنفُسِہِمۡ أَلَسۡتُ بِرَبِّكُمۡ‌ۖ قَالُواْ بَلَىٰ‌ۛ شَهِدۡنَآ‌ۛ أَن تَقُولُواْ يَوۡمَ ٱلۡقِيَـٰمَةِ إِنَّا ڪُنَّا عَنۡ هَـٰذَا غَـٰفِلِينَ

 اور جب تمھارے پروردگار نے فرزند ان آدم علیھ السّلام کی پشتوں سے انکی ذرّیت کو لے کر انھیں خود ان کے اوپر گواہ بناکر سوال کیا کہ کیا میں تمھارا خدا نہیں ہوں تو سب نے کہا بیشک ہم اس کے گواہ ہیں -یہ عہد اس لئے لیا کہ روز قیامت یہ نہ کہہ سکو کہ ہم اس عہد سے غافل تھے 



Usma1 Group: Members  Joined: 11th Jan, 2013  Topic: 28  Post: 189  Age:  19  
Posted on:10th Oct 2013, 6:37am
 

mayyat ke ghusl per best wazahat

Myrizvi bhi : esa nhi he ma read kar rhi the apki or Dip bhai ki sari post par ya dekh rhi the ka mayyat ke ghusl per kon best wazahat ka sath jawab deta he
or khata he na jab bary bat kar rhey ho to bacho ka nhi bolna chyia es liya ma chup the :)
myrizvi Group: Members  Joined: 20th Apr, 2008  Topic: 130  Post: 7671  Age:  55  
Posted on:10th Oct 2013, 7:05am
 

mayyat ko ghusl dena

that's very gud... umeed hai k mayyat ko ghusl dene ke tareeqa per apki info maiN izafa howa hoga
 
 
For More Detail Click On Page No: 1
 
 
 
Pakistani Singer In UK  How To Get Visa For Japan  Indian Students Dance In USA

Warning :The information presented in this web site is not intended as a substitute for medical care. Please talk with your healthcare provider about any information you get from this web site.
Pakistani Urdu Magazine Pakistani Matrimonial Seo In Urdu World Information Pakistan Information Sehat In Urdu
© Copyright 2003-2017 www.noorclinic.com, All Rights Reserved Contact UsLast Updated: 28th March 2013