Prof Arshad Javed Books In Urdu PDF Free Download
 

Forum.Noorclinic.com
Noor Clinic Pakistan Forum

 
Letter to Erfiwa
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
  Ask A Doctor
Warning: This Website is not for people who are less than 16 years of age. Please Exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Baby Care
Daily Questions
    Start New Topic  My Profile
 

France Attacks : Dehshat Gardi Ya Aik Sochi Samjhi Sazish ?

Politics
 
 
Diplomate Group: Members  Joined: 18th Oct, 2009  Topic: 55  Post: 3440  Age:  40  
Posted on:15th Nov 2015, 5:07pm
 

France Attacks : Dehshat Gardi Ya Aik Sochi Samjhi Sazish ?

Asslaam o Alaikum 

France attacks k nateeja main abb tak 180 afrad luqma ajal ban chuky hain aur taqreeban 200 afrad zakhmi hain insaniyat k nuqta naza sy iss saneha k khilaaf jitni b muzammat ki jaye wo kam hay ....laiken ...!!!! 
 
sawal ye paida hota hay k aya yeh saaneha waqeya hi terrorist act hay k ya aik sochi samjhi sazish hay k jis k nateeja main shaam (Syria) main jari nabard main bashar ul asad k khilaaf koodany ka jawaz bnana ho ?? 
 
wazy rahy k pehly b USA ki tarf sy  WTC attacks ko jawaz bana kar kai muslim mumalik par jarhiyat ki jaa chuki hay  
 
aap sab members iss bary kia kehty hain ?
Diplomate Group: Members  Joined: 18th Oct, 2009  Topic: 55  Post: 3440  Age:  40  
Posted on:17th Nov 2015, 6:52pm
 

nobody interesting ......!!!

asslaam o alaikum

lagta hay koi b iss mozo par bat nai karna chahta ....sab dary hoye hain shaid

ye aik aisa mozo hay jis sy muslims ka mustaqbil wabasta hay magar har kisi ko yahan apni apni parri hoi hay kisi ka husband nai theek to kisi ki bv theek nai kisi ki mangani toot gai hay to koi mangani torrna chah raha hay kisi k babies nai ho rahy to kisi ki shadi nai ho rahi gharz yeh k sab apni apni baton main magan hain yahan ...iss post k abb tak 40 views ho chuky hain magar afsos k kisi ko fursat hi nahi k yahan bat hi kar lay ......
Ali3Oi Group: Members  Joined: 04th Oct, 2015  Topic: 1  Post: 84  Age:  23  
Blocked
Posted on:17th Nov 2015, 7:56pm
 

Diplomate

Mai iss topic pe baat karna chahta tha lekin phir mai ne samjha k shaid aap mujhay daant dain gey chota samaj k.

Agar aap mujhay daantain gey to phir mai nahi kesay apna point of view dey sakta hoon .

Kiyun k mai aik jaga iss mozu pe speech kar raha tha event manager ne mujhay tok diya. Phir mujhay sab k saamnay insult feel huwi.


bushra2012 Group: Members  Joined: 15th Oct, 2013  Topic: 1  Post: 1796  Age:  80  
Posted on:18th Nov 2015, 3:02pm
 

France attacks pe Diplomate ka tabsira

QUOTE: "sab dary hoye hain shaid"

Ismain darnay wali kia baat hai?

Albatta website ne bhi loagon ki hifazat ka munasib ehtimam nahen kia kyunkeh website ne secure certificate le kar TLS 1.2, aur HTTPS ka ehtimam nahen kia.

Main ne ispe topic bhi banaya aur woh approve huay baghair delete kar dia gya.

Aik janib website anonymity aur privacy ka raag alapti hai doosri janib loagon real privacy muhayya nahen ki, iss se koi bhi cable net waghera pe sniffer maslan wireshark waghera ka istemal kar raha ya rahi ho to usko pata chal sakta hai ke kis ghar se kon kya baat NCF pe likh raha ya rahi hai.

NCF ke aksar users technically oriented naheen, mazhabi, volunteer nature ya doctor hain. Ya phir questioners hain jinka taleemi level bhi kam hai. NCF ke members apnay huqooq aur khatraat se waqif nahen kia kia iska matlab yeh hai ke service provider bhi apnay farz se ghaflat dikhay?

Forum ke members to sex problems ke mazhabi aur medical answers se bhi nawaqif thay to website arrange ki na. Ab agar website ke users apni privacy aur anonymity ko lahaq khatraat se nawaqif hain to website unn khatraat ka ehtimam kyun nahen kar rahi?

Kia yeh khullla tizaad nahen?

-----------------------------------

Ab ajaen aapke sawal ki taraf.

Ke yeh harkat dehshat gardi hai ya sazish.

1. Pehli bat to yeh hai ke dehshat gardi aur sazish kia mutually exclusive hain jo aapne ismain OR condition lagai?

Dehshat gardi sazish ka hissa ya nateeja nahen ho sakti?

Sazish dehshat gardi ka hissa nahen ho sakti?

2. Wesay bhi yeh discuss kar ke kia hasil ho jayga?

3. Asal main political discussion main yehi hota hai. Haramay mulk main aksar loagon ko apna hosh nahen. Bijli pani gas aman qanoon insaaf aur deegar bunyadi sahooliat muhayya nahen. Hagggooo kar ke dhonay kelye pani nahen hota, pani hota hai ooper charhanay kelye bijli nahen hoti ... lekin hamain iss baat se bohot dilchaspi hai ke kal obama ko naashtay main falanay mulk ki qismat ke mutalliq kia decision lena chahye.

4. Wesay bhi conpiracy theorist hona aik tarah ki nafsiati bemari hai. Conpiracy theorist ehsaas-e-bartari ka shikar hota ya hoti hai kyunkeh uskay khyal main uskay paas aisi knowledge hai jo doosron ke paas nahen. Aur ehsaas-e-bartari gunah hai, lekin conspiracy theory main ziada tar mazhabi-orietation walay loag he involve hotay jo ke aik aur zehni pareshani yani advance melancholia ka bhi symptom hai. Yaani sab mujha maarna chahtay hain ya dunya main honay wala har kaam sazish hai.

5. Ismain kia shak hai ke dunya main sazishain bhi hoti hain. Lekin har waqt yehi sochna ya aisay muamlaat jinka ham se koi talluq he nahen unke saath ya unki news ke saath addict ki tarah chipkay rehna bhi masail ka hal nahen.

6. Behtar yeh hai ke apnay circle main acha muslim ban ke apnay aur loagon ke masail ko hal kia jay.



Ali3Oi Group: Members  Joined: 04th Oct, 2015  Topic: 1  Post: 84  Age:  23  
Blocked
Posted on:18th Nov 2015, 8:12pm
 

Choro ko Parh gaye mor!!

Aap ko kiyun itna afsoos ho raha hai.

Apnay Father ki death par to itna dukh nahi hota aap ko.



bushra2012 Group: Members  Joined: 15th Oct, 2013  Topic: 1  Post: 1796  Age:  80  
Posted on:22nd Nov 2015, 3:42pm
 

Ali3Oi ki janib se labeling

QUOTE: France khud boht barha dehshatgard mulk hai.

Kesay? Dehshat gardi ki kia definition hai?
France aik dehshat gard mulk kesay hai?
Agar koi mulk bilfarz dehshatgard hai bhi to kia wahan bila rok tok bila-takhsees qatl-e-aam islam ki roshni main jaiz hai?
Agar aap samajhtay hain ke aisa jaiz hai to Nabi aur sahaba ki sunnat se sabit kar ke dikhaen.

Mulk dehshatgard kesay ho sakta hai?

Kia qiyamat ke din Allah person-by-person basis pe hisab farmaen ge ya blanket order dainge, ye mulk dehshatgard thaa, iss mulk se talluq rakhnay wala har shakhs jahannumi?

QUOTE: Aap ko kiyun itna afsoos ho raha hai.

Kia insaani janon ke bila-imitiaz talf honay pe afsos na hona chahye?
Kamal ke muslim hain aap. Aik janib paighambar aur sahab itnay naram-dil thay ke insaani huqooq ki khilaaf warzi ya animal torture ka waqea sunn kar ke rona nikal jata thaa, aur itnay ansu nikal jatay thay ke daarhi bhar jati thee.
Wazeh rahay ke yeh tamam insaani huqooq ki khilaf warzian islam ke zahoor se qabal kafiron ki janib se kafiron ke he khilaaf hueen.

Doosri janib aap khud to insaani janon ke talf honay pe khushi mana rahay hain, aur agar koi doosra afsoos kar raha hai to usko bhi laanat malaamat kar rahay hain.

Kia qurani taleemat ne aapko sang-dili aur sahaba ki sunnat ke khilaaf sikhaya hai?
Agar aisa hua hai to shayad aapko aik martaba phir parhnay ki zaroorat hai, takeh aap qurani taleemaat ki asal rooh nabi o sahaba ki sunnat ki roshni main dekh sakain.

Quran main se he ulema-e-soo bhi niklain ge aur sura baqara ke shuroo main he likha hai ke (mafhoom) isi se bohot loag gumraah bhi hongay aur isi se bohot loag hidayat bhi paen ge. Kia aap gumrahi paanay walon main se banna chahtay hain ya hidayat paanay walon main se?

QUOTE: Apnay Father ki death par to itna dukh nahi hota aap ko.

Itna dukh nahen "hota" se aapki murad?

Father ki death to aik he martaba hogi, ya ho chuki hogi. Baar baar to father ki death nahen ho sakti. "Hota" to aapne aisay likhahai jesay baar baar father ki death hoti rehti hai aur baar baar woh hazrat demonstrate farmatay hain ke unhain dukh nahen hua.

Aapko kesay maloom? Kia aapke paas dukh maapnay ka paimana mojud?

Agar kisi ko apnay father ki detah pe dukh na hua to kia usko deegar death pe dukh bhi na hona chahye?

Yeh bhi to ho sakta hai ke unkay father itmenan se apni umar poori kar ke sahab e faraash ho kar sakoon se intaqaal kar gae hon, jabke inn sahab ko jin amwat pe dukh ho raha hai woh loag baheemana andaaz main nagihani qatal ka shikar bana dye gae hain.
Diplomate Group: Members  Joined: 18th Oct, 2009  Topic: 55  Post: 3440  Age:  40  
Posted on:22nd Nov 2015, 7:27pm
 

France Attacks

@bushra2012

aap k first reply ka first part forum k technical masaayel par mushtmil hay jisy main theek uss trah samjhny sy qasar hon jis trah aap samjhana chah rahi hain aur waja yeh hay k main non technical banda hon lehaza uss par tabsra karny sy b qasa hon ..

re :"1. Pehli bat to yeh hai ke dehshat gardi aur sazish kia mutually exclusive hain jo aapne ismain OR condition lagai?"

han yaqeenan sazish aur dehshat gardi aik hi sikky k do rukh ho sakty hain laiken yahan sazish k word ko istemaal karny sy meri muraad kuch aur hay dar'asal anti islam lobby har waqt islam ka chehra masakh karny k darpy rehti hay aur iss rah main muslims smait kisi b muslim mulak ko jab chahain tehas nehas karny ki koshish main rehty hain , kisi b mulak par jarhiyat karny k liye "maghrab" ko aik aisy jawaz ki zarorat hoti hay jisy dunia k samny biyan kar k aik to almi roy aama haq main ki jaye dosra jarhiyat ki rah hamwaar ki jaye..

iss ki aik misal 9/11 ka waqia hay jis k nateeja main pehly Iraq aur baad main Afghanistan ko teh o bala kar diya geya jis k asraat aaj tak pakistan b bughat raha hay .majooda dour main Syria (shaam) inn maghrbi taqton k liye dard-e-sar bana howa hay wahan pehly "ISIS" banai gayee ussy funding ki gayee ussy asleha puhanchaya geya laiken matlooba natayj nahi mil paa rahy

yaani basharul asad ki govt. joon ki toon qayem hay "asad" ko manzar sy hataany k liye wahan neto forces ya maghrbi forces ko direct raasai ki zarorat thi laiken koi aisa solid jawaz nahi mil paa raha tha k jis k tehat Syria main charrhai ki jaa saky lehaza wohi purani chal chali gayee k pehly apna nuqsaan karo phir uss ki zimma dari "ISIS" par daalo phir "ISIS" ko phainti lagany k bahany Syria main ghuss jao ...jo k aany waly dino main hota howa nazar aaraha hay yeh sazish ho sakti hay France Attacks k peechy jisy main discuss karny ki appeal kar raha tha

re "2. Wesay bhi yeh discuss kar ke kia hasil ho jayga?"

ye forum discus karny k liye hi bana hay yahan yeh bat kehna ussi trah fazool hay jis trah koi yeh kahy k khaana khaany sy kia hasil ho ga zahar hay jis trah khana tnawal karna bhook mitany k liye hota hay bilkul ussi trah kisi b issue ko discus karna maloomati aur ilami bhook mitaany k mutradif hota hay

re "lekin hamain iss baat se bohot dilchaspi hai ke kal obama ko naashtay main falanay mulk ki qismat ke mutalliq kia decision lena chahye.
"
dilchasbi rakhna b baaz oqaat bht zarori hota hay insan ko iss liye paida nai kia geya k wo khaaye piye kaam kary soye aur aakhar main bemaar ho kar khaans khaans kar bistar par mar jaye ...nahi balky har insan apny waqt ka pyaamber hay jisy b allah ny shaoor ataa kiya hay uss ki zimma dari hay k wo apny ird gird k mahol par nazar rakhy aur apny gird o paish halaat ko samjh kar mushklaat k tadaruk ki koshish kary jitni b uss ki istedaad ho

iss amar k liye to khud Allah ta'ala ny bando bast kar rakha hay agar aap namaz e jumma k wajub hony ki haqeeqat par nazar karain to yahi bat saamny aati hay k Allah chahta hay k har momin insan jab jumma k namaz k liye aye to ussy khateeb apny khutba main duniya k majooda halaat sy agaah kary ye uss sahib e mimber ki zumadaari hay jo b namaz e jumma ka khutba day lehaza aap yeh kaisy keh sakty hain k aisi discuss sy kia hasil ho ga

re "4. Wesay bhi conpiracy theorist hona aik tarah ki nafsiati bemari hai."

phir wohi bat ....maana k aap mahar e nafsiyat hain laiken iss ka yeh b matlab nahi k har positive discussion sy iss liye bezari zahar kar di jaye k ho sakta hay sahib e tehreer kisi zehni hejaan main mubtla ho ya ho sakta hay k sahib e tehreer bila waja ka panga lay raha ho nahi janab yeh miyaar qayem karna munasib nahi han yeh zaror hay k apni tarf sy kisi b discussion main apny ilam k tehat roy di jaye theek hay jis ki jis shoba main jitni ilmi istedaad ho wo dosron ko ussi had tak seraab kary laiken koi condition lagana ya shak karna kahan ka insaf ho ga
Ali3Oi Group: Members  Joined: 04th Oct, 2015  Topic: 1  Post: 84  Age:  23  
Blocked
Posted on:23rd Nov 2015, 8:10am
 

bushra2012 & diplomate

Quran mai saaf likha huwa hai k Jo log Allah k 
naazil karda hukm k mutabiq faisla nahi kartay wo
log Kafir hain.

Lekin Afsoos! K hum logo ko bas Shadiya karnay ki parhi huwi
hai aur babies paida krnay ki parhi huwi hai. Air
har kisi ko apni personal life ki parhi huwi hai.

Sara din mehnat kar k wife ka pait bharo aur Sunday ko babies k sath khailo
Yeh sekhati hai na mummy-dadi-isim.



Diplomate Group: Members  Joined: 18th Oct, 2009  Topic: 55  Post: 3440  Age:  40  
Posted on:23rd Nov 2015, 6:47pm
 

France Attacks : Ali30i ki mantaq

re "France attack bhi frustrated Muslims ne hi kiye hain"

ye kaisi mantaq hay frustrated muslims ko iss halat main puhanchaya kis ny ?

yeh jawaz bana kar kisi b masoom insan ko qatal kar diya jaye ? kia frustration ka jawaz qabil e qabool ho ga ?

agar maghrabi taqtain islam par hamla awar hain to kia khud mulims iss k zimmadaar nahi hain ? yaqeenan hain ...jab aap kisi b airy ghairy ko apny ghar main lao gy to wo aap ko phoolon k haar to pehnany sy raha wo to apni "ayri ghayri" dikhaa kar hi dam lay ga jab muslims yahood o nisara ko apna dost aur apny muslim bhai ko dushman samjhain gy to phir to asal dushman apna kaam dikhaa kar hi rahy ga iss par frustration ka wawaila karna darasal aphi khami ko chupany k mutradaf hay

rahi bat ISIS ki to wo apni dehshat gardana karwaiyon sy islam ki koi khidmat anjam nahi day rahy bal k pur aman aur salamti sy labraiz deen k chehry ko alooda kar rahy hian ye dehshat gard chahy kisi frustration k nateeja main wajood main aye hon ya phir "magharabi hathon" k zariya tyaar kiye gaye hon dono sorton main ye deen islam ki theory k khilaaf chal rahy hain
Ali3Oi Group: Members  Joined: 04th Oct, 2015  Topic: 1  Post: 84  Age:  23  
Blocked
Posted on:24th Nov 2015, 5:11am
 

Ali3Oi Group: Members  Joined: 04th Oct, 2015  Topic: 1  Post: 84  Age:  23  
Blocked
Posted on:24th Nov 2015, 5:15am
 




bushra2012 Group: Members  Joined: 15th Oct, 2013  Topic: 1  Post: 1796  Age:  80  
Posted on:27th Nov 2015, 8:42am
 

Odd moderation behaviour by mods

1. Aajkal kuch new laogon ko edit ki responsibility dii gai hai.

2. Ooper Ali3Oi ki post ko edit kia gya lekin wahan moderator note nahen chora gya.

3. Baad main Ali3Oi ne kuch namunasib zubaan istemal ki. Wahan pe moderator ne unhain note dia aur namunasib alfaaz highlight kye. Lekin ab woh donon post mukammal taur pe miti hui hain aur Ali3Oi pe Blocked bhi likha araha hai.

4. Agar aik mod doosray mod ke kam pe edit kartay hain to woh SMOD note dalain.

5. Block jahan kia jay wahan uski reason bhi note ki jay.

6. Moderation ko trasnparent bananay ki zaroorat hai takeh deegar loagon ko pata chalay ke kia karna hai aur kia nahen karna. Moderation is a sort of education tool.

7. Jo moderators theek tareeqay se apni zimmedaari anjaam nahen de rahi unse edit ki responsibility wapas li jaygi.
For More Detail Click On Page No: 1
 
 
 
Pakistani in Italy  How To Get Visa For China  Bangladeshi Community Celebrating Canada Day In Toronto
  Prof Arshad Javed Hypnotist and Clinical Psychologist  

 


Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us