Prof Arshad Javed Books In Urdu PDF Free Download
 

Forum.Noorclinic.com
Noor Clinic Pakistan Forum

 
Letter to Erfiwa
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
  Ask A Doctor
Warning: This Website is not for people who are less than 16 years of age. Please Exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Baby Care
Daily Questions
    Start New Topic  My Profile
 

Meri Sister ne Mujhay doosri dafa hurt kiya

Social Problem
 
 
Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:28th Dec 2015, 8:20am
 

Meri Sister ne Mujhay doosri dafa hurt kiya

Mujhay saturday ko academy walo ney paisay diye to mai ne socha k apni sister k liye acha sa Tablet khareed loon. Market giya to chand dukanay phirnay k baad samsung ka aik model pasand aa giya qeemat bhi reasonable thi aur bargaining ki bhi koshish ki but salesman bohut chalak uncle thay unho ne 500 hi discount kiya.
Mai shop sey nikla aur bike start ki dil mai mujhay umeed thi k Behan khush ho jaye gi. Us k interest k tamam features ko cover krta tha wo model. Jab mai darwazay pe giya to gun man pehlay hi intizar mai tha. Us ne faoran darwaza khola to mai andar dakhil howa to Behan Aur chachi Jan TV daikh rahay thay. Daor sey hi awaz dey di k daikho behna mai aap k liye tab laya hoon. Uss ne kaha k acha phir jaldi dikhayain. Mai ney box nikal k dey diya. Uss ne jaldi sey khol k on kiya aur kehnay lagi k Khud to Windows 10 wala tab rakhtay ho aur meray liye Android hi mila tha. Menay kaha k behna mujhay to zaroorat rehti hai windows OS ki lekin aap ney to wo tasks nahi krnay hotay.
Pata nahi kiyun achanak uss ko ghussa aa giya. Aur uss ne larna shuru kr diya k mai bohut bura hoon.Aur apnay ghar walo ki care nahi krta. Mujhay kafi hairangi howi k iss ko kiya ho giya hai. Chachi jan k samnay hi iss tarah ki nafrat dikha rahi hai. Mai ne socha k abh upar chala jaon warna yeh aur jagra kar sakti hai. Jab mai janay laga to uss ne naya Tablet Jo k abhi packing sey nikla tha zor sey zameen pr mara tab k tukray ban gaye. Phir uss ney dining table pe mojood bartan torna shuru kr diye. Aur mujhay tum tum keh k bolnay lagi. Amma apnay kamray mai theen aur unho ne koi interest hi nah liya.
Itna shukr hai meri wife nahi theen warna un k samnay sari izzat khak mai mil jati.
Mai jab upar janay k liye stairs pr pohuncha to mujhay aansu aa gaye. Jab mai half stairs mai pohuncha to mujhay himmat khatam ho gayi seerhiyo pe baith kr mai Itna roya k jacket geeli ho gayi. Mai ney apnay muu pe hath rakh liya tha ta k ronay ki awaz kisi ko na jaye. Lekin phir meray bhai ko pata chal giya to stairs ki taraf aaya. Mai ney foran aapnay aansu saaf kiye aur ayesa pretend kiya k jesay meray sath kuch huwa hi nahi.
Haal chal poochnay k baad wo wapis chala giya to mai upar aa k bed pr lait giya wahan bhi mujhay rona aa giya mujhay kuch samajh nahi aa raha 2 din sey mera dimagh phat raha hai. Mera dil zakhmi zakhmi hai mai kisi ye waqiya share bhi nahi kr sakta.
Akhir meri choti behen ko kiya ho jata hai. Jitna khiyal karo utna hi nafrat dikhayi uss ney.

mehak1234 Group: Members  Joined: 06th Feb, 2015  Topic: 5  Post: 29  Age:  23  
Posted on:28th Dec 2015, 1:37pm
 

Reply

Apki sister zaroor kisi baatt se pareshan hongi tabhi ap pe gussa utara hoga..ap un k pas jain beth k aram se baat karain aur pochain k kia baat hai..
silentcry Group: Members  Joined: 04th Oct, 2015  Topic: 2  Post: 14  Age:  29  
Posted on:28th Dec 2015, 4:16pm
 

Ali30i

Bro so sad to hear what happened to you..Apki mother ko specially is matter m interfere karna chiay tha. Apki mother ko bhi chiay k apki sister ko samjhain k tumhare bhai ki shadi ho chuki hi, ab yeah kuch drama nahi hona chiay.

Koi bhi insaan jo rizaq e hilal kamata hi usay ahsas hota hi apni kamai ka.Apki sister ko tab nahi torna chiay tha.Apki mother ko chiay k sister ki counseling karain. M unmarried ho but itna zaroor pata hi k agar apki family apki izat kare gi to definately apki wife bhi apke tabedaar rahe gi.


silentcry Group: Members  Joined: 04th Oct, 2015  Topic: 2  Post: 14  Age:  29  
Posted on:28th Dec 2015, 4:17pm
 

Ali30i

...MOD EDIT: Removed duplicate...



dora dove Group: Members  Joined: 29th Dec, 2015  Topic: 0  Post: 1  Age:  17  
Posted on:29th Dec 2015, 8:23pm
 

hi

please tell me . mEY POST KAISEY karu. please
Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:30th Dec 2015, 1:22am
 

re

Mera dil to chahta hai uss sey baat karon. Lekin yeh dar hai k wo dobara larhay gi. Humari pehlay hi chachi jan k samnay insult ho chukay hai. Ab agr wife ko pata chal giya yah neighbors ko awaz chali gayi to log kiya feel karain gey. Abhi uss ki shadi bhi nahi huwi agr kisi ko pata chal giya k wo laraya karti hai to phir kiya ho ga.

Mujhay raat sey text kr rahi hai " ...MOD EDIT: Removed famous Urdu swear word..., ...MOD EDIT: Removed famous Urdu swear word... ...MOD EDIT: Removed famous Urdu swear word... ...MOD EDIT: Removed famous Urdu swear word..." itni ziyada dafa yeh gaaliya likh kr k Whatsaap p send karti hai. Mai apnay kamray mai tha to yeh text parh k mujhay bohut dukh mila. Upar sey meri wife mujh sey jaghra kr rahi hai k Dish Antenna lagwa k do kiyun k black out k daoran Cable signals off rehtay hain. Abh unho ne kaha hai k dish antenna ko UPS pe laga k do. Mai ne kaha k abh itnay paisay nahi hain. 10-15 din baad ley laina to unho ne mujhay kaha k aap jhoot boltay ho. Aur kanjoos kanjoos k taanay diye mujhay. Aur wife ne poocha k Jo paisay Academy sey miltay hain wo kahan hain to mujhay jhoot bolna parha k aik friend ko dey diye hain. Phir wife ney bhi insult kar di aur kaha k friend ziyada important hai ya wife ziyada important. Mujhay nahi samajh aati yeh log meray sath ayesa kiyun kr rahay hain. Wife ko kiya zaroorat hai dish antenna ki.
WO log bhi to hotay hain na Jo siraf PTV pe guzara krtay hain.

Mera dil krta hai insan in ko chor k kahi ayesi jaga chala jaye jahan koi bhi na ho bas insan akaila Jungle mai chala jaye. In ko to ehsas nahi jitna acha sulook karo utna hi takleef pohunchatay hain. Mai ney koi kisi ko hurt nahi kiya.


MOD NOTE: Please avoid quoting abusive language.
bushra2012 Group: Members  Joined: 15th Oct, 2013  Topic: 1  Post: 1781  Age:  80  
Posted on:30th Dec 2015, 8:33am
 

Younger sister ki janib se recurring bad-tameezi

1. Aapko pehli martaba hurt kia thaa. Iskay bawajud aapne sabaq na seekha. Momin aik sorakh se 2 martaba dasa nahen jata. Apnay emaan ka muhasba karain.

2. Kisi ko kitna he ghussa aya ho, imlaak ko tabah (property damage) ka koi jawaz (justification) nahen. Agar usko tab pasand nahen aya thaa, to woh wapas bhi ho sakta thaa aur yeh bhi ho sakta thaa ke wo aram se baat manwa leti. Aap apna tab usko detay au uskay lye jo khareeda hai woh khud istemal kar letay.

3. Agar kisi ka itna explosive anger hai, to yaqeenan usko nafsiati aarza lahaq hai. Uska baqaida ilaaj karwana chahye.

4. Awwal to kisi ke tohfay pe aiteraaz karnay ki koi gunjaish he nahen. Woh khud kesa lifestyle rakhay huay hay, aur tohfa us lifestyle se mutabiq hai ya nahen, tohfa receive karnay wala/wali tohfa le raha/hi hai, auditor nahen.
Kuch loag khas taur pe yateem aur talaq-yaafta, inn loagon ke baray main hadees main sakht wa'eed hai ke inkay saath zulm na kia jay. Aisay loag apni position ka faida utha kar abusive behaviour main involve ho jatay hain, kyunkeh yeh samajhtay hain doosron ki jannat inkay hathon yarghamal hai.

5. Yateem ho ya mutliqa, qareebi rishtaydaar ho ya ajnabi, kisi ke hathon zulm ka shikaar honay ka mashwara shareeat main kaheen nahen. Zulm karna haram hai, lekin zulm ka nishana banna bhi pasandeeda nahen.

6. Aap WhatsApp main usko block kar dain. Messages nahen aynge. Zahir ai aapne uspe koi zulm nahen kia, balkeh usnay meherbaani ka jawab bad-tameezi se dia hai. Islye aap unsay baat na karain.
Choonkeh qita-talluq 3 din se ziada mana hai, islye ab kia hoga? Masla wohi jannat ke yarghamali honay ka hai.
To bhai aap ne qita talluq nahen kia, woh baat karlay to aap jawab de dain. Lekin khud se baat na karain.
Ainda uspe paisay bhi zaya na karain. Jo pesay aapne uskay lye lagay thay, na sirf woh zaya hogae, balkeh aur cheezain bhi toot gaen. Mazeed nuqsaan hogya.
Choonkeh qiyamat ke din imlaak ke nuqsaan ka bhi hisaab dena parega, aur woh imlaak yaqeenan aapki ammi ki hain (bartan), islye ainda bartanon ki hifazat ka khyal karain, aur behen pe koi kharcha na karain.

7. Ziada pasiay walay gharon main he loagon ko itna explosive anger hota hai ke bartan tore dain. Ghareeb loag to gali main nikal kar doosron ki garian jalatay hain.

-------------------------------------

Biwi ke masail:

8. Biwi apnay maan baap ke ghar jo lifestyle maintain kar rahi thee, woh lifestyle maintain karna ka jawaz mojud hai. Agar aap iss qabil nahen, to uska qasoor nahen. Aapko shadi se pehlay dekhna chahye thaa ke usko khush rakh sakain ge ya nahen.

9. Dish antenna ki qaraar waqai zarorat nahen, kyunkeh drama ki qist ko loag youtube waghera main bhi upload kar detayhain, woh wahan bhi dekhi ja sakti hai.

10. Islam main personal property ka right hai. Bii apni personal property rakhay. Aap apni personal property rakhain.

11. Biwi ko haq hasil nahen ke kanjoos waghera jesay abusive alfaaz istemal karay.

12. Biwi ko chahye ke shohar se apni zarooriat discuss karay - shohar ka audit na karay. Zahir hai biwi se mulaqat abhi huihai, jabke dost to barson se saath hai. Biwi ko talaq ho sakti hai lekin dost ko to nahen.

13. Shohar ko chahye ke ye samjhay ke kis dost ki zarooriat ehem hain ... aur yaarbashi main aur ghar ki zarooriat main munasib balance rakhay.

14. Jesa ke wife ki fajar ki namaz, sexual performance aur water heater ka masla aik qaraar waqai masla thaa, to ham ne bhi himayat ki, lekin TV drama koi ehem masla nahen jiskay baghair dunya-o-akhirat tabah ho jay.

-------------------

Iss muashray main mardon ka kaam khachar ki tarah kamana aur aurton ka kaam ghar pe TV dekhna hai.

Jab ke kuch families main, main ne yeh dekha ke zaroorat tamam poori kartay hain aur khwahish aik bhi nahen. Khwahish poori karnay kelye khud kamana parta hai.

Behen ne bhi tab isi lye tora ke usko pata he nahen kamanay kelye kitna zaleel hona parta hai. Aur biwi ke bhi nakhray isi lye barh rahay hain.

Mera mukhliasana mashwara hai ke biwi aur behen ko kaam main lagaen. Woh apni khwahishaat apni income se poori karaen, aap iskay ilawa bhi unko (intahai limited) pocket money dain, unn se pesay na lain. Jab gadhay ki tarah kaam karain gi to aqal thikanay aajay gi aur samajh ajayga ke baap bhai kis azab se guzar ke kitchen chalatay hain.
Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:30th Dec 2015, 5:03pm
 

re

Madam ji wo mera iss tarah ka mind nahi hai k insan apnay behan aur biwi sey job karwaye. Jab ghar k mard zinda hain aur Allah ne males ko guardian bhi banaya hai to females ko majboor karnay walay ghatiya log mujhay nahi achay lagtay.

Aur wesay bhi humaray kitchen ki sab cheezain Wheat, rice, vegetables Dada Abu k khaiton sey aata hai aur Milk, butter & desi ghee bhi Dada Abu k cattles sey hasil hota hai. Bijli / Gas ka bill to Amma dey daiti hain half bill chachu ko daina hota hai.

Agar wife ki needs ko daikha jaye to un ki semester fee bhi mai ney di hai aur apni fee bhi daini hoti hai. Abh ...MOD EDIT: Removed financial details... to wife ki fee thi. Aur Jo paisay abh aaye thay wo sister k liye tab ley liya. ...MOD EDIT: Removed financial details... ka tab tha jo 1 second mai Zaya ho giya.

Mai yeh sochta hoon k meri wife ko thora intizaar kar laina chahiye jab paisay hon gey to Dish bhi lag jaye gi. Lekin wo samajhti hain k mai jhoot bolta hoon. Shadi sey pehlay unho ne mujhay yeh nahi bataya tha k un k ghar dish Antenna hai aur un k lifestyle ka hissa hai.

Aur yeh bhi preshani hai k meri behan k sath koi problem na ho. Shaid wo jealous hai meray sey Jo galiyan likh k send krti hai. Uss ka Number block iss liye nahi kiya k emergency bhi to ban skti hai, Contact rkhna bhi to zaroori hai.

Wife ki zaroorat sari to poori hoti hai Car ki filling bhi karwa k daita hoon.

But Itna khul k kharcha nahi kr sakta.

Bike pe raat ko aatay huwe Mujhay sardi bardasht krna parhti hai. Siraf issi liye k wife ko comfort milay. But wife to pehlay jesi nahi rahi abh. Shadi se pehlay kehti thi k sookhay tukray khila daina guzara kar loon gi.

Roz naraz ho jati hain. Aur kehti hain k "Aap mujh sey piyar nahi krtay" Agar piyar kartay to har baat mantay. Yeh to abh Allah ko hi pata hai na mai Piyar krta hoon ya nahi. Wo kesay ye baat keh sakti hain k Mujhay un sey piyar nahi.



bushra2012 Group: Members  Joined: 15th Oct, 2013  Topic: 1  Post: 1781  Age:  80  
Posted on:31st Dec 2015, 3:16am
 

Women earning related mafroozat and traditional thinking

Aapka jis bhi tarah mind hai, change bhi ho sakta hai.

Aapki apni thinking yehi hai ke gadhay ki tarah kaam bhi karun aur fazool batain bhi sunoon, to aap na-khush kyun hain?

Beherhal job ya business, earning kelye bhi kia jata hai aur iskay deegar purposes bhi hotay hain, like having an activity or purpose in life. Bohot se loagon ki gaon main bohot zameen hoti hai, lekin woh government main ja kar BPS-5 ki nokri kyun kartay hain? Kyunkeh unhain something to do chahye.

Jin aurton ki shadi aur bachay nahen, unhain something to do milna chahye aur woh something to do productive hona chahye. Yeh nahen ke TV dekh lia.

Aap apni biwi ko volunteer work main he laga dain. School main parhaay, choonkeh peson ki zaroorat nahen to pesay na le. Lekin TV drama jo ghar ki life barbaad kar raha hai uss se jaan churway.

Badqismati se aapki soach ghair-tehzeeb-yafta muashron wali hai. Yaani job for income. Jabke job is to provide a service.

Dunya main bohot se mumalik taraqqi-yafta hain. Wahan kisi ko job ki zaroorat nahen. Lekin loag phir bhi job kartay hain. Kyunkeh woh samajhtay hain ke unkay kaam ki deegar afraad ko zarorat hai. Agar saray ambulance driver kahain, hamaray paas bohot paisa, hamain zaroorat nahen. Hamain nahen ambulance chalana, to kia society chal paegi? Agar saray hajjam kahain, hamain to doosron ke baal nahen kaatna, hamaray paas bohot paisa, hamain "zaroorat" nahen. To dunya walon ka kia hashar hoga?

Choonkeh aapke andar superiority complex hai. Aapne aapnay aap ko superior tabqay main rakha hua hai. Woh superior tabqa jo biwi/behen se "job nahen karwata". Jabke woh tabqa jiske mard biwi/behen se "job karwatay" hain woh aapke nazdeek "ghatya" tabqa hai.

Iss se aapki ghulamana zehniat bhi pata chalti hai. Kyunkeh aapne "job karwana" likha hai. Jabke biwi/behen apni marzi se bhi job karna/na karna chah sakti hain. Lekin aap choonkeh ghar ki females ko apna ghulam samajhtay hain islye aapka choice of words bhi wesa he hai.

Aap apni he thinking ka nateeja bhugat rahay hain kyunkhe aapke ghar ki females ko pata hai inka superiority complex kis wajah se hai aur har insaan doosray ki thinking ko apnay haq main istemal karnay main mahir hota/ti hai.

Aur wesay bhi aapke zehen main "job" he kyun aya? Biwi/behen "business" bhi to kar sakti hai. Aisa isi lye hua ke aapki aik limited soach hai. Aur aap uss soach ko expand bhi nahen karna chahtay kyunkeh aapko apni hikmat aur baseerat pe itna naaz jo hai.

--------------------------

Behen ka masla. Usko jealousy hai ya nahen, mental disease hai ya nahen, koi aur problem hai ya nahen. Yeh sab aapka masla nahen. Aapka masla sirf yeh hai ke usko baray bhai ke saath bad-tameezi nahen karni. Chahay kuch he kyun na ho jay.

Wesay bhi aap whatsapp main usko block kar saktay hain. Agar usko koi emergency ho jaygi to woh phone number bhi to dial kar sakti hai. Doosra bhai bhi to mojud hai. Baaqi rishtaydaar bhi mar nahen gae. Alay aap he to nahen reh gae na uski galian bhi sunain aur emergency kelye preparedness bhi show karain.
Aur agar emergency ka shikaar ho kar iss dunya se jaa bhi sakti hai aur aapka masla hamesha kelye khatam bhi ho sakta hai. Aapne khud thori na usko dhutkaara hai, usnay khud he bad-tameezi kar ke apnay raastay band kye hain.
Insaan ko kisi ki madad na bhi chahye ho tab bhi usay achay akhlaaq ka muzahira karna chahaye. Yahan to ulti ganga beh rahi hai jis se matlab hai usi ko galian.

-------------------

Aapki wife blackmail ke patent methods apna rahi hain. Unhon ne apni har baat aapse manwa li hai jabke aap apni koi bhi baat unsay manwa nahen paa rahay.

Kyunkeh aap aurat dekh kar phisal jatay hain jabke phisalna na chahye chahay apni biwi he kyun na ho. Aap baby nahen chahtay thay lekin choonkeh aapko khud pe qaboo nahen islye aapki biwi aapse yeh manwa chuki hai ke birth control use na ho.

Aurton ko pata hota hai ke bacha honay ke baad kuch bhi ho jay, talaq nahen ho sakti. Aur yeh baat NCF pe aapko pehlay batai ja chuki hai. Lekin aap jazbaati ho jatay hain aur khud pe qaboo kho beth-tay hain.

Agar biwi kehti hai ke aapko unsay pyar nahen to aap unhain yeh batain clear kar dain:

1. Pyar ka yeh matlab nahen ke har cheez dii jay. Bacha churi ya matches maangta hai to usko nahen dia jata.

2. Kia pyar ka yeh matlab hai ke materialistic items pe paisa kharch kia jay ... agar yeh matlab hai woh kyun nahen aapko cheezein dilanay pe paisa kharach karteen? Iska matlab to yehi hua ke "unhain" "aapse" pyar nahen?

3. Agar woh kahain ke woh to aapko sex deti hain to as a return aapka farz hai ke unhain paisay kharch kar ke materialistic items dilatay rahain, to unhain clear kar dain ke woh prostitute nahen, biwi hain. Agar unhain prostitute ki tarah karna hai to wo kisi dalal se contract kar lain, rozana aisay be-shumaar mard mil jaenge jo sex ke badlay bohot kuch de dainge.

4. Wesay bhi jahan woh aapko sex deti hain, waheen aap bhi to unhain sex detay hain. Yeh lo numerator aur denominator cancel.

5. Aap choonkeh jazbaati hain, aur aapko zinadgi ka tajurba nahen lekin hikmat-o-baseerat ka takabbur to bohot hai, islye bohot se loag aapke jazbaat se khilwaar kar jatay hain. Agar bushra2012 se kisi ne bhi kaha hota, ke aapko mujhse pyar nahen, to bushra2012 clear-cut keh deteen ke aapne theek samjha, mujhe bilkul bhi pyar nahen. Agar aisa ho jayga to emotional blackmail karnay wala/wali la-jawab ho jata/ti hai. Uskay paas kuch kehnay ko nahen bachta.
Lekin choonkeh aap aurat dekh kar phisal jatay hain islye shayad aapmain courage he nahen ke aisa kahain. Next time jab woh mohabbat ka ta'ana dain to unhain clear kar dain, ke aapko unsay qatai mohabbat nahen. Woh akhir kia ukhaar laingi? Uhain bhi pata hai ke martay kia na kartay unhain to aapki biwi he rehna hai, warna woh kahan chali jaengi?
silentcry Group: Members  Joined: 04th Oct, 2015  Topic: 2  Post: 14  Age:  29  
Posted on:31st Dec 2015, 4:33am
 

Shikwa with Bushra2012

Assalamu Alikum ma'am. Hope you are doing well. NCF m jitna ap acha guide karti hain utna koi bhi nahi karta as per my view. Ma'am apse humble request hi apbhi Meray thread pe reply dain. Veins walay topic pe. Ap already aik baar reply De chuki hain. Mazeed m ne issue discuss kiya hi apna kindly us pe bhi comment Kar dain. M. Apke reply ka abhi tak wait kar raha ho. Daily Login karta Ho lekin reply na deakh k disappoint Ho jata ho. Kaha suna maaf.
Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:1st Jan 2016, 11:31pm
 

re

Meri Behan k sath jo problem thi wo pata chal gayi .

Asal mai uss ko larkay tease kartay thay aur uss ney kisi ko bataya nahi tha Apnay andar hi preshan ho rahi thi.

Aaj Academy mai function tha to mai nahi giya aur seedha ghar ja raha tha. Raastay mai mai ney daikha k koi larkay meri sister ko aawazain dey k tease kr rahay hain to mujhay ghairat aa gayi aur mai ney 125 bagha k aik larkay ki tang mai maar di ghaliban uss ki tang toot chuki thi aur mai neechay utara aur doosaray larkay ko pakar liya aik larka dar k bhaag giya aur jis larkay ko pakara uss ko thapar maar maar k Police Station ley giya Aur un ko 500 dey kr achi dhulayi karwayi.

Ghar wapis aaya to sister bohut khush thi. Aur muafi mang rahi thi. Keh rahi thi k aap ney meri help ki aaj Mujhay dar aa raha tha. WO larkay fuzool ghatiya baatain bana rahay thay.


bushra2012 Group: Members  Joined: 15th Oct, 2013  Topic: 1  Post: 1781  Age:  80  
Posted on:1st Jan 2016, 5:59pm
 

Ghair-tehzeeb-yafta rawayyon ka izhaar aur uspe fakhar karna

Ooper wali post se iss uashray ki bohot sari kamian zahir ho rahi hain.

Pehla amal larkion ko tang karna hai. Yeh iss muashray ki aik haqeeqat hai.

Doosra amal yeh hai ke iss maslay se kesay nibta jay?

Dekha jay to jiska masla yeh thaa usnay maslay ka izhaar moonh se karnay ke bajay apnay he ghar main maali nuqsaan kar ke kia aur apnay he sagay rishtaydaron ko jazbaati sadma ponhcha ke kia.

Yeh aik qomi mizaj hai aur iska muzahira uss waqt bakhoobi hua jab aik ghair-mulki akhbaar main toheen-e-risalat ka irtikaab kia gya aur public ne gharon se nikal kar deegar musalmanon aur zimmion ki hi property jala ke khaak kar di.
Iskay ilawa benazir ke waqea ke baad jo ke aik qomi sadma thaa, sabhe nikal kar apas main he apnay he ham-watnon ki aur government ki har cheez ko aag laga di.

Apni harkatain yeh hain uskay baad kafir mulkon ko galian de kar (galian dena bazaa-e-khud ghair-sharai hai chahay kafir to kia shaitan ko he kyun na di jaen) dil thanda kartay hain.

---------------------

Torture:

Pakistan ne convention against torture sign kar rakha hai. Lekin police aisa karnay se nahen chookti. Ajkal TV pe bhi crime re-enactment walay dramay aa rahay hain usmain bhi yehi dikhaya jata hai ke jab mulzim/mujrim pakray jatay hain to unki officer ke saamnay peshi hoti hai aur jab hawalat main lejanay ka waqt aata hai to hawalaat main lejanay walay police walay maar peet kartay huay e kar ke jatay hain. Jabke aisa karnay ke koi jawaz nahen, kyunkeh police ka kaam detection (suraagh-rasani) and detention hai, justice (khud-saakhta insaaf ki farahmi) nahen.

Iss harkat ke nateejay main jurm ka raasta khulta hai kyunkeh loag zaati taur unn policemen/women ke dushman ho jatay hain jinhon ne unkay saath maar peet ki hoti hai jabke abhi adalat main case sabit bhi nahen hua hota. Aksar police walay qatilana hamlay main halak/shaheed/whatever hotay hain jo ke aisi he kisi zaati dushmani ka nateeja hota hai. Iskay ilawa iss se alehidgi-pasand tehreekain mazboot hoti hain. Kyun jurm ki saza alag cheez hai aur zaati waqar pe hamla alag cheez.

Choonkeh criminology pe kaafi kaam ho chuka hai, islye yeh to azhar hai jurm ki saza ke bajay zaati waqar pe hamla kia jay to jurm barhay ga, kam nahen hoga. Jabke zaati waqar (personal self-esteem) ka right constitution ke tehat aur international laws ke tehat har kisi ko hasil hai.

Naiz har waqt quran, hikmat-o-baseerat aur jihad ki batain karnay walay afraad ko bhi yeh dekhna chahye ke Nabi ki sunnat kia thee? Aik shakhs ne aik muslim aurat ko tang kia to parday ka hukum aagya, torture ka nahen. Jabke wahan mojud kai loag foran he bhai ban ke koot daltay.

Lekin zahir hai yeh maslay ka hal nahen. Aj member ko apni behen ke saath honay wala na-munasib sulook nazar agya, aur unhon ne unko iss na-munasib sulook se bachaya. Kal ko yeh mojud na hongay to kia hoga? Pehlay to sirf badtameezi thee, ab uss bad-tameezi ke saath ghussa bhi shamil hai.
Jis ilaqay se member ka talluq hai, uss ilaqay main wesay pichlay kai salon main chehray pe taizab phenknay ke waqeat aur goli mar kar larki ko qatal karnay ke waqeat tawatur se hotay ay hain.

Wesay bhi pehla thappar partay tak he dar hota hai. Aj jiski tang tooti hai kal ko woh hatak mehsus kar ke larki ka murder bhi kar sakta hai jiskay baad kia hoga? Usko saza-e-maut hogi. Phir uski bewa jism-faroshi karegi aur bachay baray ho kar criminal banaen ge. Yaani islami muashray main fasad dar fasad ka silsila shuroo ho jayga.

Jabke iss se bachnay ke asan tareen tareeqa sirf yeh thaa ke unn larkon ko dheemi awaz main yeh keh dya jata keh yeh achi harkat nahen aur ainda nahen honi chahye. Agar acha samajhtay ho tumharay ghar chaltay hain, tumharay ghar main khawateen mojud hongi, mard bhi mojud hongay, tumharay saath mil kar unpe awazain lagatay hain.

Aur ainda woh qaboo bhi rehtay. Lekin jesay he "warna" ka lafz istemal kia ya jismani taqat dikhai waheen muamla barh jata hai. Kamal hai har waqt jehad jehad totay ki tarah ratnay walay ko yeh ehsaas nahen ke rasool ne apnay tamam targets minimum violence aur most effective methods ke zariye achieve kiye. Buray ko bhi acha bana dya. Kaya palat kar di.

----------------

Jahan unhon ne yeh likha ke unhon ne policemen ko 500 rupay de kar ke thukai lagwai, hamain yeh baat na-qabil-e-yaqeen islye nahen lagi ke aisa hota hai. Policemen bhi mawaray-adalat torture methods aur jaali police muqablay main interested hotay hain. Mulk ke junoobi hissay main bohot arsay se isi baat pe tehreekain chal rahi hain ke yahan minorities safe nahen islye unhain azadi chahye.

Doosri janib inhi member ne iss harkat ko tarweej di. Aj 500 de kar sirf thukai lagwai hai kal ko 50000 de kar koi inhain ATF ke hathon ghayb karwa dega/gi. Phir inki laash kisi ghaar (cave) main sarti rahegi jabke inkay ghar walay press club ke bahar placard uthay kharay hongay. Jehad jehad yeh wesay he kehtay phirtay hain aur ab to inhon police ko bhi bribe kia hai islye case inkay khilaf wesay he strong hai. Apnay mulk ke qanoon ko bhi angrez ka kaala qanoon, shareeat se mutasadim waghera waghera waghera kehtay hain phir unhi idaron ko apni hewani jibillat ki taskeen kelye istemal kartay hain.

------------------

Ghairat: Ghairat kia hai? Ghairat ka islam main koi tasawwur nahen. Makki aur madani zindagi main iss qisim ke waqeat hain jin main kisi sahabi ke ghar ki female ke saath na-munasib sulook raah chaltay kia gya. Lekin aisa kisi bhi waqea main zikir nahen ke aisi soorat main unn loagon ne physical violence ka sahara lia ho. Iska matlab yeh bhi nahen tha unhon ne iss zulm ke khilaaf kuch bhi na kia aur bethay bithay bardaasht kia. Choonkeh zulm se rokna muslim ka bunyadi farz hai, islye unn loagon ne non-violent methods istemal kiye, na khud zulm ke murtakib huay aur saath he effectively raston ko bhi sabhi kelye mehfooz banaya.

Yeh traditional culture hai jismain khwamkha ghairat main aana, khas taur pe females ke saamnay hero-baazi dikhana, taqat ka muzahira karna aur tashaddud ka sahara lena shamil hai. Iska deen ki asal se koi talluq nahen. Albatta yeh zaroor hai ke mazloom ki madad karni hai aur zalim ki bhi madad karni hai. Mazloom ki madad usko zulm se bachana hai jabke zalim ki madad usko zulm se roknay main hai. Lekin zalim ko zulm se roknay ke baad uspe khud he zulm shuroo kar denay ka hukum kaheen bhi nahen aur aisa karna kis hadd tak saheeh hai yeh to shayad unn loagon ko ham se behtar he pata ho jo har jagah jihad ki ehmiat bayan kartay phirtay hain.



Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:1st Jan 2016, 9:38pm
 

re

Dheemi Awaaz mai samjhata ta k wo yeh samajhtay k larki ka bhai "Khassi" hai wo Itna kuch daikb k bhi humara kuch nahi bighar saka wo to bas yahi keh sakta hai k meethay meethay Islami Bhaiyo meri behan ko tang na karo
Lehaza agli dafa iss ki Behan ko rape bhi kar daina.(Mujhay to aap k upar bhi ghussa aa raha hai)

Mai ayesa ghair-tehzeeb yafta nahi hoon k unhai kahoon k agar tum acha samajhtay ho to Tumhari Behan ko bhi tease kartay hain. Meray Father ney mujhay iss maqsad k liye nahi paida kiya k mai doosaro ki Behan ko tease karoon.

Aap crime ko justify kr rahi hain. Wo taizab phainkay gain. Kiyun phainkain gey taizab? Meri Behan ney un ka kiya bighara hai?

Wo qatal kar dain gey. kiyun g? Meri Behan ney kiya un k baap ko qatal kiya hai? Jo aap un ko Itna support kar rahi hain.

Wo abh ayesa kuch nahi karain gey kiyun k un k pata hai k yeh larki shareef aur ghairatmand bhai ki behan hai. mai ney un k ID cards ki snaps ley li hain. Aur print nikal k apnay family lawyer ko dey diye hain.
Agar Mujhay ya meri Behan ko kuch huwa to humari family walay sab sey pehlay police ko in larko k contacts hi dain gey.

Zindagi aur Maot insano k ikhtiyaar mai nahi. Aap jesay log hotay hain jo burayi karnay walo k liye soft corner rakhtay hain.

Abhi Aap kahain gi k Nabi s.a.w k gustakh ko bhi muaf kar daina chahiye kiyun k Nabi S.A.W to bohut naram dil thay.

Nabi S.A.W ney Kaab bin Ashraf ko qatal karwa diya kiyun k Kaab bin Ashraf Musalman Aurato k baray mai fohush poetry krta tha. Nabi ka gustakh bhi tha.

Nabi s.a.w ney kam khoon bahaya kiyun k uss waqt insano ki tadaad kam thi.

Aaj k daor mai mujahideen ziyada khoon bahatay hain kiyun aaj insano ki tadaad ziyada hai.

Pakistan mai ATF kahan sey aa gayi?

Meri laash caves mai ghalti sarti rahay gi aur bushra2012 ki lash qabar mai ghalti sarhti rahay gi.

Aur wesay bhi "Shuhdaa" ki bodies usually intact hi rehti hain. I wish k meri laash bhi intact hi rahay.

Rahi baat Yeh k mai ney un boys k sath zulm kiya hai Subhan Allah!
Agar Yeh zulm hai to WO kiya tha Jo Meri Behan k ganday ghaleez lafz sunanay parhtay thay 2 months sey


Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:2nd Jan 2016, 9:30am
 

Ghairat Kiya hai? Ghairat ki zaroorat aur ehmiyyat!

Allama Iqbal R.A ney ghairat k mozu pr bohut kaam kiya hai. Zahir hai Iqbal hum sey behtar momin thay.

Ghairat aik ayesi khasoosiyat hai k jis ki ehmiyyat siraf "ghayyoor" nojawan hi samajh saktay.

Humaray andar ghairat hona bohut zaroori hai. Jiss tarah intelligent hona zaroori hai ussi tarah ghairatmand hona bhi zaroori hai.

Ghairat ka deen ki asal sey koi taaluk nahi Lekin insan ki mardangi sey taaluk zaroor hai. Usually mard auraton sey ziyada ghairatmand hotay hain.

Ghairat hi wo basic essence hai Jo insan ko zulm k baray mai muzahmat ki intuitive deta hai.

Ghayyoor log hi humaisha Jehad krtay hain. Ghayoor log hi Zalim ki aankho mai aankhain daltay hain.

Meray anda ghairat ka level Itna nahi jitna mujahedeen k andar hota hai.
aaalo Group: Members  Joined: 28th Jun, 2015  Topic: 4  Post: 88  Age:  23  
Posted on:2nd Jan 2016, 1:02pm
 

@ali30i brother

sorry for interrupting

lekin being a girl ,I would say

keh gairat ye nahe hoti keh agr apko apni sister beti k bary m koi asi bat pta chaly to ap un logon ki mar pitai shuru kr de or unko dikhayen k hm kitnay powerful he..

beshak wo log jo kar rhy thay wo sabsy galat ha esko kbi b justify nhe krna chahiye

lekin gairat to ye hoti ha k ap apni sis/beti ko hmesha sy asy protect kren keh koi moka he nai miley k log unsay bura krny ki try bhe kren.....,

wo school/uni jhan b jati hen ap unki responsibility len na?wrna akeli female ko dekh kr to bht log tease krty hen kiuky jb wo ghr sy bahir nikalti hen to hr type k log mojod hty hen jo bgair ksi wja k tease krty hen girls ko..,

I personally wish k mjy kbi without mehram ghr sy na niklna pry..,bt many a times brothers apny kam ko zyada imp smjty hen ya aram krna psnd krty hen jski wja sy girlls ko drivr namehram ya akely he niklna prta ha....,ye to males ki responsibility ha k wo hr hal m unko safety provide kren khud pick n drop kren wrna qabil e eitbar person ko ye responsibility den,na k asa koi waqia hony ki sorat m un bury logo ki pitai lgana shuru krde..,,

silentcry Group: Members  Joined: 04th Oct, 2015  Topic: 2  Post: 14  Age:  29  
Posted on:2nd Jan 2016, 2:35pm
 

Akhir Gussa hee kyu???

Assalamu Alikum @aaalo hope you are doing well.I am cent percent agree with you views.In our society when the female either married or unmarried step outside from home evil eyes are waiting for them.Female should accompany with her mehram when she is about to go outside.

@ali30 Gussay se insaan se itna kuch galat ho sakta hi k apki soch hi.Kisi 302 k mujrim se pochain k us time kiya hua tha apko? wo aik hee answer de ge k kash m gussa na karta,baaat khush asloobi se tae karleta. Kabhi ateefaq ho 302 k mujrim se to yeah mera sawal zaroor pochiay ga. So calm down please.Meray bhi buhat personal issues hain m ne to kisi ka sir nahi phara, hamesha khush asloobi se matter solve kiya hi.Hatha pai ki baat jab hoti hi jab baat point of no return pe ho.Hum apko yeahi samjhain gae k ap apnay andar therao lain.Abhi to ap ne job ya business bhi karna hi wahan to har tarah k logo se paala parta hi wahan bhi kia gussa karain gae kiya???? Agar meri baat buri lagi ho to kaha suna maaf.
bushra2012 Group: Members  Joined: 15th Oct, 2013  Topic: 1  Post: 1781  Age:  80  
Posted on:3rd Jan 2016, 11:16pm
 

Tribal mentality and ghairat ka byaan

Ooper questioner ne jo post ki woh mukammal taur pe qabaili aur jahila muashray ki akkasi karti hai.

1. Inhain masla yeh nahen tha ke kuch loag inki behen ke na-munasib rawayya ikhtyar kar rahay hain, jiskay nateejay main woh pareshan hai, khofzada ho rahi hai ya darr rahi hai ke kaheen koi nuqsaan na ho jay.

2. Inhain masla yeh hai ke kaheen loag inhain "khassi" na samajh bethain. Haqeeqat main inhon ne apnay aapko "aandoo" ya "boha" sabit karna thaa. Inhain maslay ke haqeeqi hal se sarokaar na thaa. Kyunkeh maslay ka haqeeqi hal maslay ko barhanay aur unconstitutional measures, medical system pe pehlay se mojud dabao main mazeed izafa kar ke, aur sarkari ahl-karon ko kiray ke kuttay ki manind zaati mafad main istemal karnay se nahen hota. Agar aisa hua karta, to sunnat se sabit hota.

QUOTE: "Mai ayesa ghair-tehzeeb yafta nahi hoon k unhai kahoon k agar tum acha samajhtay ho to Tumhari Behan ko bhi tease kartay hain. Meray Father ney mujhay iss maqsad k liye nahi paida kiya k mai doosaro ki Behan ko tease karoon."

3. Har cheez literal nahen hoti. Wohi ilm-o-baseerat jiskay dhandhoray aap peet-tay phirtay thay, uska istemal bhi kar lena chahye warna zang lag jayga. Balkeh aisa kehnay se un badmashon ki haqeeqat aap pe khulti. Kuch laog to samajh jatay hain ke jo cheez apnay sath achi nahen lagti woh doosray ke saath bhi na karo. Kuch aisa kehtay hain ke tum bhi hamaray ghar aa kar karlo. Aisay loagon ko deegar tareeqay se theek kia jata hai.

QUOTE: "Aap crime ko justify kr rahi hain."

4. Aisa mein ne hargiz nahen kia. 79+ ki age main hamain kis cheez se guzarna parta hai, yeh hamain pata hai, kamumar bachon aur bachion ki sexual harassment ki to koi intaha he nahen.
Lekin beherhal jo tareeqa aapnay apnaya uss se crime ka qila-quma nahen hoga. Yeh zaroor hai ke aap pur-tashaddud hain, tashaddud ko pasand kartayhain, aur tashaddud ke haq main har tarah ki daleelain bhi le kar aa saktay hain lekin iskay bawajud yeh bhi haqeeqathai ke tashaddud kabhi maslon ka hal nahen raha.

QUOTE: "Wo taizab phainkay gain. Kiyun phainkain gey taizab? Meri Behan ney un ka kiya bighara hai?
Wo qatal kar dain gey. kiyun g? Meri Behan ney kiya un k baap ko qatal kiya hai?"

5. Aapki behen ne unmain se aik ki tang turwayi hai. Aik ko farar honay pe majboor kai hai. Aur aik ko 500 rupay ke mawafiq kutai lagwai hai.

Jo loag pehlay he "mind their own business" nahen kar rahay balkeh gali main aati jati larkion ko tang kar rahay hain, aur aapke baqol woh itnay aadi hain ke 2 maheenay se yeh kaam kar rahay hain. Iss pata chalta hai ke woh na sirf aadi hain balkeh unkay paas itna farigh time bhi hai ke yeh sab karain.

Aapki sister ki janib se provoke kiye baghair he woh yeh sab kar rahay hain, to uski janib se nuqsaan ponhonchnay ke baad farigh to nahen bethain ge. Pehlay to unkie paas burai karnay ka jawaz bhi nahen thaa, ab to hai?

Wesay bhi apni khair manani chahye, punga nahen lena chahye. Punga lenay main sabhi ka nuqsaan hota hai. Jo loag burai kar rahayhain, woh burai ko chornay ke bajay, burai pe dheet ho jatay hain. Yeh shaitan ki fatah hai ke loag burai pe dheet ho jaen. Islye hamain aisi hikmat-e-amli apnani hai ke aj jo burai kar raha hai kalko na sirf woh burai se baaz ajay balkeh achai ko promote karay.

Yeh hai hikmat-o-baseerat ka hasil.

Wesay bhi jis ilaqay se aapka talluq hai, wahan pichlay kai salon main aisay be-shumar waqeat huay hain ke kisi ne bila-jawaz he sahi, larkay ya larki ke chehray pe taizab dala, ya qatal kar dia. Kuch arsay pehlay aik larkay ne pedestrian overpass pe aik larki ko goli mar ke khud bhi khudkushi kar li. Kyunkeh usko larki ne kuch kaha thaa jiski wajah se uski "ghairat" ko chot lag gai. Jiskay baad usnay munasib samjha ke larki ko "saza" di jay aur sharam ki wajah se khud bhi iss dunya ko khair-baad keh dia jay.

QUOTE: "Wo abh ayesa kuch nahi karain gey kiyun k un k pata hai k yeh larki shareef aur ghairatmand bhai ki behan hai"

Again, aapki jahilana soach main female ki koi value nahen, balkeh aap kisi na kisi tarah apnay aapko glorify karnay main lagay huay hain.

QUOTE: "Agar Mujhay ya meri Behan ko kuch huwa to humari family walay sab sey pehlay police ko in larko k contacts hi dain gey"

Aur asal criminal bach ke naikal jayga/jaygi. Kyunkeh aap to gali ke kutton ko target karnay main lagay hongay aur real criminals aisi h mawaqay ki talash main hotay hain. Ke investigation ko kisi aur rastay pe daalnay ka moqa milay aur ham apni karwai kar dain.

QUOTE: "Aap jesay log hotay hain jo burayi karnay walo k liye soft corner rakhtay hain"

Agar aisa hota to ham aapko khoob pump kartay. Ke aur jagah bhi jao, aur jismani maar peet ka duar daur chalao.

Beherhal ab woh larkay be-baak ho jaenge. Maar jo kha li hai. Ab woh retaliation deinge. Ho sakta hai woh aapki behen ko kuch na kahain. Kyunkeh aap jismani taur pe powerful hain. Aur family bhi strong hai. Lekin ab woh soach samajh ke weak target dhoondain ge, aisi family se jo jawab na de sakay. Haqeeqatan yeh aapki khud-gharzi aur nafs-parasti wali soach ka result hai jo aapne apnay aap ko to mehfooz karlia lekin kamzoron ko mazeed vulnerable bana dia. Kyunkh aapki soach bas itni choti si he hai, ke bas main, meri behen, aur bas finish. Aap baray muashrati masail ke hal ke qabil filwaqt nahen aur yehi wajah hai ke baray masail ke long-effects ko soachnay main bushra2012 aur aisay doosron ka haath hai jinki hikmat-o-baseerat selective nahen hoti.

QUOTE: "Nabi s.a.w k gustakh ko bhi muaf kar daina chahiye"

Doosray kia kahainge, yeh aap acha assume kar letay hain. Nabi SAWW ke gustakh ka case alag hai. Pehli baat to yeh hai ke Nabi SAWW ki shakhsiat se to comparison aapki behen ka nahen ho sakta.
Doosri baat yeh hai ke Nabi SAWW ke khilaf be-shumar loagon ne bohot kuch kia, lekin unko muafi ka moqa dia gya. Jin loagon ne tab bhi dhitai dikhai unhain saza dii gai. Warna gustakhi to kia, kitnay loagon ne to murder attempt bhi ki, balwa bhi kia, napaki bhi unpe daal di, aur mercenary bhi hire kiye. Lekin inmain se jis jis ne muafi maangi, usko muafi dii gae. Agar rasool-o-sahaba pehlay he ghussay main hosh kho bethnay ki wajah se maar peet shuroo kar detay to kahan ki muafi aur kahan kia dialog process? Yaqeenan muafi maangnay ke moqa dya gia aur uskay baad jisnay dhitai dikhai usko saza di gai.

Isley sunnat ko dekhain sunnat ko. Jo dushman thay unhain bhi dost banaya. Jo buray thay unhain acha banaya.

QUOTE: "Nabi s.a.w ney kam khoon bahaya kiyun k uss waqt insano ki tadaad kam thi.

Aaj k daor mai mujahideen ziyada khoon bahatay hain kiyun aaj insano ki tadaad ziyada hai."

Afsos ki baat hai ke aapke nazdeek yeh justification true hai. Nabi SAWW ke daur main bhi, aur uss se pehlay bhi, bar bari jangain hueen aur khoob qatl-e-aam huay. Insanon ki tadad se wesay bhi jehad ka talluq nahen. Jehad aik targeted way main sirf unn loagon ko qatal karta hai jo khullam khulla badmaashi karain. Yeh thori ke population control ke taur pe jihad ko istemal kar lo.

QUOTE: "Pakistan mai ATF kahan sey aa gayi?"

Ab yeh main aapko bataon?

QUOTE: "Meri laash caves mai ghalti sarti rahay gi aur bushra2012 ki lash qabar mai ghalti sarhti rahay gi."

Yeh aagai khud-gharzi ki aik aur misaal. Insaan tareeqay se faut ho, maut nagehaani na ho (nagehaani maut se anbia AS ne bhi panah mangi hai aur apni ummaton ko bhi aisa karnay ki hidayat ki hai), to ghar walay bhi aik waqt pe aa kar sakoon main ajatay hain. Lekin agar lapata ho jay to press club ke bahar placard utha ke bethay rehtay hain ke pata zinda bhi hai ya mar gia? Kis haal main hai? Iski biwi, biwi hai ya bewa? Bachay yateem hain ke baap walay? Biwi ki doosrai shadi karwai jay ya nahen?

Lekin yeh khud-pasandi ki aala misal hai ke ghar walon ki takleef ka khyal na kia jay. Bas apni apni pari rahay.

Aik buzurg ka inteqaal honay laga (chand saal pehlay ki baat hai). Unhon ne dua ki ramzaan main maut na ay. (Aam taur pe ramzan main wafat ko ba-barkat samjha jata hai jabke aisa hadees se sabit nahen). Loagon ne poocha ke aisa kyun? Unhon ne kaha, loag rozay se hongay, gehwara uthaen ge, qabar khodain ge, rozay main mushaqqat hogi.

Achay loag apni maut main bhi oosron ki asani aur rahat ka khyal kartay hain. Khud-pasand jo nahen hotay.

Laash ka kia hai, usnay to matti main he mil jana hai.

QUOTE: "Rahi baat Yeh k mai ney un boys k sath zulm kiya hai Subhan Allah!
Agar Yeh zulm hai to WO kiya tha Jo Meri Behan k ganday ghaleez lafz sunanay parhtay thay 2 months sey"

Aap hamesha apnay amal ko doosron ke amal ke reaction ke taur pe compare kartay hain. Jabke qiyamat ke din ye justification na chalegi. 2 distinct waqeat ke taur pe isko treat kia jayga.

Unn larko ne aapki behen ke saath burai ki, qimayat ke din Allah unkay beech insaaf farma dainge.

Phir aapki baari ajaygi. Jab aapko pata chala, ke unhon ne aapki behen ko tang kia, to aapko qalbi takleef hui. Aapne unkay saath maar peet ki, to aapne unko jismani takleef ponhcha di. Choonkeh qiyamat ke din to sabhi kuch measure ho jayga, islye Allah measure farmaen ge ke unkay amal se aapko jo takleef ponhchi woh kitni thee. Yeh bhi measure hoga ke aapke amal se unhain kia nuqsaan ponhcha. Utlimately jisko ziada takleef ponhchi hai, usko doosray ki naikian milengi aur aur uskay gunah doosray ke balance main chalay jaenge.

Sawal to yeh hai ke 2 maheenay se aapki behen ko tang kar rahay thay aur usnay ghar pe ya kaheen aur kisi se madad nahen li? Ya to woh khud shamil thee, ya phir ghar pe uska koi aisa sahara nahen jis se woh apni takleef bayan karay. Iss se aapka ghayyoor, aur shareef aur woh sab self-serving tareefain jo aap nay apnay moonh mian mithoo ki hain woh jhooti par gaen.
Jisko ghar walay he itna stable na samjhainke apni pareshani uss se bayan karain, uski kia haisiyat hai?

-------------------

Ghairat ka bayan:

QUOTE: "is ki ehmiyyat siraf "ghayyoor" nojawan hi samajh saktay"

Yeh keh kar aapnay iski understanding ko exclusivity de di hai. Jis cheez ko aapki nazar main, koi aur samajh ha nahen sakta/ti, usko samjhana bekaar hai.

QUOTE: "Jiss tarah intelligent hona zaroori hai ussi tarah ghairatmand hona bhi zaroori hai"

Intelligent hona hargiz zaroori nahen. Isi tarah ghairat hona bhi hargiz zaroori nahen.

Aur Iqbal kitnay momin thay yeh to unki darhi ki lambai se maloom ho jata hai.

QUOTE: "Ghairat ka deen ki asal sey koi taaluk nahi Lekin insan ki mardangi sey taaluk zaroor hai"

Ab andar ki ghilazat khul kar saamnay agai. Yaani deen ki ehmiat nahen hai, sunnat ki ehmiat nahen, sahaba ke areeqay ki ehmiat nahen, sabko jannat main lejanay ki koshish ki ehmiat nahen, buray ko bhi acha bana denay ki ehmiat nahen; jabke mardangi ki ehmiat zaroor hai. Islye kaha thaa ke jehad jehad ka jo bukhar aapko charha hai iskay peechay koi internal guilt hai. Aur mukhtalif tarah ka internal guilt waqfay waqfay se aapki posts main zahir ho jata hai.

Haqeeqat main ahadees main haya ka zikir hai jabke ghairat uss se different concept hai. Haya insaan ka khuda se rishta hai aur ismain tashaddud ka koi pehlu nahen.

QUOTE: "Ghairat hi wo basic essence hai Jo insan ko zulm k baray mai muzahmat ki intuitive deta hai"


Jo loag ghairat ki wajah se zulm ko resist kartay hain woh apni niyyat ka tazkiyah kar lain.

Jo loag khuda ko khush karnay kelye aur khuda ka hukum poora karnay kelye zulm ko resist kartay hain woh theek kar rahay hain.

Har koi apnay dil main jhaank le ke meray andar nafasani khwahish yaani ghairat hai jo mujhse zulm ki mazahmat karwa rahi hai ya meray andar islami pehlu hai yaani khuda ki raza dhoondnay ki khwahish.

QUOTE: "Ghayyoor log hi humaisha Jehad krtay hain. Ghayoor log hi Zalim ki aankho mai aankhain daltay hain"

Ghayyor loag ghairat ke naam pe qatal kartay hain. (Honour killing). Ghayyoor loag pehlay gali main kisi mard ko qatal kar detay hain, jiska unhain koi ata pata bhi nahen hota. Dekh ke qatal kartay ke ghareeb ho aur iskay ghar walay insaaf ko afford na kar saktay hon.
Phir woh ghar aa kar apni behen ko qatal kar detay hain. Iss tarah zameen batwaray se bach jati hai kyunkeh warison ki tadad main kami jo ho jati hai.

Abhi bhi aapne unn larkon ke ID le liyay hain. Chand baras baad jab aapka apni behen ko ghairat ke naam pe qatal karnay ka irada ho jayga, tab isi ID card ki basis pe aap unmain se kisi larkay ko uthwaen ge, aur thoray pesay de kar mawaray-adalat qatal kar ke ghairat-mand hero bhi mash-hoor ho jaenge aur zameenein bhi batwarary se bach jaengi. Allah karay ke mera andaza ghalat ho.

QUOTE: "Meray anda ghairat ka level Itna nahi jitna mujahedeen k andar hota hai"

Mujahideen professional satisfaction kelye jehad kartay hain. Kyunkeh jiahd is a career. Ghairat kelye jihad nahen kartay. Han koi koi mujhahideen hotay hain jo waqai sirf sirf Allah ke saath mukhlis hotay hain, woh career ke wastay nahen balkeh Allah ke wastay jihad kartay hain, lekin ghairat ka pehluu unkay paas bhi nahen hota. Aapko apni traditional tribal and illiterate thinking ko kisi tarah se justify karna hai aur uskay lye aap iqbal ka sahara le rahayhain aur kabhi jehad ka.

-------------------------

Kuch members ne aisi batain ki hain jinse unki na-tajurba-kaari ka bakhoobi andaza hota hai.

QUOTE: "apni sis/beti ko hmesha sy asy protect kren keh koi moka he nai miley k log unsay bura krny ki try bhe kren"

Sexual harassment to larkon ki bhi hoti hai. Unki protection kon aur kesay karay ga/gi? Iss sentence se yeh andaza hua ke questioner ki nazar main sirf women ko protection hasil honi chahye, yeh aik intahai sexist aur inquality pe mabni jumla hai.

QUOTE: "akeli female ko dekh kr to bht log tease krty hen"

Akelay males ko balkeh kai kai males together hon tab bhi loag tease kartay hain. Lekin zahir hai one-sided story bayan ki ja rahi hai, mardon ka kaam he yehi hai ke har cheez bardaasht kar ke ghadhay ki tarah kamatay rahain. Unki pareshanion ko kabhi accept bhi na kia jay na he highlight kia jay.

Aisi teasing sirf religion-based societies main he hotay dekha ham ne. India iss harkat ki wajah se badnaam hai. Iskay ilawa Egypt bhi mashhoor ha.

Religion-less societies main zabardasti ka concept kam he hai. Han razamandi se jo chahay kartay raho.

QUOTE: "I personally wish k mjy kbi without mehram ghr sy na niklna pry..,bt many a times brothers apny kam ko zyada imp smjty hen ya aram krna psnd krty hen"

Kai females ke har har sentence se na-shukray pan ka izhaar hota hai. Sab inki khidmatain kartay rahain jabke inse kisi ko kia milay?

QUOTE: "ye to males ki responsibility ha k wo hr hal m unko safety provide kren"

Yahan likhari ki khud-gharzi poori tarah wazeh hogai yaani males ki he har responsibility hai aur unhain apni responsibility ko har haal main poora karna hai. There is no other option. Aksar males gadhay ki tarah kamatay hain lekin ghar ki females ki farmaishain he khatam nahen hoteen ke yahan bhi lekar jao wahan bhi lekar jao. Phir woh accompany nahen kar patay to batain bhi sunna parti hain. Aksar females gari chalana bhi nahen chahteen kyunkeh unkay khyal main iss se thakawat ho jati hai.
Yaani women yeh chahti hain ke equality bhi ho, rights bhi milain, lekin equality aur rights waheen tak milain jahan unhain faida ponhonch raha hai.

-----------------------

Mazeed member ne bhi sexist comments dye.

QUOTE: "In our society when the female either married or unmarried step outside from home evil eyes are waiting for them"

What about males? Kya unkay lye evil eyes nahen hoteen?

Aur sara zour "in our society" pe hai. Aur aisi pareshanian religion based oppressive societies main he ziada hain jahan crime ko shaitan/devil/lucifer/burai ki hiss/burai ki taqaton waghera ke sar daal dena aasan hai.
Deegar societies main yeh masail na honay ke barabar hain aur iskay peechay bohot si wajooh hain.

QUOTE: "Female should accompany with her mehram when she is about to go outside"

Mehram ko kon accompany karay? Uski hifazat kon karay? Mehram ke paas aur koi kaam nahen zindagi main ke bas har waqt security escort he faraham karta rahay?
Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:3rd Jan 2016, 7:09pm
 

@bushra2012

To kiya Mujhay un larko sey muafi mangni chahiye. Agar unho ney mujhay muaf na kiya to phir? Shaid Allah bhi Mujhay muaf na karain.
Uss larkay ko fracture nahi huwa bas skin phati hai aur stitches lagay hain.
Mai subah zaroor un larko k ghar jaon ga muafi mangnay k liye, Kiya mujha un k Parents ko bata daina chahiye k yeh log Meri Behan ko takleef daitay thay.

Mujhay un larko k liye abh dil mai koi "nafrat" nahi rakhni kiyun k asal nafrat to burayi sey karni chahiye burayi karnay walay sey nafrat nahi honi chahiye, Uss ki help krni chahiye burayi chornay mai.

Mujhay aap ki samajh aa gayi hai. Lekin aik confusion hai. Matlab Jo takleef Meri Behan ko mili wo kiyun mili?aur un larko ki indirect waja sey hazaaro rupees ka nuqsan huwa. Yeh baatain meray zehan mai aa rahi hain.

Lekin phir Allama Iqbal R.A ney kayi jaga Ghairat-e-Deen ka lafz kiyun use kiya. Jab k deen ka ghairat sey koi taaluk nahi ha. Wo to bohut naik thay darhi to meri bhi nahi hai. Mujhay darhi rakhnay ko dil chahta hai par Dada Abu nahi rakhnay daitay. Jab thori si shave barh jaye to wo naraz hotay hain kehtay hain k to mera beta nahi lag raha kisi Mulla ka bacha lag raha hai. Shaid Iqbal ki bhi koi majboriyan hon darhi na rakhnay ki.

Abh kiya apni Behan ko bata doon k mai un k address pe ja raha hoon muafi maangnay k liye.
Lekin abh mai ne mehsoos kiya hai k meri behan apnay aap ko secure feel krti hai kiyun k abh uss ko rastay mai takleef pohunchanay koi nahi aata wo khush rehti aur saray din ki baatain mujh sey share krti hai.

Aik baat ki Mujhay samajh nahi lag rahi. Aur aap ney bhi clear nahi kiya. k Hum log apni Behan ya ghar ki females ko iss tarah street badtameeziyon sey kesay bacha saktay hain? Kiya kisi bhi soorat hath uthana jaiz nahi? Bas zuban sey hi roka jaye k "Jao bhai tang na karo yeh humari sister hain inho ney aap ka Kiya nuqsan kiya hai"

Agar koi phir bhi baaz na aaye to kiya humaray ghar ki females insecure hi feel karain gi k humaray mard noneffective hain society mai.
Lekin mera khiyal yeh tha k aggression krnay sey humari females apnay aap ko secure feel karain gi.

Abh mera dimagh bilkul double minded ho raha hai. Kabhi kabhi to mujhay in problems ka hal nazar nahi aata. Mujhay andar sey dar lagta hai k jab humari koi beti ho gi to wo barhi ho k bahir jab parhnay k liye jaye gi to agar uss k sath kisi ne badtameezi kar di to wo hurt ho jaye gi. Yeh baat soch k mujhay rona aa jata hai. Kiyun k aggression karnay ka hukam nahi hai to kiya humari beti ko bhi yeh sab bardasht krna parhay ga mujhay bohut aansu aa rahay hain yeh baat soch k. Yeh baat apni wife sey share nahi kr sakta Kiyun k wo phir hr baat ka mazaq bana laiti hain.

Agar un larko k ghar walo ney kaha k hum tum sey badla laina chahtay hai tumhari tang zakhmi kr k aur torture kr k to phir Kiya mujhay apnay defence nahi karna chahiye. Mai un sey kahoon ga k aap mujh sey dunyabadla ley lo Lekin qayammat walay din Mujhay muaf kr daina.

Agar meri tang zakhmi ho gayi to mai University kesay jaaon ga. Aur Job pe kesay jaon ga. Lekin phir meray Dada Abu nahi chorhain gey un logo ko.

Kuch samajh nahi aa rahi. Aur Mujhay guilt feel ho raha hai. Mai ney un larko k sath zulm kiya. Abh Mujhay zinda rehnay ko dil nahi karta roz koi na koi ghalat kam ho jata hai.

Wife bechari yeh samajhti hain k mujhay un sey love nahi kahin mai un k sath zulm to nahi kr raha. Mai bohut bura hoon Madam g aap theek kehti hain meray andar koi hikmat aur baseerat nahi.

aaalo Group: Members  Joined: 28th Jun, 2015  Topic: 4  Post: 88  Age:  23  
Posted on:3rd Jan 2016, 8:02pm
 

.....

apka logic thek ha ,lekin males k sath asa bht km hota ha,females k sath bht commonly ye sb hta ha,m apsy debate ni kr ri ,jst apna pint of view bta rhe hn...,

agr ap jesa keh ri hen ,to phir asa kiu ha k hajj per male to akely jasakty hen lekin female mehram k bgair nhe?

or ahadees m jst female k liye kiu kaha gya ha k mehram k sath he ghr sy niklyen?male ko q ni kha gya k ap b apni safety k liye ksi ko sath len

mra experinc ye ha k hm agr mehrm k sth bahr niklyen to zyada seure feel krty hen,chahy wo hmsy age m chotay hon ya chahy physicly weak he q na hon ,unki presence dosron ki bdtmezi krny ki himat kafi had tk khtm krdeti ha or comparatively km chances hty hen k koi rasty m bdtmezi/tease kry..

agr m glat hn to plz mjy b correct kriye ga



MOD EDIT: Removed a few blank lines from bottom of post.
silentcry Group: Members  Joined: 04th Oct, 2015  Topic: 2  Post: 14  Age:  29  
Posted on:4th Jan 2016, 3:45pm
 

@Bushra2012

QUOTE: "In our society when the female either married or unmarried step outside from home evil eyes are waiting for them"

What about males? Kya unkay lye evil eyes nahen hoteen?

Aur sara zour "in our society" pe hai. Aur aisi pareshanian religion based oppressive societies main he ziada hain jahan crime ko shaitan/devil/lucifer/burai ki hiss/burai ki taqaton waghera ke sar daal dena aasan hai.
Deegar societies main yeh masail na honay ke barabar hain aur iskay peechay bohot si wajooh hain.

1: Maam Assalamu Alikum umeed karta ho ap khairiyat se hongi. Maam kiya baat kar rahi hain western countries m to sex aik aam se baat hi.Aur unki dictionary m izat naam ka koi word hee nahi hi. USA m sex k kiya halaat hain yeah sab janty hain. Ap pata nahi kin societies ki baat kar rahi hain mujhay zaroor batayie ga.Delhi m jo larki k sath hua usay sun k to har kisi ki rooh kaamp jae.Abhi class 8 ki bachi k sath rape hua hi in lahore.

2: Sab se zada porn sites Pakistan m deakhi ja rahi hain.Google trend ramadan m porn sites ka bhi zada hi.

3: Universities colleges k bahir jo haal hota hi wo kisi se chupa hua nahi hi.



QUOTE: "Female should accompany with her mehram when she is about to go outside"

Mehram ko kon accompany karay? Uski hifazat kon karay? Mehram ke paas aur koi kaam nahen zindagi main ke bas har waqt security escort he faraham karta rahay?


Aurat ki hifazat mehram ki duty hi else churian pehan k beth jae ghar.Maam m koi islamic scholar nahi ho lekin itna zaroor ilam hi k mard ko aurat pe aik darja faukiat di gai hi.Mard ka kaam aurat ki hifazat bhi hi. Aik bhai apni behan ki hifzat nahi karega to muhallay wallay to anay se rahe.Mera point of view simple hi aurat ko ghar se agar nikalana bhi pare to mehram ka hona zaroori hi.Yeahi shariat ka bhi hukam hi. Ap meray point of view se agree ho ya na ho its totally upto you.
For More Detail Click On Page No: 1 2  >>
 
 
 
Pakistan Day Celebration In Malaysia  How to get Canadian Work Permit  Indian Students Dance In USA
  Prof Arshad Javed Hypnotist and Clinical Psychologist  

 


Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us