Prof Arshad Javed Books In Urdu PDF Free Download
 

Forum.Noorclinic.com
Noor Clinic Pakistan Forum

 
Letter to Erfiwa
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
  Ask A Doctor
Warning: This Website is not for people who are less than 16 years of age. Please Exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Baby Care
Daily Questions
    Start New Topic  My Profile
 

Meri Sister ne Mujhay doosri dafa hurt kiya

Social Problem
 
 
bushra2012 Group: Members  Joined: 15th Oct, 2013  Topic: 1  Post: 1796  Age:  80  
Posted on:5th Jan 2016, 9:58am
 

Ali30i, maar kutai scene and ensuing situation

1, Filwaqt aapko yeh mashwara to nahen dia ja sakta ke aap wahan ja kar unsay muafi mangain. Kyunkeh aap to aaf dili se aur mazhabi nuqta-e-nazar se aisa karain ge lekin zaroori nahen ke woh bhi saaf dili aur mazhabi nuqta-e-nazar se he iss muamlay ko dekhain. Yeh bhi ho sakta hai ke woh aapki sharafat ko weakness samjhain.
Jab sharafat dikhanay ka time thaa aur muamla sharafat se bhi sambhal sakta thaa tab aapne aisa na kia, lekin ab sharafat dikhanay ka time nikal chuka hai aur ab alehidgi ka time hai, yaani no interaction.
Beherhal aap 2 rakat parh ke Allah se zaroor maafi maang saktay hain ke jahan tak aapne unsay ziadti ka badla lia, wahan tak aapka lazmi haq thaa jisay koi nahen cheen sakta, lekin jahan badla khatam hogya aur uss se ziada pitai kardi, wahan zulm shuroo ho gya.

Asal main aadmi apnay aap ko bohot he bara samajhnay lag jay to bhi kuch masail kharay hotay hain. Bohot saray kaam young larkon ke karnay ke nahen hotay. Beherhal ab to jo hona tha woh ho chuka.

2. Unkay parents ko pata he hoga. Agar pata hoga to larkay qaboo main nahen, aur agar nahen pata to unhain parwa he nahen. Aisay ghafil parents ki bhi kami nahen jo aagay peechay hil kar retire ho gae aur ab aulad kia kar rahi unhain koi fikir bhi nahen.

QUOTE: "confusion hai. Matlab Jo takleef Meri Behan ko mili wo kiyun mili"

3. Yeh Freud ka nazariya hai. Ke jo bhi shakhs burai kar raha ya rahi hai woh iss wajah se hai ke uskay saath kabhi bura hua hai.

4. Hamara nazariya beherhal yeh hai ke kisi ke saath bura hua thaa to ispe hamain hamdardi zaroor hai, ham sang-dil nahen, lekin agar ko burai mili hai to usko burai karnay ka haq hasil nahen ho jata.

Burai se rokna farz hai. Burai na karnay dena farz hai. Lekin zulm karna haram hai. Zulm kyay baghair bhi burai se roka ja sakta hai aur iski misalain mojud hain.

5. Jo burai aapki behen ke saath hui uski bohot saari long term reasons hain lekin samnay ki baat yehi hai ke woh larkay badmaashi kar rahay thay. Unhain aisa karnay main maza araha thaa aur woh ya to isko bura he nahen samajhtay, ya bura samajhnay ke bawajud aisa karna pasand kar rahay thay.

QUOTE: "Allama Iqbal R.A ney kayi jaga Ghairat-e-Deen ka lafz kiyun use kiya"

6. Iqbal aik azad muashray ke fard na thay. Qaum ko bairooni ghasibon ne ghulam bana rakha thaa. Allama ki shayri main jis deeni ghairat ka tazkira milta hai woh jazba-e-hurryat ka hai, yaani ke qaum ko ghairat dilana ke dekho, tum to ghulam banay bethay ho.

7. Iqbal ka ghairat ka nazarya aur footpath pe maar peet, inn 2non main zameen asmaan ka farq hai.

QUOTE: "Abh kiya apni Behan ko bata doon k mai un k address pe ja raha hoon muafi maangnay k liye"

8. Yeh muamla aapka aur un larkon ka hai. Ismain behen ko report submit karanay wali baat kahan se agai?

9. Aap jazbaat main ajatay hain aur vision apni zaat tak mehdood hai. Harkat karnay se pehlay sochna hota hai ke doosron pe bhi iska asar hoga. Pehlay aapne unki thukkas laga dii. Iskay muzir asrat kaafi loagon pe parainge, ab agar aap unsay muafi maangnay beth jaenge to muzir asrat main izafa hoga. Chunanche iss case ko dafan honay dain aur ainda kelye apni situation change karain.

QUOTE: "Hum log apni Behan ya ghar ki females ko iss tarah street badtameeziyon sey kesay bacha saktay hain"

10. Bad-qismati se yeh wahiat harkatain hamaray muslim muashray ka hissa hain.

11. Aap ka sawal bhi apni zaat tak he mehdud hai yaani ke apnay ghar ki females ko bachana. Jabke agar koi burai baray paimanay pe hai to jahan bhi dekhain usko rokna hoga. Jab aisi harkatain karnay walon ko pata hoga ke jesay he kia, koi na koi tok dega, to woh chahnay ke bawajud aisi harkatain nahen karainge.

12. Aam taur pe aisay waqeat main tanbeeh kafi hoti hai. Zaroori nahen hota ke dheenga mushti bhi ki he jay.

QUOTE: "Kiya kisi bhi soorat hath uthana jaiz nahi"

13. Aisa kis ne kaha? Burai ko roknay ke hukum wali hadees nahen suni?

14. Hath to uss waqt uthaya jay jab uski zaroorat ho. Kisi se aapnay kaha he nahen, warning he nahen di, ja ke andha dhund peet dala, na usko pata hai ke aap uss se kia chahtay hain ... na aapko pata hai ke aap uss se kia chahtay hain. Yeh tareeqa nahen hota muamlat ko sambhalnay ka.

15. Agar kuch loag aisi wahiat harkatain kar rahay hain, to aisa kaam karna hota hai ke unpe roab taari ho ke ainda aisi harkatain nahen karni. Aapne yeh assume kar rakha hai ke jab tak aap doosron ko marain ge nahen woh aapki baat he nahen sunain ge. Kai maan baap bhi aisa he assume kartay hain aur bachon ki har waqt pitai kartay rehtay hain.

16. Wesay bhi maumlay ko aahista aahista escalate kia jata hai. Aapne samjha dia, woh baaz nahen ay, agli baar aik thappar de dain, haftay bhar baad phir wohi harkat, iss bari uss se bhi bara action le lain.

QUOTE: "aggression krnay sey humari females apnay aap ko secure feel karain gi"

17. Aam taur pe females iss soorat main secure feel nahen karteen, balkeh unhain khatra hota hai ke iss se bhi ziada shadeed retaliation na aa jay. 24 ghantay to aapka bhi saath rehna mumkin nahen. Aur yeh aapko bhi maloom hai. Islye muamlay ko aisay kartay ke saan bhi mar jay laathi bhi na tootay.

QUOTE: "mujhay in problems ka hal nazar nahi aata"

18. Jesay jesay problems aati hain, wesay wesay hal bhi aata hai. Aj koi loag tang kar rahay thay, yeh to muashray ka hissa hai, kal koi aur loag tang karainge.

QUOTE: "jab humari koi beti ho gi to wo barhi ho k bahir jab parhnay k liye jaye gi to agar uss k sath kisi ne badtameezi kar di to wo hurt ho jaye gi"

Iska risk ziada nahen balkeh risk ziada iss baat ka hai ke jab woh parhany ki umar ko ponhchi he na hogi tab ghar ke andar he koi na koi uskay saath sex kar lega/legi.
Yeh aik common harkat hai jo bohot se boys & girls ke saath hoti hai aur kai kai loagon ki janib se hoti hai magar isko discuss karna pasand nahen kia jata.
Wsay bhi aapki thinking yak-tarfa hai kyunkeh larkon ko tang karnay walay aur tang karnay walian bhi kam nahen.

QUOTE: "apni wife sey share nahi kr sakta Kiyun k wo phir hr baat ka mazaq bana laiti hain"

Selection aur spouse koi bachon ka khail nahen hota. Yehi girl jo aapko bohot pasand theen ab aapko andaza ho raha hai ke jis zehni satah pe aap sochtay hain woh uss zehni satah ka mazaq urati hain. Jabke woh khud bhi female hain aur beti ki jin pareshanion ka soach ke aapko abhi se rona araha hai, biwi ko to woh bohot achi tarah samajh arahi hongi. Lekin iskay bawajud woh aapko samajhnay ke bajay mazaq urana pasand kar rahi hain.

QUOTE: "Agar un larko k ghar walo ney kaha k hum tum sey badla laina chahtay hai tumhari tang zakhmi kr k aur torture kr k"


Aapko baap bannay ki aadat hai har jagah. Kuch batain baron ke karnay ki hoti hain. Ab agar aap ja kar unsay yeh baat karain gae to phir woh hadd se aagay nikal jaenge, muamla equal nahen rahay ga. Isi lye kaha hai ke iss muamlay ko chor dain, barhaen nahen.

QUOTE: "Wife bechari yeh samajhti hain k mujhay un sey love nahi kahin mai un k sath zulm to nahi kr raha"

Yeh to aap dekh saktay hain ke aap unkay saath munasib rawayya rakhain. Lekin agar woh khwamkha mazloomiat ka dhandora peet rahi hain to ... yeh to bohot se aurton ki adat hoti hai. Aur mardon ki khoobi he yeh hoti hai ke asli aur naqli ansuon main far kar sakain.
For More Detail Click On Page No: 1>>
 
 
 
Pakistani in Italy  How To Get Visa For Japan  Bangladeshi Community Celebrating Canada Day In Toronto
  Prof Arshad Javed Hypnotist and Clinical Psychologist  

 


Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us