Prof Arshad Javed Books In Urdu PDF Free Download
 

Forum.Noorclinic.com
Noor Clinic Pakistan Forum

 
Letter to Erfiwa
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
  Ask A Doctor
Warning: This Website is not for people who are less than 16 years of age. Please Exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Baby Care
Daily Questions
    Start New Topic  My Profile
 

Suggestion.please. - Admission In PEC UnRecognized Computer Engg

Career and Success
 
 
jackdalton Group: Members  Joined: 27th Sep, 2015  Topic: 4  Post: 17  Age:  29  
Posted on:7th Jan 2016, 9:07pm
 

Suggestion.please. - Admission In PEC UnRecognized Computer Engg

Computer engineering ka scope k bary koe bta sakhta he mujhe addmission lena he N mai kafi confused houn about it. Q k jis university se krne ka soch raha hu CE wo PEC se recognized nahi he PEC se recognized nahi hoti to masla hota he kafi? please give me a better suggestion sir.Thanks.

MOD EDIT: Appended title.
goodman Group: Members  Joined: 11th Oct, 2007  Topic: 66  Post: 7815  Age:  36  
Blocked
Posted on:8th Jan 2016, 11:37pm
 

Hello Sir

Kissi mashwara say phalay ap apni previous qualification aur marks kee background batain.ha apni interst aur hobbies be batain..pher ma mashwara doo ga
jackdalton Group: Members  Joined: 27th Sep, 2015  Topic: 4  Post: 17  Age:  29  
Posted on:9th Jan 2016, 9:29am
 

Qualification.

Sir mai ne abi last intermediate k papers die the N results bhi acha raha tha 75% computer science nOw, University k lie apply kr raha hu tu ossi k bary mai poch raha tha k PEC se recognization zarori hoti he ek engineer k lie? Or computer engieering ka scope he jobs offer hoti hen?? Sir future k bary mai sincere houn koe galt step nahi lena chahta isi liye yahan suggestion lene aya houn family ki kafi hopes hen mere ghr se srif mai parhoun ga university mai..
Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:9th Jan 2016, 9:44am
 

re

Aap ki age kiya hai. Profile k hasab sey to 28 likhi hai.

22 k baad to kisi ko BE mai admission nahi milta.

Meray bhi 75% marks thay DAE mai Lekin mujhay Engineering mai admission nahi huwa that. Air phir CS mai huwa.

Aap bhi CS mai kar lain. Computer engineering air computer Science mai bohut faraq hota hai.

Aap easy path choose karain Computer Science mai jayain.

Engineering karna Asaan nahi hai. Aur computer engineering ka Pakistan mai na honay k barabar scope hai agar PEC ney degree approve na ki to phir kon job dey ga aap ko.

phir aap ney rona hai zor zor sey.

Karna hi hai to phir Electrical ya Civil mai karain kam z kam job to mil jaye gi na 20 - 25 hazaar wali.
jackdalton Group: Members  Joined: 27th Sep, 2015  Topic: 4  Post: 17  Age:  29  
Posted on:9th Jan 2016, 10:00am
 

Thanks bro

meri actual age 2o he? N mera name ek university mai agaya he to phr mujhe kya krna chahiye ?? Or uni bhi govt he?
jackdalton Group: Members  Joined: 27th Sep, 2015  Topic: 4  Post: 17  Age:  29  
Posted on:9th Jan 2016, 10:07am
 

??

N university wale keh rahe hen k chand years mai ye feild bhi recognized ho jai gi.....phr ab mujhe kya krna chahiye?
Ali30i, Group: Members  Joined: 13th Dec, 2015  Topic: 6  Post: 82  Age:  23  
Posted on:9th Jan 2016, 10:42am
 

re

Kar lain phir university to achi hai.
bushra2012 Group: Members  Joined: 15th Oct, 2013  Topic: 1  Post: 1787  Age:  80  
Posted on:9th Jan 2016, 11:35pm
 

PEC unrecognized engineering course karna

1. Pakistan main engineering aik regulated profession hai.

2. Regulated profession kia hota hai? Regulated profession woh profession hai jisko apnanay kelye government se practice license lena parta hai. Example: Medical aik regulated license hai. Chunanche dunya ke kisi bhi mulk kaheem ka/ki bhi taleem-yaafta doctor ho, wahan ja kar pehlay uss mulk ka medical practice exam pass karta/karti hai. Uskay baad he usko practice license dia jata hai. Jo loag practice license na lain woh mukammal taleemi asnaad honay ke bawajud aik crime commit kartay hain.

3. Kisi ghair-akhlaaqi ya ghair-peshawarana harkat ke nateejay main practice license kuch arsay kelye ya ta-hayat mansookh bhi kia jata hai. Ghair-akhlaqi harkat ka matlab sirf zina zina zina nahen. Balkeh profession se related bohot saari bad-diyanati ho sakti hain unka zikir hai.

4. PEC woh wifaqi idara (federal level institution) hai jo Pakistan main engineering ki taleem aur paishay (education and profession) ko regulate karta hai.

5. PEC ki website pe har saal list di jati hai ke kis university ke kis discipline/faculty ko kis subject ke kitnay students ko dakhla denay ki ijazat di gai hai.

QUOTE: " Q k jis university se krne ka soch raha hu CE wo PEC se recognized nahi"

6. Questioner ko pooray taur pe rehnumai nahen mili. "University ki PEC recognition" ye alfaaz ba-ma'ni ya na-mukammal hain. Aik he university main aisa mumkin hai ke aik course PEC recognized ho aur doosra na ho. Kai martaba aisa hota hai ke aik university aik new subject announce karti hai aur students ko uss subject main dakhla bhi de deti hai. Baad main pata chalta hai ke iss university ke classical disciplines yaani mechanical, electrical aur civil to hamesha se PEC recognized hain lekin yeh new discipline jismain bohot kam seats ke saath new students ko dakhla dia gya hai, PEC se recognized nahen.

7. Kabhi aisa university ki bad-niyyati ki wajah se bhi hota hai. Yaani students ke zehen main yehi tassur hota hai "PEC recognized university" to phir woh exactly uss discipline ke baray main tehqeeq nahen kartay.

8. Kabhi aisa honay main university ki bad-niyyati nahen balkeh PEC ka dheela-pan shamil hota hai. Kyunkeh PEC aik sarkari idara hai. Aam taur pe wifaqi idaray, soobai aur maqami idaron ke muqablay main kafi efficient hotay hain. Lekin theray to phir bhi sarkari idaray na. Islye yehi kaha ja sakta hai ke yeh wala kachwa doosron ke muqablay main ziada taiz hai.

9. University ki recognition HEC se hoti hai. Kyunkeh HEC woh wifaqi idara hai jo universities ko regulate karta hai. Universities ki funding aur audit waghera HEC ki janib se hota hai. Degree verification HEC ki janib se hoti hai.

10. Jabke PEC woh idara hai jo engineering profession ko regulate karta hai. Pakistan se bahar ki degree le kar ke bhi koi Pakistani ya ghair-mulki engineer aa jay, to usko PEC se license lenay baad he engineering ki ijazat milay gi. Jabke HEC se uska itna talluq nahen hoga.

11. Yeh misal bilkul usi tarah hai, jesay driving se pehlay driving license lena hota hai. Kyunkeh woh aik ehem zimmedaari hai. Isi tarah engineering aur medical ko professional degree kaha jata hai aur yeh aik ehem zimmedaari hain.

-----------------

QUOTE: "PEC se recognized nahi hoti to masla hota he"

12. PEC, kesay bani? PEC PEC Act of 1976 ke zariye bani.

PEC Act of 1976 ne apni self-definition iss tarah di hai, "An Act to make provision for the regulation of the engineering profession ". Yeh jumla reproduction for commercial purpose nahen, islye moderator over-aggressive honay se pehlay soach lain.

PEC ka maqsad inn alfaaz main bayan hua hai, "as its mission set and maintain realistic and internationally relevant standards of professional competence and ethics for engineers, and licence engineers, and engineering institutions to competently and professionally promote and uphold the standards"

Engineering profession main engineering education aur engineering practice, donon shamil hain.

Iss Act ki soft copy PEC ki official website se dastyab hai. Usko download kar ke parh saktay hain. Mushkil yeh hogi ke kam-umar questioner saqeel qanooni alfaaz na parh sakain ge.
Iss soorat main wo kisi wakeel se bhi mashwara le saktay hain.

13. PEC ki janib se aisay iqdamat lye jatay hain jinse admission-hoping students ko pata chalay ke accreditation status kia hai? Lekin agar kisi talib-ilm ya taliba-e-ilm ne jaan boojh kar ya anjanay main non-accredited course main daakhla lia to iski koi saza PEC Act main zikir nahen ki gai.

14. Lekin jo engineers professional engineering work baghair license karainge unhain 6 maah ya 10,000 ki qaid ho sakti hai.

15. "Professional engineering work" ki aik baqaida legal definition hai. Yani design ko sign-off karna. Jo loag engineering ki taleem hasil nahen kar chukay, unhain samajhnay main dushwari hogi ke "design sign-off" kia hai. Beherhal har shakhs ko "design sign-off" to karna nahen hota, iskay lye company main aik he fard kafi hota/hoti hai.

16. Islye point #14 ki saza meri maloomat ke mutabiq aaj tak kisi ko na mili. Iski aik wajah yeh bhi hai ke koi engineer Pakistan main rukta/ti he nahen. Aur koi doosra yahan aa kar kaam karna he nahen chahta.

17. Meri maloomat ke mutabiq har shakhs ka jo engineering degree rakhay, engineering council ke saath registered hona zaroori hai warna uski saza bhi di ja sakti hai. Aur woh saza koi khaas nahen, sirf yehi hai ke uska naam register main nahen hoga aur jitnay saal (number of years) delay hogi, at the time of registration utni he ziada fees deni paregi as a penalty.

18. University ko yeh ikhtyar nahen ke woh without accreditation he students ko dakhla dena shuroo karday - iss bhrosay pe ke baad main to accreditation ho he jaygi. Agar woh aisa karain ge to woh na sirf government ko jurmana dainge, balkeh students ko bhi tamam raqam wapas karainge. Lekin students ka jo waqt zaya hogya hai, usko to lotaya nahen ja sakta na he uss waqt ke zaya honay ke against koi harjana dilwaya jayga. Taham students ko koi saza na hogi ke unhon ne unaccredited course main dakhla kyun lia!

19. Agar "baad" main accreditation hui tab bhi uss daur ke students unaccredited he rahainge. Iski examples PEC ki website main mojud hain ke falan university ke falan discipline ke students apni degree ko accredited samjhain ilawa inn, aur inn salaon ke admission/graduation walay students (taqreeban 4-5 saal likha hai).

------------------------

Abhi tak aapko legally bataya gia ke kia kia masla ho sakta hai. Ab ajaen job-oriented problems:

20. Aam taur pe sirf project-based companies ko he PEC licensed engineers ki zaroorat parti hai. Yaani aisi companies jo civil, mechanical ya electrical waghera ke sarkaari/ghair-sarkaari projects karti hain. Aam taur pe civil engineering main to saara he kaam project-based hota hai, chahay contracting ho ya consulting.
Jabke mechanical aur electrical walay process (factory) main bhi ja saktay hain aur project (construction, development, upgrade, maintenance, shutdown) main bhi. Unmain se sirf project walay career apnanay walon ko he PEC membership ki zaroorat hoti hai, kyunkeh company interview main iss babat zaroor poochti hai. Jo loag process main jatay hain unhain aam taur se koi nahen poochta ke PEC certificate hai ke nahen?

21. Aam taur pe sabhi engineers aur doctors, earning ya immigration kelye mulk se bahar jatay hain. Mulk se bahar janay kelye degree HEC se verify karwana zaroori hota hai jabke PEC se verify karwana na sirf yeh ke zaroori nahen, balkeh PEC ke paas aisa koi intizam bhi nahen.

22. Lekin PEC non-accredited program main dakhla letay huay yeh dharka zaroor mojud hai ke PEC kisi bhi waqt university ko saza de kar jitnay bhi enrolled students hain, unhain pesay wapas karwa ka ghar bhej sakti hai. Aisa uss waqt bhi hosakta hai jab dakhlay ka pehla maheena chal rahaho aur uss waqt bhi jab dakhlay ke 47th month ho, aur passing out main sirf 1 maheena he baaqi ho.

23. Aj tak kam he kisi computer engineer ko dekha hai ke usnay PEC membership ke lye apply kia ho. Mulk ki kai universities ne bhi computer engineering ko PEC se accredit karwanay main dilchaspi nahen li kyunkeh unka kehna yeh hai ke unkay graduates ka Pakistan main koi kaam he nahen. Sabhi ko bahar janay kelye tayyar kia hai.

24. Jo networking companies/software house/computer spare parts suppliers government idaron ke contracts uthatay hain, aam taur pe unhain aisa computer engineer/IT engineer chahye hota/hoti hai jo PEC member ho. Yeh zarorat company ke malik (saith) ke he rishtaydaron ke betay betian poori kar detay hain islye masla nahen hai. Doosron ko nokri mil jati hai unhe companies man, agar unhain kaam aata ho.

25. Private companies pe koi pabandi nahen ke woh apna contractor/consultant/operator hire karain to woh laazmi taur pe PEC member company ho aur uskay employees/partners/owners/stakeholders bhi PEC members hon. Private company ki marzi, jis se chahay kaam le. Lekin aam taur pe private companies bhi PEC registered company ko he kaam eti hain kyunkeh dheela he sahi, aik standard to hai.

------------------------------------

Computer science vs computer engineering:

Computer science ziada tar software based hai. Iskay baad software house main job mil sakti hai jo ke Pakistan main kafi tadad main hain. Aur Pakistan se kafi software export hoti hai. Kai multinational companies bhi ss kaam main hain.

Jabke computer engineering ki course outline ziada tar hardware related hai. Ab hardware ka ziada kaam USA, Israel, Germany, Taiwan, Phillipines aur Japan main hai. Pakistan main kuch compnaies chota mota kaam karti hain maslan petrol pump pe lagnay walay fuel dispenser ka control circuit. Aik company hai avanceon, inhon ne pichlay salon stock market main bhi shares launch kiyay thay aur inkay share ki qeemat bhi barh rahi hai jabke yeh har martaba baqaedgi se dividend bhi detay hain. Iss se pata chala ke chota motay hardware design ki companies bhi kamyab hain lekin inki tadad bohot he kam hai. Systems limited bhi aik bari company hai jo hardware an networking installation ka kaam kartay hain. Inhon ne bhi share launch kia thaa jiski price mustaqil barhti rahi. Lekin yeh kaam design oriented nahen balkeh installation ka hai. Ziada tar computer engineering walay, kisi trademark company ke specific courses kar ke usi company ke hardware ki installation main lag jatay hain maslan CCNA waghera karke joke sirf cisco ke networking equipment ke mutalliq hai. Inn loagon ko deegar CCNA ki janib se competition milta hai kyunkeh CCNA to koi bhi kar sakta hai. Certification aur qualification main kafi farq hota hai. Aur qualification + certification to bohot he mushkil hoti hai uskay baad aadmi sirf certification walay ke masawi rahay yeh baat dil tore deti hai.

Qissa mukhtasir hardware related companies achi chal rahi hain lekin inki tadad bohot kam hai. Saaray students passing out ke baad apply karainge to chand companies kitnon ko job de dengi?

Beherhal kuch loagon ne mind banaya hota hai ke unhain to immigration he chahye. Woh loag laazmi computer engineering he kartay hain aur phir aisi kis jagah nikal jatay hain jahan CPU ya microcontroller design waghera ka scope acha ho.

------------------------------------

75% marks. 75% marks na honay ke barabar hain aajkal ke competition main.

Lekin iskay bawajud aapko kisi na kisi accredited course main dakhla mil sakta hai. Islye kia zaroorat hai ke usi univ. ko target banaen jismain garbar hai?

Wesay bhi pichlay 10-15 saal se university admission test ka system chal raha hai. Jismain 60% test score, 25% fsc aur 15% matric ko dye jatay hain. Islye agar percent bohot achi na bhi ho to test main achay number la kar apni jagah banai ja sakti hai.

------------------------------------

FSc chemistry main karni chahye. Computer main FSc karnay ke baad options bohot limited hoti hain.

------------------------------

QUOTE: "mere ghr se srif mai parhoun ga university mai"

Iski kia wajah hai?

-------------------------------

QUOTE: "university wale keh rahe hen k chand years mai ye feild bhi recognized ho jai gi"

Chand years baad jab field recognize hogi to chand year baad walon ko he PEC membership kelye valid tasawwur kia jayga.

Kia aapka course Jan 2016 to Dec 2019 ka computer engineering hai?

Agar 2 saal baad field recognize hui to PEC walay iss tarah likhainge: "Graduates of XXXXXXX university admission in Jan 2018 eligible for application for PEC membership. People who taken admission in previous intakes will not be considered eligible."

Example: Pakistan ko 2010 main Washington Accord main provisional status mila hai. Ab jisne 2010 batch main passing out ki hai usko Washigton Accord mobility benefits honge. Jisne 1970 main ki hai usko to nahen milenge na.
jackdalton Group: Members  Joined: 27th Sep, 2015  Topic: 4  Post: 17  Age:  29  
Posted on:9th Jan 2016, 1:40pm
 

Still confused

G ye jo engineering hogi wo 2016 to 2020 tk jae gi N phr btayen mujhe kya krna chahiye mene ek or university ka test dena he abi or non-recognized program mai jaoun ya nahi N mai baqaida test dia tha NTs ka agregiate base pa feild mili he mujhe ghr se baqi sab isi liye nahi parh sake kue k interst nahi tha or diplomy side nikal gai lekin mujhe shoke he agye parhne ka isi liye family mujhe support kr rahi he or ap guide kren please k what should i do? Risk lena chahiye ? Mujhe ya nahi kue k ab jo mai test dounga ye last university ka test hoga isk bad koe university nahi bache gi agr is test mai name agaya to nahi to phr mujhe majburan wahi addmission lena hoga ya kisi private uni ka moo dekhna hoga...jis mai khasa expense bear krna hoga jo family k lie kafi mushkil ho jai ga :(
bushra2012 Group: Members  Joined: 15th Oct, 2013  Topic: 1  Post: 1787  Age:  80  
Posted on:12th Jan 2016, 2:24pm
 

PEC Unrecognized program main admission

1. Agar aap akelay he parh rahay hain to aap p bojh daalnay ki kia zaroorat? Baqi sab ke paas bhi moqa thaa na. Unhon ne moqa nikaal dia. Aap bas apni dekhain.

2. Yeh mumkin hai ke aap unrecognized main admission le lain aur phir change of technology kar ke kisi accredited technology main chalay jaen. Lekin aisa hona mushkil hai.

3. Yeh bhi option hai ke aap aik saal kahen nokri kar lain aur next year phir try karain. NOTE: Kuch universities old admission ko discourage karnay kelye aapko penalize karaingi, maslan for each year of delay, aapke 10 marks minus hongay.

4. Zaroori to nahen ke engineering he ki jay jismain PEC ka panga ho. Engineering ke ilawa bhi kai professions aisay hain jinmain professional satisfaction bhi hai, income bhi achi hai aur occupational hazard bhi ziada nahen. Aap un professions ko dekhain.

5. Private university ki taraf na jaen. University sarkaari he theek hai, fees bhi kam hoti hai aur value bhi ziada.
jackdalton Group: Members  Joined: 27th Sep, 2015  Topic: 4  Post: 17  Age:  29  
Posted on:14th Jan 2016, 3:18pm
 

Thanks aLoott sir.

Thanks alot sir.Now, i'm able to take step about my future...
For More Detail Click On Page No: 1
 
 
 
Pakistan Day Celebration In Malaysia  How to get UK settlement spouse visa for us citizen  Anita Dongre Fashion Designer In Dubai
  Prof Arshad Javed Hypnotist and Clinical Psychologist  

 


Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us