Prof Arshad Javed Books In Urdu PDF Free Download
 

Forum.Noorclinic.com
Noor Clinic Pakistan Forum

 
Letter to Erfiwa
  Welcome : Guest
Login | Register | Rules
Noor Clinic| Forum | Health| Sex | General |Pakistani Matrimonial| Site Map
Procedure | Recent Post |New Topic | Most Viewed| Paigham e Quran and Hadees
  Ask A Doctor
Warning: This Website is not for people who are less than 16 years of age. Please Exit
 
Medical Forum Categories
Medical Discussion
Unmarried Boys Problems
Unmarried Girls Problem
Married Men Problem
Married Women Problem
Religion and Sex
Religion and Culture
Social Problem
General Health
Non Medical Discussion
Food & Recipes
Sports & Games
Politics
Urdu
Career and Success
Articles
Chatting
Suggestions
Women Health
Men Health
Junk and Spam
NoorClinic
Home(General)
Home(Health and Sex)
Forum Procedure
Noor Clinic Home
Baby Care
Daily Questions
    Start New Topic  My Profile
 

Shadi k liye larkay ko larki mein kin baton ka khyal malhoz-e-khatir rakhna chahiye?

Unmarried Boys Problems
 
 
bushra2012 Group: Members  Joined: 15th Oct, 2013  Topic: 1  Post: 1763  Age:  80  
Posted on:21st Jun 2017, 7:16pm
 

username aiki - response to post Posted on:20th Jan 2017, 12:06pm

Aj se 30,40 saal pehlay bhi divorces bhi hoti theen, aur larkion ka standard high/low bhi hota thaa. Larkon ka standard high/low ka chakkar bhi hota thaa.

Aisa bhi naheen hai ke larki se poochna nagawaar hota thaa. Samajhdaar loag uss waqt bhi poochte thay. Aur na-samajh loag aj bhi naheen poochte.

Q1:

Larka muamlaat ko apne hath main le sakta hai. Kyun yeh uski zindagi se mutalliq hai.

Q2:

Quran main to likh kar naheen aya ke aurtain he karain, ya mard he karain. Kaam mil jul kar he hota hai. Bilfarz aapke case main ghar ki aurtain iss kaam main tawajju naheen deteen to kia aap saari zindagi kunwaray rahna chahain ge?

Q3:

Yateemon ke rishtay bhi to ho he jatay hain.
Aapki walida ke paas bharpoor moqa hai. Aap bhaga ke to shadi kar nahen rahay. Unhain ehsaas bhi hai, aap bhi unhain shamil karna chah rahay hain. Lekin ab agar wo kar he naheen raheen, to?

Q4:

Aapka aisa sochna aapki samajhdaari aur sensitivity ko zahir karta hai. Aksar larkon ko yeh baat bohot buri lagti ke jab unki behnon ke rishtay aatay hain, to mumkina saas/nandain unki behen ki chhati aur koolhay ki matak waghera lustful eyes ke saath note kar rahi hoti hain.

Ultimately woh larkay yeh naheen chahtay ke unka rishta dekha jae to unki mumina biwi ko isi tarah zaleel kia jae. magar choonkeh aurat he aurat ki dishman hai, islye woh jaa jaa kar apni mumina bahu/bhabi ke jism ki saakht aur a'za-e-makhsoosa ko tirchi nazar se dekh rahi hoti hain.

Q5:

Agar aap iss umar main paydaar faisla naheen karainge to kab karainge? 68 saal ki umar main konsa paydaar faisla hota hai jabke insaan ko pata hota hai ke agla lamha qabar main bhi ho saktay hain.

Q6:

Aapka baat na karna durust thaa.
Wesay bhi aap baat kartay he kia.
Aur kar letay to hasil bhi kia hota?

Q7:

Male female natural attraction hoti he hai. Ap ka wahan interest na hota tab bhi talab to hoti.

Q8:

Larkian dewaar ki ouwt se he dekhti hain, choRay main gali main to aa nahen jateen. Yeh bhi to ho sakta he ke woh aur he kisi cheez ko mushahida kar rahi hon aur aap khwamkha khush-fehmi ka shikaar hain.

Aik baar phir aapko yeh aqal dilani paregi ke larki ki razamandi se aapko kia lena dena. Larki to wahan raazi hogi jahan uska baap kahega.

Q9:

Kyunkeh fantasies/imagination ki uRaan reality main rehtay huay naheen hoti, balkeh uss waqt hoti hai jab fard akela baitha soach raha/rahi ho. Yeh perfectly normal hai.
Wesay bhi hasil ki qadar naheen aur la-hasil ki hasrat to hoti he hai.

Q10:

Dunya main agar pure love hota to kabhi kisi couple ke bachay paida na hotay.

Q11:

Aisay khyalat ka aana normal hai. Inhain aanay se roka nahen ja sakta. Albatta inhain dimagh main paka paka kar ke ziada se ziada jinsi lazzat kasheed karna - isko roka ja sakta hai.

Q12:

27 baras ki buddhi umar ko ponchonch kar bhi agar aap mangni naheen karain ge to kab karainge? Walida to boorhi hoti chali jaengi aur unki salahiat main to kami he aygi. Kia ap unke marnay ka intezaar kar rahay hain?

Bad-mazgi to hogi he. Jo maen apne shoq se bahu laati hain unki apni bahu se naheen banti. Wese bhi aap out of city rehtay hain, aapko kia masla pesh ayga?

Q13:

Shadi ke baad ki zindagi main bohot tarah ke asaraat paR saktay hain. Lekin aaj tak kisi ne bhi iss wajah se shadi ko taala nahen na he inkaar kia.

Q14:

27 ki pakki umar pe to loag PhD kar chukay hotay hain. Aap BSc kar ke konsi research kar rahay hain? MSc se pehlay to MPhil main bhi dakhla nahen milta.

Aap kia qabar main laitnay ke baad apna rishta bhejain ge? Akhir kab tak intezaar karna hai apne? Konsa mojza honay ka intezaar kar rahay hain?
aiki Group: Members  Joined: 03rd Apr, 2009  Topic: 12  Post: 82  Age:  27  
Posted on:14th Jul 2017, 1:14pm
 

@Bushra

username aiki - response to post Posted on:20th Jan 2017, 12:06pm

Q2: Quran main to likh kar naheen aya ke aurtain he karain, ya mard he karain. Kaam mil jul kar he hota hai. Bilfarz aapke case main ghar ki aurtain iss kaam main tawajju naheen deteen to kia aap saari zindagi kunwaray rahna chahain ge?

Yakeenan aisa nahi hai isey liye to mein ney apni problem NCF pey share ki hai.

Q3:Aapki walida ke paas bharpoor moqa hai. Aap bhaga ke to shadi kar nahen rahay. Unhain ehsaas bhi hai, aap bhi unhain shamil karna chah rahay hain. Lekin ab agar wo kar he naheen raheen, to?

Isi problem ka solution nikalna hai kyon k wo walid k zamaney sey hi bad aitmadi ka shikar hain aur kisi insan pey trust nahi kartin. Un ki isi soch ki waja sey apney aur parayon mein koi bhi un k nazdeek nahi jata aur na hi kisi ki un sey banti hai. Unhain yeh khof lahaq hai shadi k baad meri bari behan ka kia ho ga kyun k wo us ki shadi ki zimmadari bhi marey sar pey dalti hain aur khud koi bhi decision latey huey ghabrati hain. Agar sister k liye mujha koi rishta munasib lagey to us aur behtar ki demand karti hain. Ab umar k is hissaey mein wo apney ap ko badlney pey amada nahi aur waqt kisi ka intzar nahi karta. To phir mein is mamley ko kaisey suljhaon?

Q4: Aapka aisa sochna aapki samajhdaari aur sensitivity ko zahir karta hai. Aksar larkon ko yeh baat bohot buri lagti ke jab unki behnon ke rishtay aatay hain, to mumkina saas/nandain unki behen ki chhati aur koolhay ki matak waghera lustful eyes ke saath note kar rahi hoti hain.

Yehi to mein nahi chahta agarche shadi sey pehley larki ko dekhney ki mazhab ney bhi ijazat dey rakhi hai. Ye baat bhi apni jaga darust hai k physical feature hi sey kisi k liye dil mein attraction bhi peda hoti hai kyun k adaat to sath reh ker hi pata chalti hain magar isn sab k bawjood mein guilty feel karta hon. Baray kehtey hein k kisi k ghar bar bar janey sey bohat si baton ka pata chalta hai aur rishtey jorney sey pehley aisa kia bhi jata hai shaid mangni ki waja bhi yehi ho magar pata nahi kyun mujha ye sab ajeeb sa lagta hai. Agar larki saaf kirdar ki maalik hai to kia ye sari investigation matter karti hai? (Magar issue to ye bhi apni jaga mojod hai k is k baghair kasey malom ho ga k larki saaf kirdar ki maalik bhi hai?) Khandan sey hum ney kia nikalna hai… ap ki is baray mein kia raaye hai?

Q5: Agar aap iss umar main paydaar faisla naheen karainge to kab karainge? 68 saal ki umar main konsa paydaar faisla hota hai jabke insaan ko pata hota hai ke agla lamha qabar main bhi ho saktay hain.

Paidaar decision k liye bhi kisi ka sath chahiey hota hai… walida ki kami ko uncle pora nahi ker saktey. Agar walida ko hi is baat ki fikar nahi to wahan uncle kia ker lain gey? Akhir uncle final authority to nahi. Wo bhi kehtey hain k final decision tumhari maa ney hi karna hai. Deegar mamlon mein to wo tawun karney ko tayar hain magar rishtey k mamlat to larki walon ney walida sey hi tey karney hain…

Q8: Larkian dewaar ki ouwt se he dekhti hain, choRay main gali main to aa nahen jateen. Yeh bhi to ho sakta he ke woh aur he kisi cheez ko mushahida kar rahi hon aur aap khwamkha khush-fehmi ka shikaar hain.

Raat k andhery mein kia cheez ka mushahida kia ja sakta hai jab 6 foot k fasley pey insan ki shakal bhi na pehchani ja rahi ho sirf haieyat se andaza lagana hi mumkin ho…

Aik baar phir aapko yeh aqal dilani paregi ke larki ki razamandi se aapko kia lena dena. Larki to wahan raazi hogi jahan uska baap kahega.

Yehi baat to ap se jannani hai k agr larki pressure mein a k (walid k hold ki waja sey) shadi ker bhi leti hai to kia wo marey sath khush reh paey gi. Ye mamla to meri zindagi se bhi mutaliq hai to kia mein chahon ga k aisey ho? Is liye us ki marzi bhi ehmiat ki haamil hai aur mein chahta hon k us k dil ki razamandi bhi mujh tak kisi zariye se pohnch jaey magar marey pass aisa koi zariya filhaal nahi. Walida k haalat ap k samney hain to jab decision mein ney karna hai without any support to mujha bhi to mamley ka pora ilam hona chahiye…is k liye munasib sorat-e-haal kia ho sakti hai?

Q9: Kyunkeh fantasies/imagination ki uRaan reality main rehtay huay naheen hoti, balkeh uss waqt hoti hai jab fard akela baitha soach raha/rahi ho. Yeh perfectly normal hai.

Wesay bhi hasil ki qadar naheen aur la-hasil ki hasrat to hoti he hai.

Talab mein kami ya ziadti ko mein aaj tak nahi samjh saka. Mein ney ye mehsos kia hai k jab bhi kisi occasion pey mein us k qareeb hota hon to talab khatam ho jati hai magar door hotey hi ye barhney lagti hai. Mujha aksar ye khayal bhi ata hai k shadi k baad bhi aisa na ho k jesay ap ney bhi kaha k nazdeek ki cheez ki qadar nahi hoti to shadi k bad mera dil us k qareeb janey ko hi na karay aur ulta mein mushkil mein giraftar ho jaon…

Q10: Dunya main agar pure love hota to kabhi kisi couple ke bachay paida na hotay.

To kia shadi k baad jo amal mian aur biwi k mabaein hota hai wo pure love nahi kehlata…agar aisi baat hai to phir wo amal kia kehlaye ga?

Q11: Aisay khyalat ka aana normal hai. Inhain aanay se roka nahen ja sakta. Albatta inhain dimagh main paka paka kar ke ziada se ziada jinsi lazzat kasheed karna - isko roka ja sakta hai.

Magar kasey? Kisi kay baray mein dil mein khayal peda hona aur bar bar anay ko roka nahi ja sakta magar ye bhi haqeeqat hai k kisi ka baray mein aney waley khayal sey hi yeh ehsaas bhi develop hota hai k wo insaan ap ki zaroorat mien shamil ho chukka hai. Agarche mein us insan k tasawwar se lazzat kasheed nahi karta na hi aisa chahta hon magar is zaroorat ko bhi wohi insaan pora ker sakta hai aur zaroorat hi talab peda karti hai. Ye almost namumkin sa ho jata hai k us insan ka khayal aye aur us se juri zaroorat ka ehsaas beydar na ho… mein is issue pey ap ka bhi point of view rather solution chahon ga…

Q12: 27 baras ki buddhi umar ko ponchonch kar bhi agar aap mangni naheen karain ge to kab karainge? Walida to boorhi hoti chali jaengi aur unki salahiat main to kami he aygi. Kia ap unke marnay ka intezaar kar rahay hain?

Larki walon ki demend meri walida hain kyon k wo unhain decesion authority samjhtey hain? unhain meri walida k mizaj ka ilam nahi. ab is masley ka hal batain?

Bad-mazgi to hogi he. Jo maen apne shoq se bahu laati hain unki apni bahu se naheen banti. Wese bhi aap out of city rehtay hain, aapko kia masla pesh ayga?

Masla ye hai k mein rental house mein rehta hon aur meri salary bhi kam hai aur bachat na honey k brabar. Marey walid officer they to isi waja sey walida ki pension bhi achi hai magar wo mujha support karney ko tayar nahi. Ulta mujh sey hi kehti hain k kama k lao aur marey hath pey rakho takey mein teri baat karon is k ilawa wo kuch samjhney ko tayar nahi. Ab un ko mein kasey samjhaon k meri itna istataat nahi hai. Un ki badgumani is mamley mein khatam honey ka naam nahi ley rahi…wo meri madad ker sakti hain magar wo kehti hain k mera sab kuch betiyon ka hai batay apna khud kamain meri zimma darri nahi hai. Ghar k beshtar ikhrajat jasey utility bills, choton ki education waghra marey hi tawon se chal rahey hain magar un ko is ka ehsas nahi. Wo samjhti hain k mein pesa bannaney ki machine hon. Kia mein dosron k haq pey daka dalna shroo ker don ya qatal karna? Ye kaam to mein nahi ker sakta aur halal mein zaroortein pori ho jain to ghaneemat hai…is waqt mein ney bohat se zimmadariyan un key kandhon sey hatai hui hain magar unhain is baat ka ehsaas nahi to phir kia kia jaey? Chotey behan bhai bhi walida k mizaj ki waja sey khamosh hi rehtey hain agarche wo bhi samjhtey hain k jo ho raha hai wo theek nahi.

Q13: Shadi ke baad ki zindagi main bohot tarah ke asaraat paR saktay hain. Lekin aaj tak kisi ne bhi iss wajah se shadi ko taala nahen na he inkaar kia.

Apne halat ki waja sey hi mein khof ka shikar bhi hon. Awal to ye beil mondhey charney ka naam nahi ley rahi aur us k bad walida problem create karney ko tayar bethi hai…

Q14: 27 ki pakki umar pe to loag PhD kar chukay hotay hain. Aap BSc kar ke konsi research kar rahay hain? MSc se pehlay to MPhil main bhi dakhla nahen milta.

Mein ney apni profile ko update nahi kiya ye confusion shaid isi waja se peda hui ho…

Aap kia qabar main laitnay ke baad apna rishta bhejain ge? Akhir kab tak intezaar karna hai apne? Konsa mojza honay ka intezaar kar rahay hain?

Asal mein mojza nahi baat halat ki hai aur halat ko sanwarney mein walida koi tawon karney ko tayar nahi. Behno ki zimmadari wo mujh pey daal k bethi hui hain aur khud tawon karney ko tayar nahi hain. bardasht na honey ki waja sey wo ghar aye mehmano ko aksr khari khari suna deti hain. un ka kehna hai k shadi ka bad to biwi k peechay lag jaey ga to teri behno ki shadi kon karay ga?ab ap batain k kia kia jaey?

aiki Group: Members  Joined: 03rd Apr, 2009  Topic: 12  Post: 82  Age:  27  
Posted on:14th Jul 2017, 1:15pm
 

@Bushra

username aiki - response to post Posted on:19th Jan 2017, 11:49pm

Q1: Chhotay larkay ko (18-23 years) intezaar karna chahye. Aur muashi halaat achay karnay ki koshish karni chahye. Baray larkay ko (26-35) intezaar na karna chahye.

Umar k is hissay mein mein is ki kafi talab bhi mehsos ker raha hon magar walida ko is baat ka koi ehsaas nahi ulta un sey aisi baat karney ka matlab hai a bail mujha maar. Is k bad porey ghar mein wo jo meri hashar karain gi usey soch ker hi mujha wehshat honey lagti hai.

Q6: Har kaam kelye pehli cheez jo required hotihai woh hai "jigra". Jiske andar hosla naheen woh tadbeer bhi nahen kar sakta/sakti.

Ap ki baat darust magar afsanvi hai. Lakhon mein shaid koi eik adh insaan aisa hota ho ga jo tan-tanha aisa kuch ker gaya ho jis ki duniya aaj tak example deti ho. Hum jis maashrey ka hissa hain wahan zana sasta aur nikah mehnga hai. Hum average log hain jo mean logon mein phansey huey hain. jo apna ullu to seedha rakhna jantey hain magar ap ka ehsaas nahi kartey. Ye ehsaas karney ki bemari hi to mujha yahan tak ley ai hai wagarna mein shaid khamoshi hi ikhtiyar kiye rakhta. Yahan per apney haq ki baat karney ko beysharmi kaha jata hai aur ghurbat k taaney diye jatey hain… mein eik ameer maa ka ghareeb beta hon.

Q7: Yeh jumla qismat aur nazarya-e-jabar-o-qadar ki taraf ishara karta hai.

Nikah ka behtreen waqt har cheez se relate karta hai magar completely dependent kisi aik factor pe hargiz naheen hota.

To phir marey halat ko mad-e-nazar rakhtey huey wo waqt kb aye ga?

Q8: Sister ki shadi ki zimmedaari woh aap pe daal rahi hain. Theek hai, kyunkeh walid ke ba'd sister ka wali aap he hain.

Magar is wali ki raaye ki koi ehmiat nahi. Walida kai achey rishtey sister ki hat dharma aur apni na samjhi ki waja sey zaaya ker chuki hain. marey hat al imkan samjhaney k bawjood bhi wo tass sey mass nahi hotin. Agar un ko ziada samjhao to un k mood bigar jata hai aur kai baar aisey ho chukka hai k unho ney ghar aye mehmanooo ko attend nahi kia. Mujha apni hitak ka ehsaas alag raha. Ab agar wali ki hi na maani jati ho aur sister aur walida ney apney ideal ki zid pakar rakhi ho to mein kia ker sakta hon?

Q9: Sister ke wali honay ke natay unpe dabao dalain ke woh achay rishtay ko na thukraen. Akhir larkon ka bhi koi dil hota hia, yeh thori ke har larki reject kar he de.

Albatta zabardasti shadi na karwaen.

Agar woh naheen apni shadi karteen, to aap beherhal apni shadi kar lain.

Unho mey sister ki waja sey hi meri shadi bhi rok rakhi hai aur mein apni walida k sath zabardasti bhi nahi ker sakta k wo jaga hi aisi hai. Banda bachey ko dant dapt k bhi baat manwa leta hai magar yahan kia kia jaey?

Q10: Aap unkay lye bhi achay rishton ki koshish karain.

Aur apnay lyey bhi. Aur moqa paa kar apna kaam to kar lain. Woh naheen manteen to apna nuqsaan karti hain, aap iss chakkar main kyun nuqsaan bhugten?

Wo yehi zid pakar k bethi huin hain. meri waalida shroo sey hi eik ziddi khatoon thin isi waja sey walid ki bhi un sey nahi banti thi. Achey rishton k liye ghar se bhi tawon hona chahiye magar walida initial detail sun ker hi inkaar ker deti hain. ab 100% ideal to duniya mein kahin bhi exist nahi ker sakta compromise karna parta hai magar unho ney zid pakar rakhi hai aur dukh to yeh hai k sister ko bhi is baat ka ehsas nahi k un ki umar nikalti ja rahi hai…wo bhi tawon karney ko tayar nahi.

Q12: Aap aik 27 baras ke mukammal mard hain jo apni zindagi ka faisla khud le saktay hain. Aap koi 20 saal ke bachay thori hain. Apni zindagi apne haath main lain. Kab tak bachay banay rahainge?

Bachey hi rehtey to acha tha. Baray honey pey to aisa lagta hai k wo qarzey utarney per rahey hain jo wajib na they. Kia aisi bhi koi shadi ho gi jis mein walida hi shareek na hon? Wo aisi khatoon hain jo kisi bhi din kuch bhi ker sakti hain. un ka mizaj intehai taghur amaiz hai. Zabardasti karney pey kuch ghalat ho gya to meri izzat to malia mait ho jaey gi…

aiki Group: Members  Joined: 03rd Apr, 2009  Topic: 12  Post: 82  Age:  27  
Posted on:14th Jul 2017, 1:17pm
 

@Bushra

username aiki - response to post Posted on:20th Jan 2017, 12:06pm

Q1: Aik lambi tafseel hai magar is main koi sawal he naheen jiska jawab dia jae.

Aik baat to understood hai ke koi mard apni beti ke muamlay kisi aik fard pe bhi aitemaad na karay, ya 1000 pe aitemaad karay, shadi to unhon ne apni beti ki kisi na kisi se karni he hai.

Beti ki razamandi ki ehmiat marey liye hai kyun k zindagi mein ney us k sath guzarni hai baap ney nahi. Agar pressure mein a k wo haan bhi ker deti hai to zindagi to meri mutassur ho gi. Kia koi aisa way hai jis ki madad sey us k dil ki amadgi malom ki ja sakey?

Q2: Aapki observation ka daira bohot chhota hai. har case main aisa hona zaruri naheen. Aur agar aisa hota bhi hai, to kia loag shadian karna he chor dainge? Kisi na kisi se to karni he hai na.

Aaj sirf baat karney pey walida itni batain sunati hain aur us larki k naam pey taaney deti hain to kal agr koi issue hota hai to wo meri jaan azaab ker dain gi. Is rishtey k ilawa mujha aur koi option bhi dikhai nahi deta.

Q3,4: Jesa ke aapke khandaan main koi khas mashwara denay wala nahen. Jo mashwara dega woh janibdarana rawayya rakhay ga/gi. Mother kuch karnay ko tayyar nahen. inn halaat main aapki shadi mushkil hai, islye agar koi aik chance kaheen banta hai to foran kar lain.

Yehi mein bhi chahta hon magar pershani apney maashi halat aur walida k behaviour ki hai. Khandan mein bhi rishtey mojod hain aur kafi dabao bhi hai. Balkey wahan to walida k tawon k baghar sab kaam karney ko tayar hain magar mera wahan dil nahi manta. Jahan mera dil manta hai wahan koi tawon karney ko tayar nahi. Mein akela to kuch nahi ker sakta?

Aap competition aur jealousy main na parain. Larki ka cousin hai aur who uss se bhi tuition parh chuki hai to iska yeh matlab to nahen who bhi shadi kelye aik potential suitor hai.

Mein hargiz jealousy ya competition mein nahi balkey apney andar peda honey waley is ehsas ko katam karna chahta hon k aya k wo bhi meray baray mein wohi mehsoos karti hai jo k mein karta hon. Agar aisa kuch malom ho jaey to meri confusion bari had tak khatam ho sakti hai.

.

Q8: Yeh baat to usi waqt maloom ho sakti hai jab aap apne rishte ki baat chalaen. Lekin agar aap iss muamlay ko linger-on kartay rahain ge to kisi bhi shadi na hogi, hero, heroine, raqeeb, aur rishtaydaar, sabhi apni umrain poori kar ke qabar main chalay jaenge.

Rishtey ki baat initial phase sey agey bhi to barhey. Masla wohi hai jo mein ap se discuss ker chukka hon.

aiki Group: Members  Joined: 03rd Apr, 2009  Topic: 12  Post: 82  Age:  27  
Posted on:14th Jul 2017, 1:21pm
 

@Bushra

Mein ney teeno posts pey mojod masail ko address kia hai. kuch mein sawalat hain aur kuch mein jawabat. I hope k ap sawalon k jawab dein gi.

secondly mein ap ki profile se nawaqif tha kyun k mein ney kabhi is baat pey ghor hi nahi kya lekin ap ki umar profile mein 80 years hai aur mein confuse hon k kia aisa mumkin hai k 80 years ka koi banda/bandi is forum ka dedicated members ho aur dosra i don't know how should i address you? Can you clarify this confusion?
For More Detail Click On Page No: 1>>
 
 
 
Pakistani Singer In Malaysia  How to apply for an australian visa  Indian Students Dance In USA
  Prof Arshad Javed Hypnotist and Clinical Psychologist  

 


Warning :The information presented in this web site is not intended as a substitute for medical care. Please talk with your healthcare provider about any information you get from this web site.
© Copyright 2003-2017 www.noorclinic.com, All Rights Reserved Contact Us